ផលប៉ះពាល់ពីថ្នាំលាបផ្ទះដែលអ្នកមិនធ្លាប់ដឹង

ផលប៉ះពាល់ពីថ្នាំលាបផ្ទះដែលអ្នកមិនធ្លាប់ដឹង
ខណៈដែលសំណង់អគារកាន់តែរីកលូតលាស់ច្រើនឡើង តម្រូវការប្រើប្រាស់ថ្នាំពណ៌លាបផ្ទះក៏មានការកើនឡើងដូចគ្នាដែរ។ ប៉ុន្តែតើអ្នកមានដឹងទេថា ថ្នាំពណ៌ដែលមានគុណភាពមិនល្អបង្កផលប៉ះពាល់អ្វីខ្លះ ដល់សុខភាពរបស់អ្នក។ ថ្នាំលាភផ្ទះត្រូវបានប្រើប្រាស់យ៉ាងទូលំទូលាយ និងបានផ្សាភ្ជាប់ទៅនឹងបរិស្ថានរស់នៅរបស់មនុស្សគ្រប់គ្នាផងដែរ។ ក្រៅពីផលល្អនៃការរីកចម្រើនរបស់ឧស្សាហកម្មថ្នាំលាប វាក៏មានផលប៉ះពាល់មួយចំនួនដល់មនុស្ស និង បរិស្ថានផងដែរ ប្រសិនបើថ្នាំលាភផ្ទះទាំងនោះ មិនមានស្តង់ដាត្រឹមត្រូវ។ មនុស្សភាគច្រើនពុំបានគិតថា សុខភាពរបស់ពួកគេត្រូវបានបំផ្លាញដោយប្រយោល ពីថ្នាំលាបផ្ទះនោះឡើយ ទាំងសុខភាពស្បែក ភ្នែក ខួរក្បាល សួត និងការដួលសន្លប់ ក្អួតចង្អោរជាដើម។ ពួកគេយល់ថា ប្រសិនបើផ្ទះរបស់គេមានក្លិនឈួលពីថ្នាំលាភផ្ទះ គេគ្រាន់តែទុកផ្ទះនោះចោលប្រហែលជា ១ ទៅ ២ ខែ បន្ទាប់មក ក៏រើចូលមកនៅជាធម្មតាវិញ។ ប៉ុន្តែយោងតាមអ្នកជំនាញផ្នែកថ្នាំលា​ប​ផ្ទះ បានបញ្ជាក់ថា គ្រោះថ្នាក់នៃថ្នាំលាភផ្ទះមិនមែនមានតែប៉ុណ្ណឺងនោះទេ។ លោក ម៉ាក វណ្ណៈ ដែលអ្នកជំនាញលក់ថ្នាំពណ៌ ប្រចាំក្រុមហ៊ុនឌូហ្វា ដែលជានាំចូលផលិតផលថ្នាំលាបគ្រប់ប្រភេទពីប្រទេស​អាឡឺម៉ង់ បានប្រាប់សារព័ត៍មានក្នុងស្រុកមូយថា មនុស្សភាគច្រើនមិនបានដឹងពីផលប៉ះពាល់នៃសារធាតុគីមី ពីផលិតផលថ្នាំលាភផ្ទះ ដែលមិនមានគុណភាពស្តង់ដា អាចមានរយៈពេលយូរជាងនេះទេ គេក៏មិនបានដឹងដែរថាជំងឹរ៉ាំរៃ ឬក៏ជំងឺមហារីកក៏អាចបង្កមកពីថ្នាំលាបទាំងនេះដែរ»។ លោកបានប៉ាន់ប្រមាណថា មានប្រជាជនកម្ពុជាប្រហែល ៥% ប៉ុណ្ណោះ ដែលដឹងពីគ្រោះថ្នាក់នៃសុខភាពរបស់ពួកគេដែលបណ្តាលមកពីថ្នាំលាភផ្ទះដែលមានគុណភាពអន់ ខណៈដែលមានក្រុមហ៊ុនម៉ៅការសាងសង់តែជាង ២០% ប៉ុណ្ណោះ បានប្រើប្រាស់ថ្នាំលាភផ្ទះបានត្រឹមត្រូវ​ និង ដឹងពីអត្ថប្រយោជន៍ និងគុណវិបត្តិរបស់វាចំពោះសុខភាពមនុស្ស។ លោកជឿថា មនុស្សជាច្រើនធ្លាប់មានបទពិសោធន៍មិនល្អជាច្រើនរួចមកហើយ ជាមួយនឹងថ្នាំលាភផ្ទះដែលមិនមានគុណភាពស្តង់ដារត្រឹមត្រូវ។ ជាសំណាងល្អ ថ្នាំលាភផ្ទះដែលមិនបង្កគ្រោះថ្នាក់ដល់អ្នកប្រើប្រាស់ត្រូវបានផលិតឡើងហើយ ដើម្បីជំនួសនូវថ្នាំលាភផ្ទះដែល​បង្កវិបាកដល់អ្នកប្រើប្រាស់ក្នុងស្រុក។ យោងតាមសម្តីរបស់ លោក វណ្ណៈ បានបង្ហាញថា ប្រហែល ៦០% ទៅ ៧០% នៃផលិតផលថ្នាំលាភផ្ទះនៅក្នុងប្រទេសកម្ពុជាគឺ ជាផលិតនៅក្នុងស្រុកផ្ទាល់។ ខណៈដែលក្នុងចំណោមផលិតផលទាំងអស់ដែលបាននាំចូល មាន ៨០% គឺជាផលិតផលពីក្នុងតំបន់អាស៊ាន និងមានតែរូបលោកម្នាក់គត់ដែលបាននាំចូលផលិតផលថ្នាំលាភផ្ទះម៉ាក ឌូហ្វា ពីប្រទេសអាល្លឺម៉ង់។ លោកបានបញ្ជាក់ថា ខណៈដែលផលិតផលដែលមានគុណភាពមិនល្អបង្កផលប៉ះពាល់ច្រើនដល់អ្នកប្រើប្រាស់ទៅលើ ភ្នែក សួត ស្បែក និង ការឈឺក្បាល និង ពុលដោយក្លិនជាដើម ផ្ទុយពីនេះ ផលិតផលដែលមានស្តង់ដារត្រឹមត្រូវ មិនបង្កប៉ះពាល់នានាដល់សុខភាពរបស់មនុស្ស និង​ បរិស្ថាន គ្មានជាតិវិទ្យុសកម្ម និងមិនមានក្លិនឈួលខ្លាំងនោះទេ។ មានផលិតផលក្រោមស្តង់ដារជាច្រើនត្រូេវបានផ្សំឡើងជាមួយនឹងប្រេងសាំង ឬ សារធាតុគីមីរាវផ្សេងទៀត ដែលមានលទ្ធភាពខ្ពស់ក្នុងការបង្កផលប៉ះពាល់យ៉ាងខ្លាំងដល់សុខភាពមនុស្ស ខណៈដែលផលិតផលមានគុណភាពខ្ពស់ដូចជា ថ្នាំលាបម៉ាក ឌូហ្វាអាចរលាយជាមួយនឹងទឹកបាន ដែលពុំមានផលប៉ះពាល់ដល់មនុស្ស និងមិនបញ្ចេញសារធាតុគ្រោះថ្នាក់ដល់បរិស្ថានទាំងមូលឡើយ។ ថ្នាំប្រភេទនេះត្រូវបានផលិតឡើងដោយ​កាត់បន្ថយកម្រិតសារធាតុគ្រោះថ្នាក់ ឲ្យទាបជាង ៣០ ដង ដែលត្រូវបានកំណត់ដោយមន្ទីរពិសោធន៍គីមីនៅទ្វីបអឺរ៉ុប។ ផលិតផល ឌូហ្វា ស័ក្តិសមបំផុតចំពោះលក្ខ័ណ្ឌរស់នៅរបស់កុមារ អ្នកដែលមានសុខភាពខ្សោយ និងអ្នកមានបញ្ហាដង្ហើម និង​សួត ហើយល្អបំផុតសម្រាប់ការរស់នៅ ទាំងនៅកន្លែងធ្វើការងារ ពិសេសមន្ទីរពេទ្យ។ លោក ម៉ៅ សារ៉ុម មានវ័យ ២៩ ឆ្នាំ ដែលជាអ្នកមានបទពិសោធន៍ខាងលាបថ្នាំផ្ទះរយៈពេល ១៣ ឆ្នាំ បាននិយាយថា ថ្នាំពណ៌លាបផ្ទះជាច្រើន ដែលលោកធ្លាប់បានប្រើប្រាស់កាលពីមុន ផ្ទុកទៅដោយក្លិនមិនល្អ ដែលធ្វើឱ្យលោកអស់កម្លាំង កណ្តាស់ និង សន្លប់ក៏មាន។ ប៉ុន្តែ លោក​ សារ៉ុម មានអារម្មណ៍ចម្លែកដែលថ្នាំលាបម៉ាក ឌូហ្វា មានក្លិនតិច និង មិនបង្កផលប៉ះពាល់ដល់សុខភាពរបស់លោក។ លោក ម៉ាក វណ្ណៈ ព្យាករណ៍ថា ឧស្សាហកម្មថ្នាំលាភផ្ទះនៅកម្ពុជា នឹងរីកចម្រើនទៅមុខបន្ថែមទៀត ស្របទៅនឹងការកើនឡើងនៃវិស័យសំណង់ជាលំដាប់។ លោកក៏មានជំនឿថា ផលិតផលថ្នាំលាបដែលមិនបង្កផលប៉ះពាល់ដល់សុខភាពអ្នកប្រើប្រាស់ ក៏នឹងកើនឡើងផងដែរ។ គួរបញ្ជាក់ផងដែរថា បច្ចុប្បន្ននៅកម្ពុជាមានផលិតផលថ្នាំលាបផ្ទះចំនួនជាង១០ម៉ាកកំពុងចរាចរណ៍នៅក្នុងទីផ្សារកម្ពុជា ដែលក្នុងនោះមានផលិតផលក្នុងស្រុកដូចជា Cam-paint តាំងផេងប៉ោ  ខណៈដែលផលិតផលដែលនាំចូលពីបរទេសមានដូចជា Jotun, Nipon Paint,  Kansai Paint, TOA Paint, KCC Paint, Davis Paint, URAI Paint និង U-90 ៕
អត្ថបទដោយ: Sreyluch