(មានវីដេអូ) ចិននិងហ្វីលីពីនសហការស្ថាបនាទីក្រុងឆ្លាតវៃប្រចាំអាស៊ីមួយនៅម៉ានីល

(មានវីដេអូ) ចិននិងហ្វីលីពីនសហការស្ថាបនាទីក្រុងឆ្លាតវៃប្រចាំអាស៊ីមួយនៅម៉ានីល
យោង​តាមគេហទំព័រ​ Property Guru សមាគម​ចិន​ហ្វីលីពីន UAA Kinming នឹង​ចាប់ផ្ដើមស្ថាបនា​គម្រោង​ដ៏​​ធំ​មួយ​នៅ​ឆ្នាំ​នេះ ដែល​នឹង​ផ្ដល់​នូវ​ការអភិវឌ្ឍន៍​​ការ​ប្រើប្រាស់​ចម្រុះ​មួយ​ នៅ​តាម​ឆ្នេរសមុទ្រ​នៃទីក្រុងម៉ានីល។ ទីក្រុង The New Maila Bay- City of Pearl ឬ​​​ត្រូវ​បាន​គេ​ហៅ​ជា​ទូទៅ​ថា City of Pearl (ទីក្រុង​គុជ) នឹងត្រូវ​បាន​សាងសង់​លើ​ផ្ទៃដី​ស្វ័យភាព៤០៧ហិកតា ដែល​​ស្ថិត​នៅ​ក្នុង​ទីក្រុង​ម៉ានីល ប្រទេស​ហ្វីលីពីន។ បន្ទាប់ពី​ការ​ចរចា​ជាច្រើន​ឆ្នាំ រវាង​ក្រុង​ប៉េកាំង និង​ម៉ានីល ដែល​ដឹកនាំ​ដោយ​សមាគមហ្វីលីពីន​ចិន UAA Kinming និង​អតីត​ប្រធានាធិបតី​ហ្វីលីពីន​ លោក​អេស្ត្រាដា ដែល​ចង់​បង្កើត "ទីក្រុង​ពិភព​លោក" មួយ ឥឡូវ​គម្រោង​នេះ​ទទួល​បាន​ភ្លើងខៀវ​​ពី​លោក​ប្រធានាធិបតី​ចិន ស៊ី ជីនភីង និង​លោក​ប្រធានាធិបតី​ហ្វីលីពីន ឌូតឹតេ ហើយ តាមរយៈ​ដំណើរ​ទស្សនកិច្ច​​ផ្លូវ​រដ្ឋ​មួយ​ទៅ​កាន់​ទីក្រុង​ប៉េកាំងរបស់លោកប្រធានាធិបតី ឌូតឺតេ កាលពី​ខែ​តុលា ឆ្នាំមុន។ យោង​តាម​លោក​នីកូឡា ហូ អនុ​ប្រធាន​គ្រប់គ្រង​របស់​ក្រុមហ៊ុន Ho & Partners Architects ដែល​ជា​អ្នក​រចនា​ប្លង់​​ល្បីល្បាញ​នៅ​ហុងកុង វា​គឺ​ជា​គម្រោង​ "ផ្លូវ​មួយ​ ខ្សែ​ក្រវាត់​​មួយ" ដ៏​ធំ​បំផុត​​ រវាង​ចិន និង​ហ្វីលីពីន។ វា​ជា​គម្រោង​តែមួយ​គត់​នៅ​ក្នុង​ទ្វីប​អាស៊ី ដោយ​មាន​ទីតាំង​ល្អ​ណាស់ និង​កន្លែង​​លក់​រាយ​ដ៏​ធំ ​ដែល​បាន​ភ្ជាប់​​ជាមួយ​សួន​ច្បារ​នៅ​កណ្ដាល និង​មាត់​ទន្លេ ជា​កន្លែង​កម្សាន្ត​​​​បែប​ធម្មជាតិ និង​ទិដ្ឋភាព​សមុទ្រ៣៦០ដឺក្រេ។ ធ្វើ​ដំណើរ២០នាទី​ពី​ប្រលាន​យន្តហោះ សហគមន៍​មួយ​នេះ​មិន​​រំពឹង​ឲ្យ​មាន​​ការ​ប្រើប្រាស់​រថយន្ត​​ច្រើនទេ ដោយ​មាន​ប្រព័ន្ធ​​រថភ្លើង​ទំនើប​គ្មាន​អ្នកបើកបរ​​ ដែល​លើក​ទឹក​ចិត្ត​ឲ្យ​មនុស្ស​ដើរ ឬ​ជំនួស​ឱ្យ​​មក​ប្រើប្រាស់​​តាក់ស៊ី​កាណូត​​ ជា​ចំណោម​ជម្រើស​មធ្យោបាយ​​ដឹក​ជញ្ជូន​សាធារណៈ​មួយ។ វា​ជា​គម្រោង​​អភិវឌ្ឍន៍​ភាព​ជា​ដៃគូ​​រវាង​វិស័យ​សាធារណៈ​និង​ឯកជន​ពិត​ប្រាកដ និង​មិន​តម្រូវឲ្យ​មាន​​​វត្តមាន​យោធា​​ទេ​សម្រាប់​ទីក្រុង​នេះ។ គម្រោងដ៏​​មហិមា​​មួយ​នេះ​នឹង​បង្កើត​ការងារ​ប្រមាណ៥០.០០០កន្លែង សម្រាប់​ប្រជាជន​ហ្វីលីពីន និង​ប្រើ​ពេល​សាងសង់ប្រហែល​២០ឆ្នាំ ដើម្បី​បញ្ចប់។  
អត្ថបទដោយ: Dara