ប្លង់ស្ពានអាកាសនៅរង្វង់មូលចោមចៅប្រកាសជាផ្លូវការហើយ
ប្លង់គម្រោងសាងសង់ស្ពានអាកាស និងផ្លូវក្រោមដី ដ៏ស្រស់ស្អាត ដែលស្ថិតត្រង់ចំនុចរង្វង់មូលចោមចៅ ត្រូវបានប្រកាសជាផ្លូវការហើយ។ នេះបើតាមការបង្ហោះរូបគម្រូប្លង់ជាផ្លូវការ ដោយទំព័រហ្វេសប៊ុករបស់ មន្ទីរសាធារណការ និងដឹកជញ្ជូនរាជធានីភ្នំពេញ កាលពីល្ងាចថ្ងៃទី ១៣ ខែមិថុនា ឆ្នាំ២០១៨។
ការសាងសង់ស្ពាននេះឡើងគឺ ដើម្បីបញ្ជៀសការកកស្ទះនៅត្រង់ចំនុចផ្លូវធំៗ ចំនួនបួនខ្សែរ ដែលរួមមានដូចជា៖ មហាវិថី សហព័ន្ធរុស្ស៊ីុ, មហាវិថី វេងស្រេង, ផ្លូវជាតិលេខ៣ និងផ្លូវជាតិលេខ៤។ ហើយកត្តាធំចម្បងគេដែលបង្កអោយមានការកកស្ទះនោះគឺ កំណើនប្រជាជន រួមជាមួយកំណើននៃយានយន្តដែលកើនឡើងនៅក្នុងក្រុងភ្នំពេញ ដែលមានចំនួនយានយន្តសរុបប្រមាណជាង ៣០ម៉ឺនគ្រឿង។
បើមើលតាមរូបភាពក្នុងប្លង់គឺ តម្រូវអោយអ្នកធ្វើដំណើរតាមមហាវិថី សហព័ន្ធរុស្ស៊ី ដែលមានបំណងឆ្ពោះទៅផ្លូវជាតិលេខ៣ ត្រូវបើកបរឡើងតាមលើស្ពាន ឆ្លងពីលើរង្វង់មូលចាស់។ ចំណែកអ្នកធ្វើដំណើរតាមមហាវិថី សហព័ន្ធរុស្ស៊ីដដែល តែមានគោលដៅឆ្ពោះទៅផ្លូវជាតិលេខ៤វិញ មិនតម្រូវអោយឡើងស្ពានទេ ពោលគឺត្រូវបត់ស្តាំបើកបរតាមផ្លូវក្រោមស្ពានវិញ។ ចំពោះប្រជាជនដែលធ្វើដំណើរតាមមហាវិថី វេងស្រេង បើចង់ធ្វើដំណើរទៅកាន់ផ្លូវជាតិលេខ៣ ត្រូវបើកបរឡើងតាមលើស្ពាន តែបើចង់ធ្វើដំណើរទៅកាន់ផ្លូវជាតិលេខ៤ វិញ គឺត្រូវជិះតាមផ្លូវក្រោមស្ពាន នេះបើយោងតាមរូបភាពនៅក្នុងប្លង់។
សូមបញ្ជាក់ថា ចំពោះការចំណាយថវិកាចំនួនប៉ុន្មាន? ខាងមន្ទីរសាធារណការ និងដឹកជញ្ជូន រាជធានីភ្នំពេញ នៅមិនទាន់បានបង្ហាញនៅឡើយទេ។
គួររំលឹកផងដែរថា ប្រសិនបើស្ពាននៅរង្វង់មូលចោមចៅសាងសង់រួចរាល់ នឹងក្លាយជាស្ពានអាកាសទី៦ហើយ ដែលមានវត្តមាន
នៅក្នុងរាជធានីភ្នំពេញ។ ដែលបច្ចុប្បន្ននៅភ្នំពេញមានស្ពានអាកាស សម្រាប់យានយន្តឆ្លងកាត់ចំនួន៥ ពោលគឺ៖
