ថ្ងៃនេះ KHB Media Asia សូមបង្ហាញ អំពីស្ថាបត្យកម្មដ៏អស្ចារ្យមួយ នៃអគារខ្នើយប្រាក់មួយ ស្ថិតនៅមាត់ស្ទឹងសិប្បនិមិត្តមួយ នៃឧបទ្វីបកូរ៉េខាងត្បូង ដែលត្រូវបានរចនាប្លង់ដោយស្ទូឌីយោ Asymptote នៅទីក្រុងញីវយ៉ក សហរដ្ឋអាមេរិក ដែលជាផ្នែកមួយនៃពិព័រណ៍ពិភពលោក កាលពីឆ្នាំ២០១២។
មានទីតាំងស្ថិតនៅក្បែរទន្លេឌូហ្គូ ដែលជាផ្នែកមួយនៃជំរំវប្បធម៌ទន្លេបួន នៅឯពិព័រណ៍អន្តរជាតិ និងជាគំនិតផ្ដួចផ្ដើមមួយ ដែលមានបំណងអភិរក្សប្រព័ន្ធអេកូ នៃទន្លេហាន់ ទន្លេណាកដុង ទន្លេជៀម និងទន្លេយុងសាន ដែលរចនាបថរបស់អគាររាងដូចចានមួយគ្របក្នុងខ្នើយប្លាស្ទិក ETFE មានពណ៌លឿង និងពណ៌ប្រាក់នៅជញ្ជាំងខាងក្រៅ។
យោងតាមគេហទំព័រ World-Architects វាស្ថិតនៅកំពូលភ្នំសិប្បនិមិត្តមួយ មានចំនួន៥ជាន់ សាងសង់លើផ្ទៃដី ៣២០០ម៉ែត្រការ៉េ ដែលការសាងសង់បានបញ្ចប់ទាំងស្រុងក្នុងឆ្នាំ២០១២ ប៉ុន្តែតម្លៃគម្រោងមិនត្រូវបានបង្ហាញឲ្យដឹងទេ ដែលវាជាកម្មសិទ្ធិរបស់ក្រុមហ៊ុន Kwater Korea។
ភ្ញៀវទេសចរអាចចូលទៅក្នុងអគារតាមរូងក្រោមដីមួយ ដែលមានវិចិត្រសាលពិព័រណ៍ ទាំងនៅខាងផ្នែកខាងលើ និងក្រោមដី។ កន្លែងតាំងពិព័រណ៍សំខាន់មានអេក្រង់ប្រវែង៦០ម៉ែត្រ ដែលអនុញ្ញាតឱ្យផ្លាស់ទីរូបភាពជុំវិញទីកន្លែង។ ខណៈផ្នែកខាងក្រៅ នៃអគារស្រោបប្លាស្ទិក ETFE ចាប់យកគុណភាព នៃការប្រែប្រួលរបស់ពន្លឺជាមួយនឹងផ្ទៃវេហា និងទេសភាពទន្លេ ដូចជាផ្ទាំងវាំងនន។ នៅពេលយប់ងងឹត ផ្ទៃខាងក្នុងនៃរចនាសម្ព័ន្ធអគារទាំងមូល ត្រូវបានបំពាក់ដោយប្រព័ន្ធភ្លើងបំភ្លឺប្រដេញជុំវិញអគារ ដែលមើលទៅដូចជាវត្ថុចម្លែកក្រៅភពផុសនៅមាត់ទន្លេ។
ដំបូលអគារផ្ទុកមានកន្លែងធំទូលាយមួយសម្រាប់អ្នកទេសចរមើលទេសភាព ដែលមានហាងកាហ្វេ និងអាងឆ្លុះទឹកមួយ។ ស្ថាបត្យករនិយាយថា ស្ថាបត្យកម្មនេះធ្វើឱ្យអ្នកទេសចរទទួលបានបទពិសោធន៍ពិតប្រាកដ នៃទឹក មេឃ និងទស្សនីយភាពជុំវិញអាគារ និងបទពិសោធន៍និម្មិតដែលបានបង្ហាញតាមរយៈពហុមេឌា។
https://youtu.be/ZskQLrvPFmw
(អត្ថបទគួរយល់ដឹង)
ល័ក្ខខ័ណ្ឌអាកាសធាតុនៅកម្ពុជាដែលស្ថិតនៅតំបន់អេក្វាទ័រ ទទួលរងអាកាសធាតុបែបត្រូពិចមូសុង គឺប្រឈមហានិភ័យ ខ្ពស់ពីឧបទេវហេតុរន្ទះបាញ់ ប៉ុន្តែមិនទាន់មានប្រជាជនច្រើនទេ ដែលបានយល់ដឹងពីអត្ថប្រយោជន៍នៃការតម្លើងប្រព័ន្ទ ការពាររន្ទះ ដែលមានគុណភាពខ្ពស់ និង ពីសំណាកក្រុមហ៊ុនដែលមានជំនាញតម្លើងច្បាស់លាស់។
លោក ងួន គីមហ័រ នាយកគ្រប់គ្រងក្រុមហ៊ុន LPS Cambodia ដែលផ្គត់ផ្គង់ និងតម្លើងឧបករណ៍ការពាររន្ទះម៉ាក ellipse មក ពីបារាំង និង Alltec មកពីអាមេរិច កត់សម្គាល់ឃើញថា...
(ចុចត្រង់នេះ ដើម្បីអានបន្ត)