(មានវីដេអូ) អាគារឈើខ្ពស់ជាងគេបំផុតក្នុងលោក
យោងតាមគេហទំព័រ PropertyGuru ក្រុមហ៊ុនដ៏ចំណាស់មួយរបស់ជប៉ុននឹងបង្កើតប្រវត្តិសាស្ត្រថ្មីរបស់ខ្លួនដ៏គួរឲ្យភ្ញាក់ផ្អើលមួយ ដោយពួកគេនឹងសង់អគារធ្វើពីឈឺដែលធំបំផុត និងខ្ពស់បំផុតលើពិភពលោក ហើយអាចទប់ទល់នឹងការរញ្ជួយកម្រិតខ្ពស់បានទៀតផង។
ក្រុមហ៊ុន Sumitomo0 Forestry បានបង្ហាញឲ្យដឹងកាលពីដើមខែកុម្ភៈនេះថា ដើម្បីរំលឹកខួប៣៥០ឆ្នាំនៃការបង្កើតក្រុមហ៊ុន ខ្លួននឹងសាងសង់អគារកប់ពពកដែលធ្វើពីឈើមួយ ដែលមានឈ្មោះថា "គម្រោងW350" ដែលជាអាគារឈើខ្ពស់ជាងគេបំផុតក្នុងលោក មាន៧០ជាន់ និងកម្ពស់៣៥០ម៉ែត្រ ស្ថិតនៅទីរួមស្រុក Marounouchi។ បច្ចុប្បន្នអគារឈើដែលគ្រងតំណែងខ្ពស់ជាងគេបំផុតក្នុងលោកឈ្មោះ អគារ Abeno Harukas ដែលមានកម្ពស់៣០០ម៉ែត្រ ស្ថិតនៅទីក្រុងសាកា ប្រទេសជប៉ុន។
ជាប្រភេទអាគារកូនកាត់ឈើនិងដែក ដែលស្ថាបត្យកម្មសំណង់ត្រូវបានដឹកនាំដោយក្រុមហ៊ុន Kikken Sekkei ក្នុងតម្លៃប៉ាន់ប្រមាណវិនិយោគចំនួន៦០០លានយ៉េន (៥,៥ពាន់លានដុល្លារ) ដេលអាចជួយកាត់បន្ថយផលប៉ះពាល់កាបោនពីការប្រើប្រាស់ស៊ីម៉ង់ជាអតិបរមា ដោយជំនួសមកវិញនូវប្រភពឈើប្រកបដោយនិរន្តរភាព។
ផ្នែកខាងក្នុងរបស់អគារជាចម្បងធ្វើពីឈើ មានមូលដ្ឋានលើគ្រោងសសរបំពង់ជុំវិញ ដែលធ្វើឲ្យសំណង់ស្រាល អាចទប់ទល់នឹងកម្រិតរញ្ជួយដីខ្ពស់បំផុត កម្លាំងខ្យល់ខ្លាំង និងកម្លាំងបំផ្លាញផ្សេងៗ។ ក្នុងផែនការមេ គម្រោង W350 នឹងត្រូវប្រើប្រាស់ឈើអស់ចំនួន១៨៥.០០០ម៉ែត្រគីប។
ផ្នែកខាងក្រៅរបស់អគារនឹងមានយ៉លម្អដោយរុក្ខជាតិបៃតង ក្នុងលំហដែលមានខ្យល់អាកាសចេញចូលស្រស់ស្រាយ និងពន្លឺថ្ងៃពេញលេញ។ គម្រោងនេះក៏មានបំណងធ្វើជាកន្លែងសម្រាប់គយគន់សត្វព្រៃគ្រប់ប្រភេទដែលមករស់នៅជុំវិញ ដែលញាំងឲ្យមានអារម្មណ៍ធម្មជាតិពិតៗ។
https://youtu.be/O-gdwHSiZLo
