វេបសាយអចលនទ្រព្យថៃប្រែខ្លួនជាក្រុមហ៊ុនបច្ចេកវិទ្យាយក្ខ
គេហទំព័រអចលនទ្រព្យដ៏ធំបំផុតរបស់ប្រទេសថៃ DDproperty ដែលជាផ្នែកមួយ នៃ PropertyGuru Group ដែលជាក្រុមហ៊ុនអចលនទ្រព្យអនឡាញឈានមុខគេនៅអាស៊ី បាននាំមកនូវបច្ចេកវិទ្យាថ្មីមួយក្នុងទូរស័ព្ទដៃ សម្រាប់ស្វែងរកទិញអចលនទ្រព្យ។
ជាមួយនឹងបទពិសោធន៍បច្ចេកវិទ្យានិងឧស្សាហកម្ម១០ឆ្នាំរបស់ខ្លួន ក្រុមហ៊ុន DDproperty បានបោះជំហានទៅរកដំណាក់កាលថ្មីមួយទៀត ពីបណ្ដាញព័ត៌មានអចលនទ្រព្យក្នុងតំបន់ ទៅជាក្រុមហ៊ុនបច្ចេកវិទ្យាដ៏ធំមួយ។ វារួមបញ្ចូលទាំងគេហទំព័រ កម្មវិធីទូរស័ព្ទ និងយីហោថ្មីមួយ ដែលធ្វើឱ្យ Ddproperty មានតួនាទីជាអ្នកផ្ដល់ប្រឹក្សាដ៏សំខាន់ ដល់អ្នកស្វែងរកអចលនទ្រព្យ។
ក្រុមហ៊ុនបានឲ្យដឹងថា គេហទំព័រថ្មី និងកម្មវិធីទូរស័ព្ទ មានបំណងធ្វើឱ្យការស្វែងរកអចលនទ្រព្យគ្រប់ប្រភេទកាន់តែមានភាពងាយស្រួល និងដោយផ្ទាល់។ DDproperty បានដឹងអំពីតម្រូវការ និងចំណង់ចំណូលចិត្តរបស់អ្នកប្រើ ដូច្នេះដំណោះស្រាយទាំងនេះនឹងធ្វើឲ្យប្រសើរឡើង ឆ្លាតវៃ និងត្រឹមត្រូវជាងមុន។
នាយកប្រតិបត្តិក្រុមហ៊ុន PropertyGuru Group លោក Hari Krishnan បាននិយាយថា មនុស្សរាប់លាននាក់នៅអាស៊ីអាគ្នេយ៍ អាចស្វែងរកទិញផ្ទះដែលខ្លួនប្រាថ្នា ជាមួយនឹងកម្មវិធីនេះ។ មិនត្រឹមតែមានភាពសាមញ្ញ និងឆាប់រហ័ស ប៉ុន្តែជាដំណោះស្រាយជាមួយនឹងបុព្វសិទ្ធិនិងការទទួលខុសត្រូវ។
អត្ថបទដោយ:
Dara