(មានវីដេអូ) អូស្ត្រាលីនឹងជួយកសាងទីក្រុងឆ្លាតវៃជាច្រើននៅអាស៊ីអាគ្នេយ៍
យោងតាមគេហទំព័រ PropertyGuru អូស្ត្រាលីនឹងធ្វើការយ៉ាងជិតស្និទ្ធជាមួយប្រជាជាតិអាស៊ាន ក្នុងការពន្លឿនគោលដៅទីក្រុងឆ្លាតវៃរបស់ពួកគេ និងជំរុញសមាហរណកម្មសេដ្ឋកិច្ចទូទាំងតំបន់។ 
លោកនាយករដ្ឋមន្ត្រី អូស្រ្តាលី លោក Julie Bishop បានឲ្យដឹងនៅក្នុងកិច្ចប្រជុំកំពូលពិសេសអាស៊ានអូស្ត្រាលី ក្នុងទីក្រុងស៊ីដនី កាលពីថ្មីៗនេះថា រដ្ឋាភិបាលទីក្រុងកង់បេរ៉ានឹងចាក់បញ្ចូលថវិកាចំនួន៣០ពាន់លានអូស្ត្រាលី (៣២ពាន់លានដុល្លារអាមេរិក) ទៅក្នុងគំនិតផ្ដួចផ្ដើមទីក្រុងឆ្លាតវៃអាស៊ានអូស្ត្រាលី។ គំនិតផ្ដួចផ្ដើមនេះនឹងផ្ដល់នូវ "ការបណ្ដុះបណ្ដាល ជំនួយបច្ចេកទេស ដើម្បីកសាងសហគមន៍ប្រកបដោយភាពជឿជាក់និងការប្រកួតប្រជែង" នៅទូទាំងតំបន់ រួមមានការអភិវឌ្ឍន៍បណ្ដាញទីក្រុងឆ្លាតវៃអាស៊ាន។ លោក Bishop បានឲ្យដឹងក្នុងសេចក្ដីថ្លែងការណ៍មួយថា មនុស្សជាង៩០លាននាក់រំពឹងនឹងប្ដូរទៅរស់នៅតំបន់ទីក្រុងទូទាំងអាស៊ីអាគ្នេយ៍នៅឆ្នាំ២០៣០។ នៅពេលទីក្រុងប្រសើរឡើង វិបុលសុខ ពាណិជ្ជកម្ម និងសេដ្ឋកិច្ចក៏មានកំណើនដូចគ្នាដែរ។ ក្នុងឱកាសនេះ ទីក្រុងចាំបាច់ត្រូវតែមានដំណោះស្រាយប្រកបដោយគំនិតច្នៃប្រឌិត ផែនការឆ្លាតវៃ និងអភិបាលកិច្ចល្អ។ 
នាយករដ្ឋមន្ត្រីសិង្ហបុរី លោក Lee Hsien Loong បានសរសើរផែនការមេ ស្ដីពីការតភ្ជាប់អាស៊ាននៅឆ្នាំ២០២៥។ លោកបាននិយាយថា "យើងកំពុងទន្ទឹងធ្វើការជាមួយនឹងអូស្ត្រាលី និងអ្នកវិនិយោគ ដើម្បីជំរុញការអភិវឌ្ឍន៍ទីក្រុង និងគំនិតផ្ដួចផ្ដើមទូទាំងតំបន់"។ លោកបានថ្លែងនៅក្នុងពិធីបើកកិច្ចប្រជុំថា ជាង៥០ឆ្នាំមកនេះ អាស៊ានបានប្រើប្រាស់ឥទ្ធិពលរបស់ខ្លួន ដើម្បីទប់ទល់នឹងភាពតានតឹង កសាងសន្តិភាព ជំរុញកិច្ចសហការសេដ្ឋកិច្ច និងគាំទ្រនីតិរដ្ឋ "យើងប្ដេជ្ញាគាំទ្រអាស៊ានយ៉ាងពេញលេញ ជាតំណាងយុទ្ធសាស្ត្រនៃតំបន់របស់យើង"។ សហគមន៍ ការអប់រំ វប្បធម៌ កីឡា កំពុងត្រូវបានផ្សារភ្ជាប់គ្នា និងរៀនពីគ្នាទៅវិញទៅមកក្នុងអត្ថប្រយោជន៍ស្មើភាព។ https://youtu.be/X4c8eIPBYCI
