(មានវីដេអូ) Parkroyal on Pickering ជាសណ្ឋាគារសួនច្បារដ៏ប្រណិតនៅសឹង្ហបុរី

ដោយ: Dara 28 មិថុនា 2019 04:06 PM

គម្រោងសណ្ឋាគារថ្មីៗមួយចំនួននៅក្នុងប្រទេសសិង្ហបុរី ហាក់បង្កើនទិដ្ឋភាពអាកាសរបស់ទីក្រុង ដែលជាសំណង់ដ៏អស្ចារ្យ និងមហិមា មានលក្ខណៈប្លែកពីគេនៅលើពិភពលោក។ យោងតាមគេហទំព័ររបស់វា សណ្ឋាគារប្រណិត Parkroyal on Pickering ស្ថិតនៅតំបន់ Central Area នៃប្រទេសសិង្ហបុរី ត្រូវបានគេស្ងើចសរសើរចំពោះស្ថាបត្យកម្មតែមួយគ្មានពីររបស់វា ដែលរួមបញ្ចូលទាំងសួនច្បារទំហំ១៥.០០០ម៉ែត្រការ៉េ។

សណ្ឋាគារ Parkroyal on Pickering គឺដូចនឹងសួនច្បារអាកាសនៅកណ្ដាល នៃប្រទេសសិង្ហបុរី ដែលជាតំណាងឱ្យបច្ចេកទេស និងស្ថាបត្យកម្ម ព្រមទាំងសមិទ្ធផលអេកូឡូស៊ីទំនើប។ ដោយការគោរពតាមបទដ្ឋាននៃការអភិវឌ្ឍន៍ប្រកបដោយនិរន្តរភាព សណ្ឋាគារក៏បានកែច្នៃទឹកភ្លៀងសម្រាប់ប្រើប្រាស់ឡើងវិញ និងប្រើថាមពលពន្លឺព្រះអាទិត្យ។ កើតចេញពីទស្សនវិជ្ជាបរិស្ថានមេត្រីយ៉ាងពិតប្រាកដ ជាមួយនឹងរូបរាងប្លែក និងទំនើបរបស់វា សណ្ឋាគារ Parkroyal គឺជាគំរូនៃសំណង់សតវត្សទី២១ នៅក្នុងសម័យកាលមួយដែលសណ្ឋាគារនៅតាមទីប្រជុំជនទាំងអស់មានទំនោរដូចគ្នា។

សណ្ឋាគារ Parkroyal មានកម្ពស់៨៩ម៉ែត្រ ចំនួន១៦ជាន់ និងចំណតធំទូលាយអាចដាក់រថយន្តរហូត១០៤គ្រឿង ជាកម្មសិទ្ធិរបស់ក្រុមហ៊ុន UOL Group Ltd. ដែលបានបើកដំណើរការតាំងពីឆ្នាំ២០១៣។ មានបន្ទប់ស្នាក់នៅ និងបន្ទប់ VIP ចំនួន៣៦៧ ដោយជាន់មួយទាំងមូលមានក្លឹបសុខភាពនិងស្ប៉ា និងជាពិសេសមានអាងហែលទឹកនៅខាងក្រៅ ដែលមានទិដ្ឋភាពមិនគួរឱ្យជឿនៃមជ្ឈមណ្ឌល និងបេះដូងសេដ្ឋកិច្ចនៃប្រទេសសិង្ហបុរី។ https://youtu.be/0hDERBW_6Xc

អត្ថបទដោយ: Dara

អានអត្ថបទមុន