ទំនោរលំនៅឋានសហកម្មសិទ្ធិកើនឡើងនៅវៀតណាម
ការរស់នៅក្នុងលំនៅឋានសហកម្មសិទ្ធិបានក្លាយជានិន្នាការថ្មីរបស់ពិភពលោក ហើយបើយោងតាមគេហទំព័រ Vietnam Investment Review ទីផ្សារនេះបានកំពុងតែចាក់ឫសនៅក្នុងប្រទេសវៀតណាម។
លោកឌុយ ដួង នាយកជាន់ខ្ពស់ នៃក្រុមហ៊ុនអចលនទ្រព្យ CBRE វៀតណាម បានមានប្រសាសន៍ថា "ទំនោររស់នៅលំនៅឋានសហកម្មសិទ្ធិកំពុងកើនឡើង ហើយប្រភេទទីផ្សារបែបនេះរំពឹងនឹងត្រូវបានអភិវឌ្ឍច្រើនឡើងនៅប៉ុន្មានឆ្នាំបន្ទាប់ នៅវៀតណាម។
ទន្ទឹមនេះដែរក្រុមហ៊ុនអចលទ្រព្យ JLL ក៏បានបញ្ជាក់ដែរថា ឥឡូវនៅទ្វីបអាស៊ី ការប្រើប្រាស់កន្លែងធ្វើការ និងមធ្យោបាយដឹកជញ្ជូនរួមគ្នា មានការកើនឡើងច្រើន។ ពួកគេបានប្រែទៅរស់នៅជាមួយគ្នាក្នុងទម្រង់ថ្មីមួយ នៃលំនៅឋានរួម ដែលមានផលប្រយោជន៍និងរបៀបរស់នៅរួម។ ពួកគេរៀបចំកន្លែងរស់នៅរួមគ្នាប្រកបដោយវិជ្ជាជីវៈ ជាជាងការគ្រប់គ្រង។ ក្រៅតែពីផ្ដល់នូវដំណោះស្រាយតម្លៃសមរម្យមួយ សហរស់នៅក៏ជួយបង្កើតសុខុមាលភាពទូទៅរបស់ពួកគេផងដែរ។ សហរស់នៅបានកំពុងកើតឡើងក្នុងប្រទេសជាច្រើន ដូចជាចិន ហុងកុង សិង្ហបុរី ឥណ្ឌា និងបន្ទាប់មកនេះនៅវៀតណាម។
ដោយសារតែបញ្ហាលំនៅឋានដែលមានតម្លៃសមរម្យ និងកង្វះខាតការផ្គត់ផ្គង់ ទីផ្សារលំនៅឋានសហកម្មសិទ្ធិកំពុងបង្ហាញនូវភាពទាក់ទាញដល់វិនិយោគិន និងម្ចាស់អចលនទ្រព្យ ជាពិសេសនៅក្នុងវិស័យបដិសណ្ឋារកិច្ច។ លោកបន្ថែមថា ការរស់នៅរួមគ្នាត្រូវបានកំណត់ថា ជាប្រភេទនៃការរស់នៅបែបទំនើបនិងក្រុង ដូច្នេះវាមិនចម្លែកអ្វីទេ ដែលវាកំពុងចាប់ផ្ដើមទទួលបានការទាក់ទាញ។
អត្ថបទដោយ:
Dara