អគារភោជនីយដ្ឋានមួយនៅថៃត្រូវបានជ្រើសបញ្ចូលក្នុងបញ្ជីរង្វាន់សំណង់ប្រចាំឆ្នាំ
យោងតាមគេហទំព័រ PropertyGuru បារសុរានិងភោជនីយដ្ឋានសហសម័យមួយ នៅអយុធ្យា ជាទីក្រុងបុរាណរបស់ថៃ ទើបតែត្រូវបានជ្រើសតាំងចូលរួមប្រកួតប្រជែង សម្រាប់ពានរង្វាន់អគារប្រចាំឆ្នាំ របស់ ArchDaily។
បារនិងភោជនីយដ្ឋាន The Wine Ayutthaya ដែលត្រូវបានរចនាប្លង់ដោយស្ទូឌីយោគម្រោងបាងកកមួយនេះ កំពុងតែប្រកួតប្រជែងជាមួយនឹងអង្គភាពបួនផ្សេងទៀត នៅក្នុងប្រភេទរចនាបថបដិសណ្ឋារកិច្ច រួមមាន KOI Cafe នៅវៀតណាម និងភោជនីយដ្ឋាន JIKKA នៅជប៉ុន។
ការសាងសង់ The Wine Ayutthaya ត្រូវបានដឹកនាំដោយស្ថាបត្យករ លោកBoonserm Premthada និងបានបញ្ចប់នៅក្នុងខែមិនា ដែលត្រូវបានកត់សម្គាល់ឃើញថា ប្រើប្រាស់បន្ទះក្ដារ និងដែក តាមបែបស្ថាបត្យកម្មផ្ទះឈើក្នុងប្រទេសថៃ។ ក្រៅតែពីស្ថាបត្យកម្មល្អឯក វាមានទីតាំងឥតខ្ចោះនៅតាមតាមទន្លេចៅប្រាយ៉ា ក្នុងតំបន់ទេសចរបេតិកភណ្ឌអាយុកាល៤០០ឆ្នាំ ដែលនឹងក្លាយជាកន្លែងលំហែកាយដ៏មានប្រជាប្រិយភាពបំផុតសម្រាប់អ្នកចូលចិត្តពិសាគ្រឿងស្រវឹង។
សាងសង់លើផ្ទៃដី២១៥ម៉ែត្រការ៉េ ជាអាគារមួយជាន់ កម្ពស់៩ម៉ែត្រ ទទឹងនិងបណ្ដោយស្មើគ្នា១១ម៉ែត្រ ដែលត្រូវបានរចនាឡើងយ៉ាងសម្រិតសម្រាំងបំផុត ដោយមានជណ្ដើរវិលធ្វើពីបន្ទះក្ដារភ្ជាប់ដែក។ បារសុរានិងភោជនីយដ្ឋាន The Wine Ayutthaya ត្រូវបានចែកជាបួនថ្នាក់ ក្នុងកម្ពស់ខុសៗគ្នា ដែលអាចផ្ដល់នូវទេសភាពមាត់ទន្លេដ៏ស្រស់ស្អាតផ្សេងៗគ្នា។
អត្ថបទដោយ:
Dara
ការសាងសង់ The Wine Ayutthaya ត្រូវបានដឹកនាំដោយស្ថាបត្យករ លោកBoonserm Premthada និងបានបញ្ចប់នៅក្នុងខែមិនា ដែលត្រូវបានកត់សម្គាល់ឃើញថា ប្រើប្រាស់បន្ទះក្ដារ និងដែក តាមបែបស្ថាបត្យកម្មផ្ទះឈើក្នុងប្រទេសថៃ។ ក្រៅតែពីស្ថាបត្យកម្មល្អឯក វាមានទីតាំងឥតខ្ចោះនៅតាមតាមទន្លេចៅប្រាយ៉ា ក្នុងតំបន់ទេសចរបេតិកភណ្ឌអាយុកាល៤០០ឆ្នាំ ដែលនឹងក្លាយជាកន្លែងលំហែកាយដ៏មានប្រជាប្រិយភាពបំផុតសម្រាប់អ្នកចូលចិត្តពិសាគ្រឿងស្រវឹង។
សាងសង់លើផ្ទៃដី២១៥ម៉ែត្រការ៉េ ជាអាគារមួយជាន់ កម្ពស់៩ម៉ែត្រ ទទឹងនិងបណ្ដោយស្មើគ្នា១១ម៉ែត្រ ដែលត្រូវបានរចនាឡើងយ៉ាងសម្រិតសម្រាំងបំផុត ដោយមានជណ្ដើរវិលធ្វើពីបន្ទះក្ដារភ្ជាប់ដែក។ បារសុរានិងភោជនីយដ្ឋាន The Wine Ayutthaya ត្រូវបានចែកជាបួនថ្នាក់ ក្នុងកម្ពស់ខុសៗគ្នា ដែលអាចផ្ដល់នូវទេសភាពមាត់ទន្លេដ៏ស្រស់ស្អាតផ្សេងៗគ្នា។
