អង្គការត្រាំ បានបើកដំណើរការគម្រោងថ្មីបំផុតរបស់ខ្លួននៅប្រទេសឥណ្ឌា ដែលជាប៉មលំនៅឋានប្រណីតកម្ពស់៧៥ជាន់ នៅក្នុងទីក្រុង Gurugram។
ក្រុមហ៊ុនរបស់ប្រធានាធិបតីអាមេរិក ឌូណាល់ ត្រាំ បានទទួលអាជ្ញាប័ណ្ណ លើគម្រោងដែលមានខុនដូ៣០០យូនីត ដែលជាការវិនិយោគរួមគ្នាមួយ រវាងក្រុមហ៊ុនអភិវឌ្ឍន៍ Tribeca ជាអ្នក
តំណាងឥណ្ឌារបស់ខ្លួន និងក្រុមហ៊ុនអភិវឌ្ឍន៍ក្នុងស្រុក M3M India Pvt Ltd។ ឥណ្ឌាគ្រាន់តែទទួលបានយីហោត្រាំប៉ុណ្ណោះ ប៉ុន្តែមិនមែនលុយវិនិយោគផ្ទាល់របស់គាត់ទេ។
យោងតាមគេហទំព័រ Indian Time
គម្រោងនេះបានចាប់ផ្ដើមសាងសង់ក្នុងដើមខែមីនា ក្នុងផែនការបញ្ចប់រយៈពេល៥ឆ្នាំ ដែលមានតម្លៃ១.
៥ពាន់លានដុល្លារ។ អគារត្រាំទី៤នេះនឹងផ្ដល់នូវអឹផាតមិនជម្រើស៣បន្ទប់ និង៤បន្ទប់ ក្នុងទំហំចន្លោះពី៣២៥ម៉ែត្រការ៉េ និង៥៥៧ម៉ែត្រការ៉េ ដែលមានបរិវេណជុំវិញ៣.
២៥២ម៉ែត្រការ៉េ។
នៅក្នុងវិស័យអចលនទ្រព្យប្រណីតឥណ្ឌា យីហោត្រាំបាននាំមកនូវអឹផានមិនដែលមានតម្លៃលំដាប់ខ្ពស់ ដោយ
អង្គការត្រាំអាចរកលុយបានរាប់លានដុល្លារ គ្រាន់តែផ្ដល់អាជ្ញាប័ណ្ណ មិនបាច់ចំណាយវិនិយោគផ្ទាល់មួយកាក់មួយសេន។
នៅក្នុងកម្មវិធីលើកទឹកចិត្ត អតិថិជន១០០នាក់ដំបូងត្រូវបាននឹងត្រូវបានអញ្ជើញឲ្យហោះទៅសហរដ្ឋអាមេរិក ដើម្បីចូលរួមក្នុងពិធីអាហារសាមគ្គីមួយ ក្រោមបដិសណ្ឋារកិច្ចរបស់លោកប្រធានាធិបតីត្រាំ ជាប្រធានអង្គការត្រាំ។