ភ្ញាក់ផ្អើលថា មានអ្នកលួចកាត់ដែកស្ពានប៉ាឡេ ក្រោយសម្ភោធមិនទាន់បានមួយថ្ងៃពេញផង
(ភ្នំពេញ)៖ បន្ទាប់ពីបានសម្ភោធដាក់ឲ្យដំណើរការនៅពេលរសៀលថ្ងៃអង្គារ ទី០៨ ខែឧសភានេះ ស្រាប់តែយប់ឡើងមានការភ្ញាក់ផ្អើលថាមានអ្នកជិះទូកមកលួចកាត់ដែកស្ពានបាឡេជាច្រើនទូក ដែលជាហេតុធ្វើឲ្យប្រជាជន និងអាជ្ញាធរនៅតំបន់ក្បែរនោះមានការឆោរឡោទាំងកណ្តាលយប់ ជាពិសេសប្រជាពលរដ្ឋដែលនិយមប្រើប្រាស់បណ្តាញាសង្គមហ្វេសប៊ុក។
ប៉ុន្តែបើតាមលោក សាំ ពិសិដ្ឋ ប្រធានមន្ទីរសាធារណការ រាជធានីភ្នំពេញ បានប្រាប់អ្នកយកព័ត៌មានក្នុងស្រុកនៅព្រឹកថ្ងៃទី០៩ ខែឧសភា ឆ្នាំ២០១៨នេះថា ក្រោយពីមន្រ្តីជំនាញក្រសួងសាធារណការ និងដឹកជញ្ជូន និងតំណាងក្រុមហ៊ុនសាជីវកម្មវិនិយោគអនិកជនកម្ពុជា (OCIC) ដែលជាក្រុមហ៊ុនសាងសង់គម្រោងស្ពានបណ្តោះអាសន្ននេះ បានចុះទៅពិនិត្យមើលស្ពានប៉ាឡេដែលជាកន្លែងកើតហេតុគ្រប់ជ្រុងជ្រោយរួចហើយបាន បញ្ជាក់យ៉ាងច្បាស់ថា ពុំមានអ្នកលួចកាត់ដែកក្រោមស្ពាន ឬដៃស្ពាន ដូចបណ្តាញសង្គម និងប្រព័ន្ធផ្សព្វផ្សាយមួយចំនួនលើកឡើងនោះទេ។
មន្រ្តីក្រសួងសាធារណការ និងតំណាងក្រុមហ៊ុន បានអះអាងថា ក្រោយចុះពិនិត្យឃើញថា ពិតជាមានករណីប្រជាពលរដ្ឋជិះទូកមកយកដែកពិតមែន ក៏ប៉ុន្តែជាដែកដែលនៅសេសសល់ពីការសំអាតការដ្ឋាន និងដែកការពារសុវត្ថិភាពការដ្ឋាន ក្នុងអំឡុងពេលសាងសង់កន្លងមកប៉ុណ្ណោះ ព្រោះការដ្ឋានកំពុងរុះរើដើម្បីសំអាតដឹកចេញ។ សូមបញ្ជាក់ថាចំពោះដែកតួស្ពានប៉ាឡេទាំងមូលគឺមិនមានការបាត់បង់ ឬប៉ះពាល់ដល់គ្រោងដែកសំណង់ស្ពានឡើយ។
ជាចុងក្រោយមន្រ្តីក្រសួងសាធារណការ និងតំណាងក្រុមហ៊ុន ដែលសាង សង់ស្ពាននេះ បានអំពាវនាវឱ្យប្រជាពលរដ្ឋ កុំមានការយល់ច្រឡំ ហើយអះអាងថា ស្ពាននេះគឺអាចធ្វើចរាចរឆ្លងកាត់ជាធម្មតា។
