ឥណ្ឌាសាងសង់ស្ពានរថភ្លើងខ្ពស់បំផុតក្នុងលោក

យោងតាមរបាយការណ៍មួយដែលចុះផ្សាយនៅគេហទំព័រ Economic Times ឥណ្ឌានឹងមានស្ពានរថភ្លើងខ្ពស់បំផុតមួយ​នៅ​លើពិភពលោក។ ការស្ថាបនាស្ពាននេះ ឥឡូវនេះកំពុងស្ថិតនៅក្នុងស្ថានភាពដ៏ពេញលេញ។ ស្ពាននេះនឹងគ្រប​ដណ្តប់​លើ​ទន្លេ Chenab នៅក្នុងតំបន់ដែលមានភាពជម្លោះរវាងរដ្ឋចាមូ និងកាស្មៀរ។ វិស្វកម្មដ៏គួរអោយចាប់អារម្មណ៍នេះ ត្រូវបានរចនាឡើងពីអ្នកកុងស៊ុលតង់ជំនាញពីប្រទេសហ្វាំងឡង់ និងអាល្លឺម៉ង់ ដែល​បាន​រចនាស្ពានដើម្បីពង្រីកផ្លូវដែលមានប្រវែង 1,315 គីឡូម៉ែត្រតាមបណ្តោយច្រាំងទន្លេ Chenab។ ស្ពាននេះនឹងមានកំពស់ 359 ម៉ែត្រដែលអាចធ្វើឱ្យវាខ្ពស់ជាងប៉មអេហ្វអេល​នៅប្រទេសបារាំងរហូតដល់ 35 ម៉ែត្រ។ ស្ពាននេះត្រូវបានគេកំណត់ថាជាស្ពានដ៏អស្ចារ្យ និងជាវិស្វកម្មដ៏អស្ចារ្យមូយនៃពិភពលោក នេះបើយោងតាមវិស្វករជំនាញ​ផ្លូវ​ដែកលោក B B S Tomar ដែលបានចូលរួមនៅក្នុងគម្រោងនេះ ដែលត្រូវបានដកស្រង់ដោយកាសែត Economic Times ។ ស្ពាននេះនឹងបង្កើតបានជាបណ្តាញដ៏សំខាន់ដែលមានប្រវែង 111 គីឡូម៉ែត្រលាតសន្ធឹងរវាង Katra និង Banihal ដែលជា​ផ្នែកមួយនៃតំបន់ Udhampur-Srinagar-Baramulla នៃគម្រោងផ្លូវរថភ្លើងកាស្មៀ។ កាលពីមុន តំបន់ភូមិសាស្ត្រនេះ មិនអាចចូលទៅដល់បានទេ បើយោងតាមរបាយការណ៍របស់ Economic Times ។ គម្រោង​ដ៏​ធំនេះក៏នឹងមានផលប៉ះពាល់បន្ថែមទៀតទៅលើហេដ្ឋារចនាសម្ព័ន្ធក្នុងតំបន់ផងដែរ ដោយសារតែ​ក្រុមហ៊ុនផ្លូវ​ដែកត្រូវ​បង្កើត​ផ្លូវប្រវែង 22 គីឡូម៉ែត្រទៀតជាផ្លូវចូលសម្រាប់ការសាងសង់ស្ពាននេះ។