តើគម្រោងខ្សែក្រវាត់មួយផ្លូវមួយរបស់ចិនដែលត្រូវការថវិកាដ៏មហិមាបានថវិកាពីណា?
គំនិតផ្ដួចផ្ដើមខ្សែក្រវាត់មួយផ្លូវមួយរបស់ចិន (Belt and Road Initiative) គឺជាគម្រោងចម្រុះមួយ ដើម្បីធ្វើឱ្យប្រសើរឡើងនូវសេដ្ឋកិច្ច នៃអាស៊ី អឺរ៉ុប និងអាហ្វ្រិក នៅក្នុងទីផ្សារដែលពាក់ព័ន្ធលើសពី៦៥ប្រទេស និងស្មើរប្រមាណ ៣០% នៃទិន្នផលសេដ្ឋកិច្ចពិភពលោក។ ក្របខ័ណ្ឌនៃហេដ្ឋារចនាសម្ពន្ធដឹកជញ្ជូនថ្មីកំពុងត្រូវបានកសាងឡើងនៅទូទាំងតំបន់ ដែលនឹងមិនត្រឹមតែដើរតួជាអ្នកតភ្ជាប់តំបន់ ប៉ុន្តែក៏ជាកត្តាជំរុញសកម្មភាពសេដ្ឋកិច្ចក្នុងមូលដ្ឋានផងដែរ។ 
បច្ចុប្បន្ននេះផ្លូវទឹកមួយ និងច្រករបៀងដឹកជញ្ជូនផ្លូវគោកបីកំពុងដំណើរការ ហើយមានគម្រោងជាច្រើនទៀតកំពុងសាងសង់។ ច្រកផ្លូវដែកភាគខាងជើង ភាគកណ្ដាល និងភាគខាងត្បូង រវាងចិន និងអឺរ៉ុបកំពុងដំណើរការ។ ផ្លូវសូត្រសមុទ្រ ជាបណ្ដាញកំពង់ផែថ្មីនិងពង្រីក ដែលបានភ្ជាប់ទៅតំបន់ឧស្សាហកម្ម និងបានលាតសន្ធឹងពីកំពង់ផែសមុទ្រភាគខាងកើតនៃប្រទេសចិន និងហុងកុង តាមរយៈតំបន់អាស៊ីអាគ្នេយ៍ អាស៊ីខាងត្បូង មជ្ឈិមបូព៌ា និងបញ្ចប់នៅទីក្រុងវេនីស អ៊ីតាលី ដែលកំពុងអភិវឌ្ឍយ៉ាងឆាប់រហ័ស។ យោងតាមអនុសាសន៍របស់លោក Frans-Paul van der Putten ដែលជាអ្នកស្រាវជ្រាវជាន់ខ្ពស់ នៅវិទ្យាស្ថានស្រាវជ្រាវវិទ្យាសាស្ត្រ Clingendael ដែលបានដកស្រង់ដោយទូរទស្សន៍ CNBC បានឲ្យដឹងថា ផ្លូវសូត្រថ្មីនាំមកនូវការដឹកជញ្ជូនថ្មី និងប្រសិទ្ធផលជាងមុន ដែលធ្វើឱ្យងាយស្រួលដល់ក្រុមហ៊ុនជាច្រើនលើពិភពលោកចូលរួម និងទទួលបានផលប្រយោជន៍ពីសេដ្ឋកិច្ចចិន។ វាបានបង្កើតតម្រូវការសម្រាប់សេវាករដឹកជញ្ជូន និងក្រុមហ៊ុនព័ត៌មាននិងទូរគមនាគមន៍ គាំទ្រការធ្វើពាណិជ្ជកម្មដោយផ្ទាល់ដែលមិនធ្លាប់មាន។ 
