រចនាបថផ្ទះមាត់បឹងសម្រាប់គ្រួសារដែលមានកូនពីរ
ដោយ:
Dara
28 មិថុនា 2019 04:06 PM
នេះជារចនាបថថ្មីមួយនៃលំនៅឋាន ដែលអាចជួយកាត់បន្ថយតម្លៃអគ្គិសនីបានយ៉ាងច្រើន ដែលត្រូវបានគូសប្លង់ដោយក្រុមហ៊ុន BHY Arquitectos របស់ប្រទេសអាហ្សង់ទីន ដើម្បីអភិវឌ្ឍគម្រោងថ្មីមួយ។
ផ្ទះ
នេះត្រូវបានរចនាឡើងសម្រាប់គ្រួសារកូនពីរ ហៅថា គម្រោង Casa Lucia ស្ថិតនៅលើតំបន់មាត់ទឹក Puertos Escobar ដែលជាគម្រោងអភិវឌ្ឍន៍នៅភាគខាងជើង នៃទីក្រុង Buenos Aires។ ផ្ទះទ្រង់ទ្រាយជាប្រអប់ មានពីរជាន់ ទូលាយ ស្ថិតនៅលើវាលស្មៅ និងមានដើមឈើតូចស្គមពីរបីដើម។ ក្រុមការងារបានបញ្ចូលនូវយុទ្ធសាស្ត្រអកម្មមួយចំនួន ដើម្បីជួយកាត់បន្ថយតម្រូវការម៉ាស៊ីនត្រជាក់ ក្នុងរដូវក្ដៅ និងតម្រូវការកម្ដៅក្នុងរដូវរងា។
យោងតាមក្រុមហ៊ុន BHY Arquitectos បាននិយាយថា ជញ្ជាំងរៀបឥដ្ឋពីរជាន់ មានលាបថ្នាំពណ៌ស ដែលជួយឲ្យជះត្រឡប់កាំរស្មីពន្លឺព្រះអាទិត្យដោយផ្ទាល់។ ជញ្ជាំងបង្អួចស្រោបកញ្ចក់តាំងពីក្រោមដល់ពិតាន ដែលនាំយកពន្លឺធម្មជាតិ និងខ្យល់អាកាសចេញចូល ព្រមទាំងផ្ដល់ជូននូវទិដ្ឋភាពនៃផ្ទៃវេហាដ៏ធំល្វឹងល្វើយ និងក្នុងសភាពស្ងប់ស្ងាត់។ នៅផ្នែកខាងក្រៅបង្អួចមានស៊ុមអាលុយមីញ៉ូមខ្មៅក្រឹប កុងគ្នានឹងពណ៌ស ដែលស្អាតប្លែកមួយបែប។
មាន
ផ្លូវមួយទៅចំណត់ឡាន និងទ្វារខាងមុខ។ នៅខាងក្នុង ក្រុមការងារបានបង្កើតផ្នែកនីមួយៗដោយឡែកពីគ្នា ដើម្បីធ្វើឲ្យអគារទូលាយ និងចំណុចកណ្ដាលរបស់អគារម្លប់។ នៅកណ្ដាលផ្ទះមានផ្នែកចំហមួយត្រូវបានបម្រុងទុក ដើម្បីបម្រើជាបន្ទប់ទទួលភ្ញៀវមួយ និងកន្លែងបរិភោគអាហារ មានកញ្ចក់ជ្រុងមួយ និងបែរទៅរកបឹង។
លើស
ពីនេះ នៅជាន់ផ្ទាល់ដីមានផ្ទះបាយ និងបន្ទប់គេង៣។ ជណ្ដើរពណ៌សសាមញ្ញមួយ ដើម្បីឡើងទៅជាន់ទី២ ដែលក្រុមការងារបានកំណាត់ជា ជាបន្ទប់សំខាន់។
អត្ថបទដោយ:
Dara
អត្ថបទទាក់ទង
Dara
28 មិថុនា 2019 04:06 PM
Dara
28 មិថុនា 2019 04:06 PM
Pisey
15 វិថ្ឆិកា 2019 08:18 AM