Dubai Creek Tower នឹងក្លាយជាអគារខ្ពស់បំផុតក្នុងលោក
អគារ Dubai Greek Tower ស្ថិតក្នុងបរិវេណកំពង់ផែឌូបៃហ្គ្រិក ដែលមានទំហំ៥,៦គីឡូម៉ែត្រការ៉េ ដែលនឹងក្លាយជាប៉មមើលទេសភាពខ្ពស់បំផុតដែល មានទីតាំងនៅទីក្រុងឌូបៃ ប្រទេសអារ៉ាប់រួម។
យោងតាមសារព័ត៌មាន CNN បានឱ្យដឹងថា ក្រោយពីបានបញ្ចុះបឋមសីលា កាលពីខែតុលា ឆ្នាំ២០១៦ កម្មករបន្តជីកក្នុងជម្រៅដ៏ជ្រៅនៅឡើយ ដើម្បីចាក់គ្រឹះ ដោយដាក់សសរគ្រឹះជម្រៅ៧២ម៉ែត្រ ជាកំណត់ត្រាពិភពលោកមួយ ដែលត្រូវចាក់បេតុងចំនួន៤.៥២៣ម៉ែត្រគូប។ រចនាបថរបស់អគារ ដែលជាការវិនយោគរួមគ្នារបស់ក្រុមហ៊ុន Emaar Properties និងក្រុមហ៊ុន Dubai Holdings ត្រូវបានបំផុសគំនិតចេញពីផ្កាឈូក និងផ្កាម្លិះ ដោយមានខ្សែកាបទាញទប់ប្រវែងសរុប១០៩គីឡូម៉ែត្រ។
ស្ថាបត្យករអេស្ប៉ាញដើមកំណើតស្វីស លោក Santiago Calatrava បានរចនាជាន់មើលទេសភាព៣៦០ដឺក្រេ និងសួនច្បារបន្តោកដ៏អស្ចារ្យមួយនៃជាន់រចនាបថ Baylon ខាងក្នុងអាគារ ជាមួយនឹងទិដ្ឋភាពពីលើតំបន់ជម្រកសត្វព្រៃ Ras Al Khor។ កាលពីមុន អគារនេះមានឈ្មោះថា The Tower Harmbour ក្នុងតម្លៃសាងសង់បឋម១ពាន់លានដុល្លារអាមេរិក ហើយត្រូវបានគេរំពឹងថា នឹងត្រូវបានបញ្ចប់នៅឆ្នាំ២០២០។ មានចំនួន២១០ជាន់ និងកម្ពស់យ៉ាងហោចណាស់៩៩៨ម៉ែត្រ វានឹងក្លាយជាប៉មខ្ពស់បំផុតរបស់ពិភពលោក។
បច្ចុប្បន្ន គម្រោងនេះកំពុងសាងសង់ក្នុងការប្រកួតប្រជែងជាមួយអគារ Jeddah Tower ក្នុងប្រទេសអារ៉ាប៊ីសាអ៊ូឌីត។ អគារ Dubai Creek Tower ត្រូវបានកំណត់ជាប៉មមួយ មិនត្រូវបានសាងសង់ជាលំនៅឋាន ឬការិយាល័យ។ វានឹងជែងប៉មតូក្យូ Skytree ដែលជាគ្រងកំណត់ត្រាបច្ចុប្បន្ន ដោយមានចំនួន៣០៣.៥ម៉ែត្រ។ អគារ Jeddah Tower នឹងមានលំនៅឋាន១៦៧ជាន់ (និងជាន់មិនមែនលំនៅឋានចំនួន៨៥ជាន់) ហើយនឹងជែងអាគារ Burj Khalifa ដែលបច្ចុប្បន្នអគារនេះខ្ពស់បំផុតនៅពិភពលោក ដោយមានជាន់លំនៅឋានកម្ពស់១៧១ម៉ែត្រ។
https://youtu.be/tb8eOV0s5bA
អត្ថបទដោយ:
Dara