អាំស្ទៃដាំកំពុងស្ថាបនាផ្លូវរថភ្លើងក្រោមដីដ៏វែងបំផុតមួយ

យោងតាមអត្ថបទមួយដែលត្រូវបានចេញផ្សាយនៅក្នុងគេហទំព័រ Urban Ghosts Media  ថាទីក្រុងអាំស្ទែរដាំ ដែលជាទីក្រុង ដ៏ស្រស់ស្អាត និងមាន​ខ្យល់កន្រ្តាក់ច្រើននៃប្រទេសហូឡង់ បាននិងកំពុងតែមានការអភិវឌ្ឍន៍ដ៏វែងឆ្ងាយ នៃប្រព័ន្ធរថភ្លើង ក្រោមដីរបស់ខ្លួន។ ការសាងសង់ប្រព័ន្ធរថភ្លើង​ក្រោមដីនៃ​ទីក្រុង​អាំស្ទៃដាំ ទើបតែចាប់ផ្តើមសាងសង់ក្នុងឆ្នាំ 1977 ប៉ុណ្ណោះ ដែលជាពេលវេលាយឺតជាងប្រទេសផ្សេងៗនៅទ្វីបអឺរ៉ុប។ មានតំបន់សំខាន់ៗជាច្រើននៃទីក្រុងនៅអឺរ៉ុបមួយនេះ  នៅតែមិនមានលទ្ធភាពប្រើប្រាស់បណ្តាញផ្លូវដែក បាន នៅរយៈពេល ប៉ុន្មានទសវត្ស​បន្ទាប់ពី​ការស្ថាបនាបានចាប់ផ្ដើមហើយក៏ដោយ។ យោងតាម ​​Urban Ghosts Media បានឱ្យដឹងថា ផ្លូវរថភ្លើង ក្រោម ដីពីភាគខាងជើងទៅភាគខាងត្បូង កំពុង​ត្រូវបានពី​ចារណាអំពី ដំណោះស្រាយលើបញ្ហានានា ពីក្នុងចំណោមអ្នក រស់ នៅទីក្រុងអាំស្ទៃដាំ។ ការងារសាងសង់បានចាប់ផ្តើមនៅលើគម្រោងនេះក្នុងឆ្នាំ 2003 ហើយវាបានចាប់ផ្តើមនៅក្នុងទីតាំងជាច្រើននៅពេល តែ មួយ។ ទោះជាយ៉ាងណាក៏​ដោយ ទីតាំងរូងភ្នំនៃរដ្ឋធានីហូឡង់មួយនេះ ក្លាយជាឧបសគ្គធ្ងន់ធ្ងរ​ដែលពន្យឺត​ដល់ដំណើរ ការអភិវឌ្ឍគម្រោងនេះ។ អ្នកសាងសង់ និងអ្នករៀបចំ​ផែនការសាងសង់ មិនមានស្មានដឹង​ទេថា ការសាងសង់ជាក់ស្តែងជូប ប្រទះបញ្ហាច្រើនយ៉ាងនេះ។ វាត្រូវបានគេរាយការណ៍កាលពីឆ្នាំមុននៅលើសារព័ត៌មានហូឡង់ថា កាលបរិច្ឆេទបើកដំណើរការខ្សែ​រថភ្លើងក្រោមដីពីភាគ ខាងជើងទៅ​ខាងត្បូង​នេះ នឹងត្រូវបានពន្យារពេលបន្ថែមទៀតរហូតដល់ខែកក្កដាឆ្នាំ 2018។ ការចំណាយបានកើនឡើងពី ប្រហែល 1,4 ពាន់លានអឺរ៉ូដល់ចំនួន 3,1 ពាន់​លានអឺរ៉ូ ហើយគម្រោងខ្សែរថភ្លើងក្រោមដីពីខាងជើងទៅខាងត្បូង នេះដ៏មហិ មានេះ ត្រូវបានរាយការណ៍ថាត្រូវបានញាំញីដោយបញ្ហា​ពីការក្ស័យ​ធន​របស់ក្រុមហ៊ុនម៉ៅការ និង បញ្ហាកម្មវិធីកុំព្យូទ័រខូច។