(មានវីដេអូ) អគារចម្លាក់នៅឆ្នេរមាសអូស្ត្រាលី
អគារចម្លាក់មួយគូរបានឈរបង្ហាញរាងយ៉ាងត្រដែតក្បែរកំពង់ផែ Gold Coast រដ្ឋ Queensland នៃប្រទេសអូស្ត្រាលី ដែលជាសំណើរមួយសម្រាប់គម្រោង Mariner's Cove ដែលត្រូវបានគូសប្លង់ដោយស្ថាបត្យករល្បីឈ្មោះដើមកំណើតអ៊ីរ៉ាក់ លោកស្រីហ្សាហា ហាឌីដ ដែលបានជ្រើសតាំងដោយក្រុមហ៊ុនអភិវឌ្ឍន៍ Sunland Group របស់អូស្ត្រាលី។
អគារភ្លោះដែលត្រូវបានរចនាឡើងក្នុងទម្រង់ក្បូរក្បាច់ តូចក្រោម និងទាក់ភ្នែកបំផុតមួយនេះ ជាផ្នែកមួយនៃការអភិវឌ្ឍន៍របស់គម្រោង Mariner's Cove ដែលជាកន្លែងរមណីយដ្ឋានសមុទ្រដ៏ល្បីបំផុត និងជាគំនូសប្លង់អគារកប់ពពកអូស្ត្រាលីទីពីររបស់លោកស្រី ហាឌីដ។
យោងតាម Dezeen ប៉មមួយគួរនេះជាគម្រោងអភិវឌ្ឍន៍ចម្រុះ ចំនួន៤០ជាន់ ដែលមានអឹផាតមិនចំនួន៣៧០យូនីត ហាងលក់រាយនៅជាន់ក្រោម ភោជនីយដ្ឋាន សណ្ឋាគារប៊ូទិក៦០បន្ទប់ អាងហែលទឹកក្រោមដី វិចិត្រសាល សារមន្ទីរ និងសួនច្បារខាងក្រៅ។ សំណង់អាគារត្រូវបានរុំព័ទ្ធក្នុងកញ្ចក់កោង។ សំណើរគម្រោងនេះមានតម្លៃ៦០០លានដុល្លារអូស្ត្រាលី (៤៥៩ដុល្លារអាមេរិក)។
អគារនីមួយៗត្រូវបានរចនាឡើងជាមួយនឹងទម្រង់ជីវិតរស់នៅសរីរាង្គ បំពាក់ដោយបច្ចេកវិទ្យានិងសម្ភារៈទំនើប ដែលសន្សំសំចៃការប្រើប្រាស់ថាមពល និងកាត់បន្ថយការប៉ះពាល់បរិស្ថាន ស្រោបកញ្ចក់នាំយកពន្លឺថ្ងៃចេញចូលទៅផ្ទៃខាងក្នុងអាគារ និងបន្ថែមជាមួយជំនោរនិងបរិយាកាសសមុទ្រដ៏បរិសុទ្ធ។