១៖ ស្ពានអាកាសក្បាលថ្នល់ ឬ (ស្ពានច្បារអំពៅ)
ទី២៖ ស្ពានអាកាស ៧មករា
ទី៣៖ ស្ពានអាកាសស្ទឹងមានជ័យ
ទី៤៖ ស្ពានអាកាស ៥មករា ឬ (ស្ពានអាកាស តិចណូ)
ទី៥៖ ស្ពានអាកាសផ្សារដីហុយ
មិនតែប៉ុណ្ណោះគម្រោងសាងសង់ស្ពានអាកាស និងផ្លូវក្រោមដីទី៧ នៅក្នុងរាជធានីភ្នំពេញត្រូវបានគេរំពឹងថានឹង សាងសង់នៅតាមបណ្តោយផ្លូវព្រះមុន្នីវង្ស ចំនុចស្តុប Bkc (អាគារកាណាឌីយ៉ា)៕
អត្ថបទដោយ:
Medikan
បើមើលតាមរូបភាពក្នុងប្លង់គឺ តម្រូវអោយអ្នកធ្វើដំណើរតាមមហាវិថី សហព័ន្ធរុស្ស៊ី ដែលមានបំណងឆ្ពោះទៅផ្លូវជាតិលេខ៣ ត្រូវបើកបរឡើងតាមលើស្ពាន ឆ្លងពីលើរង្វង់មូលចាស់។ ចំណែកអ្នកធ្វើដំណើរតាមមហាវិថី សហព័ន្ធរុស្ស៊ីដដែល តែមានគោលដៅឆ្ពោះទៅផ្លូវជាតិលេខ៤វិញ មិនតម្រូវអោយឡើងស្ពានទេ ពោលគឺត្រូវបត់ស្តាំបើកបរតាមផ្លូវក្រោមស្ពានវិញ។ ចំពោះប្រជាជនដែលធ្វើដំណើរតាមមហាវិថី វេងស្រេង បើចង់ធ្វើដំណើរទៅកាន់ផ្លូវជាតិលេខ៣ ត្រូវបើកបរឡើងតាមលើស្ពាន តែបើចង់ធ្វើដំណើរទៅកាន់ផ្លូវជាតិលេខ៤ វិញ គឺត្រូវជិះតាមផ្លូវក្រោមស្ពាន នេះបើយោងតាមរូបភាពនៅក្នុងប្លង់។
សូមបញ្ជាក់ថា ចំពោះការចំណាយថវិកាចំនួនប៉ុន្មាន? ខាងមន្ទីរសាធារណការ និងដឹកជញ្ជូន រាជធានីភ្នំពេញ នៅមិនទាន់បានបង្ហាញនៅឡើយទេ។
គួររំលឹកផងដែរថា ប្រសិនបើស្ពាននៅរង្វង់មូលចោមចៅសាងសង់រួចរាល់ នឹងក្លាយជាស្ពានអាកាសទី៦ហើយ ដែលមានវត្តមាន
នៅក្នុងរាជធានីភ្នំពេញ។ ដែលបច្ចុប្បន្ននៅភ្នំពេញមានស្ពានអាកាស សម្រាប់យានយន្តឆ្លងកាត់ចំនួន៥ ពោលគឺ៖
១៖ ស្ពានអាកាសក្បាលថ្នល់ ឬ (ស្ពានច្បារអំពៅ)
ទី២៖ ស្ពានអាកាស ៧មករា
ទី៣៖ ស្ពានអាកាសស្ទឹងមានជ័យ
ទី៤៖ ស្ពានអាកាស ៥មករា ឬ (ស្ពានអាកាស តិចណូ)
ទី៥៖ ស្ពានអាកាសផ្សារដីហុយ
មិនតែប៉ុណ្ណោះគម្រោងសាងសង់ស្ពានអាកាស និងផ្លូវក្រោមដីទី៧ នៅក្នុងរាជធានីភ្នំពេញត្រូវបានគេរំពឹងថានឹង សាងសង់នៅតាមបណ្តោយផ្លូវព្រះមុន្នីវង្ស ចំនុចស្តុប Bkc (អាគារកាណាឌីយ៉ា)៕