លោកស្រី Natalie Blythe ប្រធានផ្នែកពាណិជ្ជកម្មពិភពលោក បាននិយាយថា "តម្រូវការហិរញ្ញវត្ថុសម្រាប់គម្រោង BRI គឺមិនធ្លាប់មានពីមុនមកទេ និងអាចទទួលបានប្រាក់កម្ចីនៅធនាគារ HSBC"។ "នេះនឹងតម្រូវឱ្យមានការជ្រោមជ្រែងគ្រប់ប្រភពមូលនិធិសាធារណៈ និងឯកជន ដែលមាន"។ នៅពេលដែលមានការកែតម្រូវក្នុងបញ្ហាបម្រែបម្រួលអាកាសធាតុ និងការចំណាយ ធនាគារអភិវឌ្ឍន៍អាស៊ី (ADB) បានប៉ាន់ប្រមាណថា តំបន់អាស៊ីប៉ាស៊ីហ្វិកនឹងត្រូវការជាមធ្យម១,៧ពាន់ពាន់លានដុល្លារក្នុងមួយឆ្នាំ នៃការវិនិយោគលើហេដ្ឋារចនាសម្ព័ន្ធបន្ថែម ឬ ២៦ពាន់ពាន់លានដុល្លារនៅត្រឹមឆ្នាំ២០៣០ ប្រសិនបើអត្រាកំណើនសេដ្ឋកិច្ចបច្ចុប្បន្ននៅរក្សាស្ថេរភាព។ យ៉ាងណាក៏ដោយ វាមានគម្លាតយ៉ាងធំធេងមួយនៅក្នុងការផ្ដល់មូលនិធិនេះ ដោយវិនិយោគិនហេដ្ឋារចនាសម្ព័ន្ធបែបប្រពៃណីមិនមានលទ្ធភាពគ្រប់គ្រាន់ក្នុងការផ្ដល់ប្រាក់កម្ចីដ៏មហាសាសបែបនេះឡើយ។ យោងតាមធនាគារអភិវឌ្ឍន៍អាស៊ី ឱនភាពថវិកានេះមានចំនួន ២,៥% នៃ GDP របស់តំបន់ទាំងមូល និង៥ភាគរយពេញប្រសិនបើមិនរាប់ចិន។ យោងតាមការប៉ាន់ប្រមាណនានា គ្រាន់តែគម្រោង BRI តែមួយ នឹងត្រូវការប្រាក់៤ទ្រីលាន (ពាន់ពាន់) ដុល្លារ ទៅ៨ទ្រីលានដុល្លារដើម្បីទទួលបានផ្លែផ្កា។ 
គោលដៅចម្បងមួយនៃគម្រោង BRI គឺដើម្បីលើកទឹកចិត្តឲ្យមានការគាំទ្រផ្នែកហិរញ្ញវត្ថុបន្ថែម សម្រាប់តម្រូវការហេដ្ឋារចនាសម្ព័ន្ធនេះ។ ដើម្បីសម្របសម្រួលដល់បញ្ហានេះ ធនាគារវិនិយោគហេដ្ឋារចនាសម្ព័ន្ធអាស៊ី និងធនាគារអភិវឌ្ឍន៍ថ្មី ត្រូវបានចាប់បង្កើតឡើង។ មូលនិធិផ្លូវសូត្រ៤០ពាន់លានដុល្លារត្រូវបានបង្កើតឡើង។ ធនាគារគោលនយោបាយធំពីររបស់ចិន គឺធនាគារអភិវឌ្ឍន៍ចិន និងធនាគារនីហរ័ណ អាហរ័ណចិន ត្រូវបានលើកទឹកចិត្តឱ្យពង្រីកប្រាក់កម្ចីជាង២០០ពាន់លានដុល្លារដល់ប្រទេស BRI ខណៈធនាគារមិនមែនពាណិជ្ជធំ៤របស់ចិន បានដាក់ប្រាក់រាប់ពាន់លានដុល្លារ។ យ៉ាងណាយោងតាមធនាគារ HSBC ៩០%នៃមូលនិធិសម្រាប់គម្រោងហេដ្ឋារចនាសម្ព័ន្ធ BRI គឺបានមកពីវិស័យសាធារណៈ ដោយការទាញយកប្រយោជន៍ពីការវិនិយោគពីវិស័យឯកជនដែលមាន។