គួរបញ្ជាក់ផងដែរថា ការដាក់ដំណើរការស្ពានដែកបាឡេនេះ គឺដើម្បីសម្រួលដល់ប្រជាពលរដ្ឋដែលត្រូវធ្វើដំណើរឆ្លងទៅមកកាត់តាមទន្លេសាប ពីផ្លូវជាតិលេខ៥ ក្នុងខណ្ឌប្ញស្សីកែវ និងផ្លូវជាតិលេខ៦ ក្នុងខណ្ឌជ្រោយចង្វារ និងជួយសម្រួលចរាចរណ៍នៅស្ពានជ្រោយចង្វារចាស់ ដែលកំពុងដំណើរការជួសជុល។
ស្ពានដែកបាឡេនេះមានប្រវែងប្រមាណជាង៥០០ម៉ែត្រ ទទឹង១២ម៉ែត្រ តភ្ជាប់ពីខណ្ឌឫស្សីកែវ មកខណ្ឌជ្រោយចង្វារ។ ការសាងសង់ ស្ពានដែកនេះ ចំណាយថវិកា ចំនួន៩លានដុល្លារ និងប្រើពេលសាងសង់៦ខែ ទើបសម្ភោធដាក់ឲ្យប្រើប្រាស់ជាផ្លូវការកាលពីថ្ងៃអង្គារ ទី០៨ ខែឧសភា ឆ្នាំ២០១៨ម្សិលមិញនេះ៕
អត្ថបទដោយ:
Medikan
មន្រ្តីក្រសួងសាធារណការ និងតំណាងក្រុមហ៊ុន បានអះអាងថា ក្រោយចុះពិនិត្យឃើញថា ពិតជាមានករណីប្រជាពលរដ្ឋជិះទូកមកយកដែកពិតមែន ក៏ប៉ុន្តែជាដែកដែលនៅសេសសល់ពីការសំអាតការដ្ឋាន និងដែកការពារសុវត្ថិភាពការដ្ឋាន ក្នុងអំឡុងពេលសាងសង់កន្លងមកប៉ុណ្ណោះ ព្រោះការដ្ឋានកំពុងរុះរើដើម្បីសំអាតដឹកចេញ។ សូមបញ្ជាក់ថាចំពោះដែកតួស្ពានប៉ាឡេទាំងមូលគឺមិនមានការបាត់បង់ ឬប៉ះពាល់ដល់គ្រោងដែកសំណង់ស្ពានឡើយ។
ជាចុងក្រោយមន្រ្តីក្រសួងសាធារណការ និងតំណាងក្រុមហ៊ុន ដែលសាង សង់ស្ពាននេះ បានអំពាវនាវឱ្យប្រជាពលរដ្ឋ កុំមានការយល់ច្រឡំ ហើយអះអាងថា ស្ពាននេះគឺអាចធ្វើចរាចរឆ្លងកាត់ជាធម្មតា។
គួរបញ្ជាក់ផងដែរថា ការដាក់ដំណើរការស្ពានដែកបាឡេនេះ គឺដើម្បីសម្រួលដល់ប្រជាពលរដ្ឋដែលត្រូវធ្វើដំណើរឆ្លងទៅមកកាត់តាមទន្លេសាប ពីផ្លូវជាតិលេខ៥ ក្នុងខណ្ឌប្ញស្សីកែវ និងផ្លូវជាតិលេខ៦ ក្នុងខណ្ឌជ្រោយចង្វារ និងជួយសម្រួលចរាចរណ៍នៅស្ពានជ្រោយចង្វារចាស់ ដែលកំពុងដំណើរការជួសជុល។
ស្ពានដែកបាឡេនេះមានប្រវែងប្រមាណជាង៥០០ម៉ែត្រ ទទឹង១២ម៉ែត្រ តភ្ជាប់ពីខណ្ឌឫស្សីកែវ មកខណ្ឌជ្រោយចង្វារ។ ការសាងសង់ ស្ពានដែកនេះ ចំណាយថវិកា ចំនួន៩លានដុល្លារ និងប្រើពេលសាងសង់៦ខែ ទើបសម្ភោធដាក់ឲ្យប្រើប្រាស់ជាផ្លូវការកាលពីថ្ងៃអង្គារ ទី០៨ ខែឧសភា ឆ្នាំ២០១៨ម្សិលមិញនេះ៕
