អគារកម្ពស់៧៨ជាន់នឹងមានវត្តមាននៅភ្នំពេញឆាប់ៗនេះ

ដោយ: Medikan 28 មិថុនា 2019 04:06 PM

យោងតាមគេហទំព័រ sungo-realeastate.com អគារកម្ពស់៧៨ជាន់មួយ ដែលនឹងមានខុនដូ ផ្សារទំនើប អាផាតមិន សណ្ឋាគារ និងការិយាល័យ នឹងត្រូវសាងសង់ក្នុងរាជធានីភ្នំពេញនាឆ្នាំនេះ។ គម្រោងអភិវឌ្ឍន៍ដែលមានតម្លៃ២០០លានដុល្លារនេះ កំពុងត្រូវបានស្ថាបនាឡើង ដោយក្រុមហ៊ុន យ៉ុងជុង (Yung Chung) ដែលអ្នកនាំពាក្យលោកផូ សម្បត្តិ បានឱ្យដឹងថា ការសាងសង់នឹងចាប់ផ្ដើមនៅចុងឆ្នាំ២០១៨។

អគារ The Bridge ដែលមានកម្ពស់ ៤៥ជាន់ លោកសម្បត្តិ បាននិយាយថា ដោយសារគម្រោងអគារដែលស្នើឡើងនេះមានកម្ពស់ខ្ពស់ ដូច្នេះក្រុមហ៊ុនត្រូវចំណាយពេលច្រើនដើម្បីសិក្សា លម្អិតផ្នែកបច្ចេកទេសនៃគ្រឹះ និងសមាសភាគផ្សេងទៀតដើម្បីកំហិតហានិភ័យ របស់គម្រោង និងធានាឲ្យបានថា វាស្របទៅតាមស្តង់ដារអន្តរជាតិ នេះបើយោងតាមគេហទំព័រអចលនទ្រព្យ Sungo Real Estate។ សំណង់មហិមានេះនឹងត្រូវបានហៅជាមជ្ឈមណ្ឌលពាណិជ្ជកម្ម Glory ហើយនឹងស្ថិតនៅជាប់នឹងស្ពាន នៅតំបន់ទន្លេបាសាក់ នៃរាជធានីភ្នំពេញ។

អគារ The Peak ដែលមានកម្ពស់ ៥៥ជាន់ លោកសម្បត្តិ បានបន្តថា តម្លៃសាងសង់ប្រហែល២០០លានដុល្លារ ហើយការសាងសង់នឹងប្រើពេលពី៤ ទៅ៥ឆ្នាំ ដូច្នេះយើងរំពឹងថា វានឹងបើកដំណើរការនៅឆ្នាំ២០២៣ ឬ២០២៤"។ យោងតាមគេហទំព័រ Sungo Real Estate អគារនេះនឹងក្លាយជាមជ្ឈមណ្ឌលពាណិជ្ជកម្មមួយ ដែលរួមមានផ្សារទំនើប អាផាតមិន ខុនដូ សណ្ឋាគារ និងការិយាល័យ។ លោកសម្បត្តិ ក៏បានឱ្យដឹងថា មនុស្សជាច្រើននឹងសម្រេចចិត្តរស់នៅក្នុងខុនដូរទាំងនេះ ដោយសារតែពួកគេភាគច្រើនមិនមានលទ្ធភាពទិញដីសាងសង់លំនៅឋានផ្ទាល់ខ្លួន។