(មានវីដែអូ) ចិនស្ថាបនាអគារមួយរាងជាព្យាណូនិងវីយូឡុងធំបំផុតលើលោក
ឈ្មោះរបស់អគារនេះគឺបានពន្យល់អំពីទម្រង់អគារនេះរួចទៅហើយ ដោយសារតែអាគារនេះមានរាងដូចព្យាណូដ៏ធំមួយ ជាមួយនឹងវីយូឡុងកញ្ចក់ធំនៅខាងមុខសម្រាប់ជាច្រកចូល។ គម្របបើកខាងលើរបស់ព្យាណូបានដើរតួជាក្ដោងមួយសម្រាប់ជាដំបូលរាបស្មើរបស់អាគារ។
វាមានទីតាំងនៅទីក្រុងហួយណាន ក្នុងខេត្តអានហ៊ុយ ប្រទេសចិន ដែលត្រូវបានសាងសង់ឡើងនៅឆ្នាំ២០០៧ ដោយនិស្សិតស្ថាបត្យកម្មនៅសាកលវិទ្យាល័យបច្ចេកវិទ្យា Hefei ដើម្បីអបអរសាទរការរីកចម្រើននៅក្នុងទីក្រុងមួយនេះ។ ព្យាណូ និងច្រកចូលវីយូឡុង ត្រូវបានសាងសង់ឡើងលើមាត្រដ្ឋានពិត៥០:១ ដែលធ្វើឱ្យវាក្លាយទៅជាឧបករណ៍មានទំហំធំបំផុតក្នុងពិភពលោក។
យោងតាមសារព័ត៌មាន Architizer អ្នកអាចចូលទៅក្នុងអាគារនេះតាមរយៈជណ្ដើរយន្តមួយនៅក្នុងវីយូឡុងកញ្ចក់។ អាគារនេះមានជណ្ដើរយន្ត បន្ទប់ប្រជុំ និងទីកន្លែងសម្រាប់ពិធីអាពាហ៍ពិពាហ៍ និងពិធីផ្សេងៗ។ បច្ចុប្បន្ននេះ វាត្រូវបានប្រើប្រាស់ជាបន្ទប់ពិព័រណ៍មួយសម្រាប់អ្នករៀបចំផែនការទីក្រុង និងជាកន្លែងដ៏ល្អឥតខ្ចោះមួយសម្រាប់តារាប៉ុប និងអ្នកស្រឡាញ់អចលនទ្រព្យមកជួបជុំគ្នា។
នៅពេលយប់ ព្យាណូ និងវីយោឡុងបានបញ្ចេញពន្លឺយ៉ាងស្រស់ស្អាត ជាមួយពន្លឺភ្លើងដែលបានបំពាក់ក្នុងអាគារ។ អគារទាំងនេះត្រូវបានប្រជាជនក្នុងតំបន់ចាត់ទុកថា ជាកន្លែងរ៉ូមែនទិចបំផុតនៅក្នុងប្រទេសចិន។
អត្ថបទដោយ:
Dara