សាកលវិទ្យាល័យតូរ៉ុនតូគ្រោងសង់អគារសិក្សាឈើខ្ពស់បំផុត
ដោយ:
Dara
28 មិថុនា 2019 04:06 PM
សាកលវិទ្យាល័យតូរ៉ុនតូ នៃប្រទេសកាណាដា មានបំណងសាងសង់អគារសិក្សាមួយ ដែលមានកម្ពស់១៤ជាន់ធ្វើពីឈើ ដែលត្រូវបានគេនិយាយថា នឹងក្លាយជាអគារឈើដ៏ប្រណីតខ្ពស់បំផុត និងជាអាគារកូនកាត់បេតុងនៅអាមេរិកខាងជើង។
យោងតាមគេហទំព័រ GCR គម្រោងនេះកំពុងស្ថិតក្នុងដំណាក់កាលគូសប្លង់នៅឡើយ ហើយសាកលវិទ្យាល័យកំពុងរង់ចាំការអនុញ្ញាតច្បាប់ពីទីក្រុងតូរ៉ុនរូ។ សាកលវិទ្យាល័យនិយាយថា ការសាងសង់អាចនឹងចាប់ផ្ដើមនៅឆ្នាំ២០១៩។ បើគ្រប់យ៉ាងដំណើរការតាមការគ្រោងទុកមែន វានឹងក្លាយជាអគារឈើកូនកាត់ខ្ពស់បំផុតនៅអាមេរិកខាងជើង ដែលនឹងអាចផ្ដួលកំណត់ត្រាបច្ចុប្បន្ននៅទីក្រុង Vancouver ជាលំនៅឋានឈើខ្ពស់នៅសាកលវិទ្យាល័យ British Columbia ដែលមានចំនួន១៨ជាន់ និងកម្ពស់៥៣ម៉ែត្រ។
ប៉មឈើនេះនឹងត្រូវបានសាងសង់ឡើងនៅលើកំពូលនៃមជ្ឈមណ្ឌល Goldring សម្រាប់ការប្រកួតកីឡា និងជាកន្លែងអង្គភាពសិក្សាមួយចំនួន រួមទាំងកម្មវិធីគ្រប់គ្រង Rotman និងសាលាកិច្ចការសកល Munk។ គម្រោងសាងសង់នេះនឹងត្រូវបានផ្ដល់ហិរញ្ញប្បទានមួយផ្នែក ដោយជំនួយរបស់រដ្ឋាភិបាល ដែលមានបំណងលើកកម្ពស់អគារឈើដ៏ធំក្នុងការគាំទ្រដល់ឧស្សាហកម្មឈើនៅប្រទេសកាណាដា។
ដំបូងគម្រោងសាងសង់ដោយប្រើដែក ប៉ុន្តែដោយសារមានការលើកទឹកចិត្តពីរដ្ឋាភិបាល សាកលវិទ្យាល័យតូរ៉ុនតូ ក៏បានប្ដូរមកប្រើឈើវិញ។ ឈើដែលបានប្រើប្រាស់សម្រាប់ការសាងសង់ជាឈើអ៊ុត គ្រាន់តែយកមកផ្គុំដំឡើងជាការស្រេច។
អត្ថបទដោយ:
Dara
អត្ថបទទាក់ទង
Vasna
28 មិថុនា 2019 04:06 PM