ចុបៃស៍ II (Jubail II)៖ គម្រោងវិស្វកម្មសំណង់ស៊ីវិលធំបំផុតក្នុងលោក
ទីក្រុងឧស្សាហកម្មចុបៃល៍ (Jubail Industrial City) ត្រូវបានសាងសង់ដំបូងកាលពីជាង៣០ឆ្នាំមុន ប៉ុន្តែឥឡូវនេះវាត្រូវបានពង្រីកទំហំទ្វេដង។
ក្រុមហ៊ុនវិស្វកម្ម Bechtel បានគ្រប់គ្រងគម្រោងចុបៃស៍ ដែលស្ថិតនៅក្នុងខេត្តភាគខាងកើត នៃប្រទេសអារ៉ាប៊ីសាអ៊ូឌីត ចាប់ តាំងពីវាបានបង្កើតនៅពាក់កណ្ដាលទសវត្សឆ្នាំ១៩៧០។ ក្រោយមកគណៈកម្មការក្រុងចុបែស៍ និងក្រុងយានប៊ុ (Yanbu) បានស្នើសុំឱ្យក្រុមហ៊ុននេះគ្រប់គ្រងគម្រោងចុបៃស៍ II ក្នុងការពង្រីកតំបន់ឧស្សាហកម្ម និងលំនៅឋានរបស់ទីក្រុងតម្លៃ១១ពាន់ លានដុល្លារ (២០០៦ - ២០១៦)។
គម្រោងនេះត្រូវបានពង្រីក៥ឆ្នាំបន្ថែមទៀតនៅឆ្នាំ២០១៦ ដែលការងាររបស់ក្រុមហ៊ុន Bechtel ផ្លោតលើការផ្ដល់កន្លែងស្នាក់ នៅ និងកន្លែងអប់រំ រួមមានសាកលវិទ្យាល័យបៃតងរបស់និស្សិត១៨.០០០នាក់ ព្រមទាំងផ្លូវថ្នល់ ស្ពាន មជ្ឈមណ្ឌលវេជ្ជសាស្ត្រ និងរោងចក្យថាមពលទឹក និងកាកសំណល់។
គម្រោងនេះនឹងបង្កើនទំហំទីក្រុងឧស្សាហកម្មចុបៃស៍ទ្វេដង ដល់៦.២០០ហិតា។ យោងតាម PROJECTENGINEER.NET គម្រោងពង្រីកនេះ ធ្វើឱ្យចុបៃស៍ II ក្លាយជាគម្រោងវិស្វកម្មស៊ីវិលធំបំផុតក្នុងលោក។
អត្ថបទដោយ:
Vutha