៣ចំនុចដែលអ្នកគួរដឹងពីការជ្រើសរើស និងប្រើប្រាស់ក្តារពុម្ភ

ស្របពេលដែលវិស័យសំណង់នៅក្នុងប្រទេសកម្ពុជា កំពុងតែមានការរីកចម្រើន តម្រូវការនៃការប្រើប្រាស់សម្ភារៈសំណង់ក៏មានច្រើនផងដែរ​  ហើយនៅក្នុងចំណោមសម្ភារៈសំណង់ទាំងអស់នោះ ក្ដារពុម្ពក៏ជាតម្រូវការដ៏ចាំបាច់សម្រាប់សំណង់អគារ ដែលមិនអាចខ្វះបានផងដែរ។ ទន្ទឹមនឹងនេះដែរ យើងឃើញ​ថា ការប្រើប្រាស់ក្ដារពុម្ពដ៏ខ្ជះខ្ជាយ និងខុសបទដ្ឋានបច្ចេកទេសក៏មានច្រើន​​ផងដែរ។ ដូច្នេះតើការប្រើប្រាស់ក្ដារពុម្ពបែបណាទើបធ្វើអោយមានប្រសិទ្ធភាពទ្វេដង? អាស្រ័យហេតុនេះ ដើម្បីអោយយល់កាន់តែច្បាស់ទាក់ទងនឹងការប្រើប្រាស់ក្ដារពុម្ពអោយ​មានប្រសិទ្ធភាព និងចំណេញទ្វេដង ក្រុមហ៊ុន ជីស៊ីអ៊ឹម ផ្លាយវ៉ូដ (GCM PLYWOOD) យើងខ្ញុំសូមចែករំលែកនូវវិធីសាស្រ្តសំខាន់ៗបីយ៉ាង៖ ១. ការជ្រើសរើសម៉ាកយីហោរបស់ក្ដារពុម្ពៈ ម៉ាកយីហោររបស់ក្ដារពុម្ពគឺជាសញ្ញាសម្គាល់សម្រាប់​បង្ហាញអំពីផលិតផលមួយដើម្បីឲ្យអតិថិជនងាយចំណាំ មិនត្រឹមតែប៉ុណ្ណោះវាថែមទាំងបានបង្ហាញ​អំពីគុណតម្លៃនៃផលិតផលនោះទៀតផង។ ដូច្នេះយើងខ្ញុំសូមធ្វើការណែនាំអោយលោកអ្នកជ្រើសរើសយក​ម៉ាកយីហោររបស់ក្ដាពុម្ពណាដែលមានកេរ្ត៍ឈ្មោះល្បី និងមានការទទួលស្គាល់ពីសំណាក់អ្នកប្រើប្រាស់នៅលើពិភពលោក។ ២. ការយល់ដឹងអំពីគុណភាពរបស់ក្ដារពុម្ពៈ ការជ្រើសរើសម៉ាកយីហោគឺជាជម្រើសទីមួយ រីឯការជ្រើសរើសគុណភាពគឺជាជម្រើសទីពីរ។ តាមភាពជាក់ស្ដែងចំពោះគុណភាពវិញ លោកអ្នកគ្រាន់​តែដឹងថា គុណភាពក្ដារពុម្ពប្រើប្រាស់បានចំនួនប៉ុន្មាន​ដងតែប៉ុណ្ណោះ ដោយលោកអ្នកពុំបានដឹងថា ក្ដារពុម្ពនោះជាប្រភេទឈើអ្វី? កាវឈ្មោះអ្វី? ប្រភពវត្ថុធាតុដើមមកពីណា? ផលិតឡើងតាមស្ដង់ដាអ្វី? ហើយមានការពិសោធន៍យ៉ាងត្រឹមត្រូវដែរឫអត់? ចំណុចទាំងអស់នេះហើយសុទ្ធតែជាបញ្ហាដែលធ្វើអោយលោកអ្នកជ្រើសរើសយកក្ដារពុម្ពមកប្រើប្រាស់មិនមានប្រសិទ្ធភាព និងខាតបង់ទ្វេដង។ ៣. បច្ចេកទេសក្នុងការប្រើប្រាស់ក្ដារពុម្ពឲ្យបានត្រឹមត្រូវៈ ការប្រើប្រាស់ក្ដារពុម្ពអោយបានត្រឹមត្រូវ ​វាគឺជារឿងដ៏សំខាន់មួយ ពីព្រោះវាជួយកាត់បន្ថយការចំណាយ និងសន្សំនូវថវិកាផងដែរ។ ដូច្នេះដើម្បីប្រើប្រាស់ក្ដារពុម្ពអោយមានប្រសិទ្ធភាព និងចំណេញទ្វេដង យើងគួរតែធ្វើទៅតាមរបៀបប្រើ​ប្រាស់ដូចខាងក្រោម៖ របៀបទីមួយៈ យើងត្រូវរក្សាក្ដារពុម្ពដែលប្រើរួចរាល់ ​និងមិនទាន់ប្រើ កុំអោយហាលថ្ងៃ ឫហាលភ្លៀងព្រោះវាអាចធ្វើឲ្យងាប់កាវ ហើបស្រទាប់ឈើ និងធ្វើឲ្យឡាមីណេត ឫហ្វៀម (Laminate/Film) ខាងលើកន្ទួល ឫរបក។ របៀបទីពីរៈ ចំពោះការកាត់វិញ លោកអ្នកគួរតែប្រើម៉ាស៊ីន ឫឧបករណ៍ណាដែលមុតមកកាត់​ដើម្បីកុំអោយបែកជ្រុង និងបែកសាច់ក្ដារ បន្ទាប់ពីកាត់រួចលោកអ្នកត្រូវប្រើថ្នាំការពារជម្រាបទឹក​លាបលើមុខដែលបានកាត់រួចដើម្បីការពារទឹកជ្រាបចូលខាងក្នុងសាច់ក្ដារ។ របៀបទីបីៈ ចំពោះការបាញ់ទម្លុះវិញ លោកអ្នកគួរតែប្រើប្រាស់ការបាញ់វីសជំនួសអោយការវាយ​ដែកគោលវិញ ពីព្រោះការវាយដែកគោលវាយធ្វើអោយប្រេះបែកសាច់ក្ដារ រីឯការប្រើប្រាស់វីសវិញ គឺមានភាពងាយក្នុងការបាញ់បញ្ចូល និងដកចេញវិញដោយមិនធ្វើអោយប្រេះបែកសាច់ក្ដារ។ របៀបទីបួនៈ លោកអ្នកគួរតែលាបថ្នាំ ឫប្រេងដែលមានជាតិរលោងដើម្បីការពារការជាប់កំណក​កំបោរ ឬបេតុង។ របៀបទីប្រាំៈ បង្កើនការប្រុងប្រយ័ត្នដើម្បីជៀសវាងការធ្លាក់ពីទីកន្លែងដែលខ្ពស់ ដែលជាមូលហេតុ​ធ្វើអោយក្ដារពុម្ពបាក់ ឫប្រេះស្រាំ។ របៀបទីប្រាំមួយៈ ក្រោយពេលគាស់ក្ដារពុម្ពចេញពីបេតុងភ្លាម លោកអ្នកគួរតែដកវីសចេញដោយ ប្រើប្រាស់ម៉ាស៊ីនដកវីស និងសម្អាតស៊ីម៉ងត៏ដែលនៅជាប់ រួចរក្សាអោយបានត្រឹមត្រូវតាមការណែនាំខាងលើ។ នៅចុងបញ្ចប់ដើម្បីឆ្លើយតបទៅនឹងតម្រូវការនៃ​ ការប្រើប្រាស់ក្ដារពុម្ពអោយមានប្រសិទ្ធភាព និងចំណេញទ្វេដង ក្រុមហ៊ុន ជីស៊ីអ៊ឹម ផ្លាយវ៉ូដ (GCM PLYWOOD) យើងខ្ញុំសូមធ្វើការណែនាំនូវ​ក្ដារពុម្ពមួយប្រភេទដែលមានឈ្មោះថា Number One ដែលមានគុណភាពខ្ពស់អាចប្រើប្រាស់​រហូតទៅដល់១៥ដង ហើយមានលក្ខណៈពិសេសជាងក្ដារពុម្ពដទៃផ្សេងៗទៀត។ ក្ដារពុម្ព Number One ជាក្ដារពុម្ពមួយប្រភេទដែលផលិតតាមបច្ចេកវិទ្យាចុងក្រោយគេបំផុត ដែលប្រើប្រាស់វត្ថុធាតុដើម ចេញពីឈើកៅស៊ូដែលមានលក្ខណៈរឹង ស្វិត ហើយប្រើកាវ ហ្វេណូលិក(Phenolic) ដែលជាកាវអាចធន់នឹងការស្ងោរទឹកក្ដៅ ១០០C^o ក្នុងរយៈពេល៧២ម៉ោង រីឯឡាមីណេត ឫហ្វៀម(Laminate/Film) វិញមានឈ្មោះថា ឌីនៀហ្វៀម(Dynea Film)ដែលជាហ្វៀមធន់នឹងសំណឹក និងការពារភាពឆ្កូតបានយ៉ាងល្អ។ លើសពីនេះទៀតក្ដារពុម្ព Number One ត្រូវបានគេផលិតឡើងតាមស្តង់ដារ EN13986 ដែលទទួលស្គាល់គុណភាពដោយ​សហគមន៍អឺរ៉ុប ដែលហៅកាត់ថា CE Certificate  និងស្តង់ដាររបស់ប្រទេសជប៉ុន ដែលហៅកាត់ថា JAS Certificate ព្រមទាំងទទួលបានវិញ្ញាបនបត្រ ISO:2015 និងវិញ្ញាបនបត្រទទួលស្គាល់ដទៃជាច្រើនទៀតផងដែរ។ មិនត្រឹមតែប៉ុណ្ណោះរាល់ចង្វាក់នៃការផលិតរបស់ក្ដារពុម្ពនេះត្រូវបានឆ្លងកាត់ការពិសោធន៍ និងការត្រួតពិនិត្យយ៉ាងត្រឹមត្រូវមុននឹងធ្វើការចែកចាយដល់អតិថិជនប្រើប្រាស់ចុងក្រោយទាំងអស់។ នាពេលបច្ចុប្បន្ននេះក្ដារពុម្ពម៉ាក Number One​ កំពុងតែទទួលបានការគាំទ្រយ៉ាងខ្លាំងពីសំណាក់អ្នកប្រើប្រាស់នៅក្នុងប្រទេសកម្ពុជា។ ដូច្នេះការជ្រើសរើសក្ដារពុម្ពដែលមានគុណភាពខ្ពស់យកមកប្រើប្រាស់វាគឺជាកត្ដាដ៏ចំាបាច់បំផុតសម្រាប់ជួយអោយលោកអ្នកទទួលបាននូវការសន្សំសំចៃទ្វេដង។ "ក្ដារពុម្ព Number One ជានិមិត្តសញ្ញានៃគុណភាព និងការសន្សំសំចៃ"