(មានវីដេអូ) មជ្ឈមណ្ឌល Suzhou Zhongnan នឹងក្លាយជាអគារខ្ពស់បំផុតនៅចិន
មជ្ឈមណ្ឌល Suzhou Zhongnan គឺជាអគារកបពពក ដែលមានកម្ពស់៧២៩ម៉ែត្រ និងចំនួន១៣៨ជាន់ កំពុងស្ថិតក្រោមការសាងសង់ នៅក្នុងតំបន់ឧស្សាហកម្ម SIP ស្រុក Suzhou ក្រុង Suhou ខេត្តSuzhou ប្រទេសចិន។ យោងតាមគេហទំព័រ Wikipedia គម្រោងនេះគឺជាផ្នែកមួយនៃការអភិវឌ្ឍន៍ជនបទដ៏ធំ ដែលមានតម្លៃ២៨,៥ពាន់លានយន់ (៤,៤៦ពាន់លានដុល្លារ)។ គម្រោងនេះបានចាប់ផ្ដើមនៅក្នុងឆ្នាំ២០១៤ ប៉ុន្តែបានផ្អាកនៅក្នុងឆ្នាំ២០១៥ និងបានបន្តដំណើរការឡើងវិញនៅឆ្នាំ២០១៦។ ទោះបីជាដំណើរការសាងសង់មានការរអាក់រអួលមួយរយៈ ក៏គម្រោងនេះគ្រោងនឹងបញ្ចប់ទាំងស្រុងនៅឆ្នាំ២០២០ផងដែរ។ ត្រូវបានរចនាឡើងដោយក្រុមហ៊ុនស្ថាបត្យកម្មនិងគំនូសប្លង់អាមេរិក Gensler ជាគម្រោងប្រើប្រាស់ចម្រុះ ដែលបានឈររះយ៉ាងត្រដែត ល្អប្លែកពីគេ នៅចំទីប្រជុំជនអាជីវកម្មស្រុក តាមមាត់បឹង Jinji លើផ្ទៃសរុបចំនួន៤៩៥.០០០ម៉ែត្រការ៉េ។ ៨ជាន់ខាងក្រោមរបស់អគារនឹងមានសាលប្រជុំ និងមជ្ឈមណ្ឌលសន្និសីទ ហើយជាន់សល់ពីនេះនឹងមានការិយាល័យ លំនៅឋានចំនួន៧០៦យូនីត និងសណ្ឋាគារចំនួន២៧៦បន្ទប់ កន្លែងលក់រាយ និងកន្លែងកម្សាន្ត។ ជាន់មើលទេសភាពត្រូវបានសាងសង់កម្ពស់៥៩២,៨ម៉ែត្រ សម្រាប់សាធារណជន ដែលអាចមើលឃើញទេសភាពនៃក្រុងទាំងមូល។ មានចំណតធំទូលាយអាចផ្ទុករថយន្តបានរហូតដល់១.៥០០គ្រឿង។ នៅពេលបញ្ចប់ វានឹងក្លាយជាអគារខ្ពស់ជាងគេបំផុតនៅក្នុងប្រទេសចិន និងអគារខ្ពស់បំផុតទី៣នៅលើពិភពលោក។