ចិនសាងសង់អាកាសយានដ្ឋានធំបំផុតលើលោក
យោងតាមគេហទំព័រ balance.com នៅពេលសំណង់អាកាសយានដ្ឋានអន្តរជាតិប៉េកាំង (Beijing Daxing International Airport ) ត្រូវបានបញ្ចប់រួចរាល់ អាកាសយានដ្ឋានដ៏មហិមាមួយនេះនឹងវ៉ាដាច់អាកាសយានដ្ឋាន Al Maktoum នៃទីក្រុងឌូបៃ ទាំងលើតម្លៃសាងសង់ ទំហំ អ្នកដំណើរ និងយន្តហោះ។
យោងតាមសារព័ត៌មាន Reuters បានឱ្យដឹងថា អកាសយានដ្ឋានមួយនេះ នឹងជួយបន្ថយសម្ពាធលើអាកាសយានដ្ឋានអន្តរជាតិដែលមានស្រាប់នៅក្នុងទីក្រុងប៉េកាំង ដែលទៅភាគឦសានប៉េកាំង ហើយបច្ចុប្បន្នវាមានចំណុះអ្នកដំណើរច្រើនបំផុតលំដាប់ទី២ក្នុងលោក ដែលបានបើកស្ថានីយតម្លៃ៣.៦ ពាន់លានដុល្លារក្នុងឆ្នាំ២០០៨ មុនពេលព្រឹត្តិការណ៍អូឡាំពិករដូវក្ដៅប៉េកាំង។
ដំណាក់កាលដំបូងនៃព្រលានយន្តហោះនេះត្រូវបានបញ្ចប់ជាស្ថាពរ ចំពេលព្រឹត្តិការណ៍អូឡាំពិកនៅឆ្នាំ២០០៨។
យោងតាមមជ្ឈមណ្ឌលអាកាសចរណ៍ព្រលានយន្តហោះថ្មីនេះ នឹងមានបេតុង១,៦លានម៉ែត្រគីប ដែកចំនួន៥២.០០០តោន និងមានប្រវែងសរុប៤៧គីឡូម៉ែត្រក្រឡា រួមទាំងផ្លូវយន្តហោះរត់ជាច្រើន។ វាត្រូវបានគេរំពឹងថា នឹងមានអ្នកដំណើរ៤៥លាន នាក់ក្នុងមួយឆ្នាំ ជាមួយនឹងសមត្ថភាពផ្ទុករហូតដល់១០០លាននាក់។
ឧស្សាហកម្មសំណង់សកលត្រូវបានគេរំពឹងថានឹងកើនឡើងដល់១០,៥ទ្រីលាន (ពាន់ពាន់លាន)ដុល្លារ នៅត្រឹមឆ្នាំ២០២៣។ នេះបើយោងតាមរបាយការណ៍ថ្មីមួយដែលចេញផ្សាយក្នុងគេហទំព័រ prnewswire.com ហើយតម្លៃត្រូវបានព្យាករណ៍ថានឹងកើនក្នុងកំណើនប្រចាំឆ្នាំ៤,២% ពីឆ្នាំ២០១៨ ដល់ឆ្នាំ២០២៣។ តាមរយៈរបាយការណ៍១០ដប់ភាគនេះ យើងនឹងរកមើលគម្រោងសាងសង់ធំបំផុតមួយចំនួន (យោងតាម Thebalance.com) ដែលកំពុងដំណើរការនាពេលបច្ចុប្បន្ននេះ។
អត្ថបទដោយ:
Vutha
