គម្រោងផ្ទះល្វែង ឈឿន ឈាង ក្បែរតំបន់សេដ្ឋកិច្ចពិសេសភ្នំពេញបង់រំលោះត្រឹម ២៤២ដុល្លារក្នុងខែ

ដោយ: Chinmony 9 កក្កដា 2019 12:13 PM

គម្រោងផ្ទះល្វែង ឈឿន ឈាង ក្បែរតំបន់សេដ្ឋកិច្ចពិសេសភ្នំពេញ សម្ពោធការដ្ឋានជាផ្លូវការហើយ ដោយបង់រំលស់ត្រឹម ២៤២ដុល្លារក្នុងមួយខែ

ស្ថិតនៅក្បែរតំបន់សេដ្ឋកិច្ចពិសេសភ្នំពេញ គម្រោងអភិវឌ្ឍន៍ផ្ទះល្វែង ឈឿន ឈាង ដែលមានផ្ទះល្វែងប្រណិតៗចំនួន ១០ ល្វែង ដោយការសាងសង់នឹងត្រូវបញ្ចប់ជាស្ថាពរនៅពាក់កណ្តាលឆ្នាំ 2020។

គម្រោងផ្ទះល្វែង ឈឿន ឈាង ស្ថិតនៅភូមិកំរៀង សង្កាត់កន្ទោក ខណ្ឌកំបូល រាជធានីភ្នំពេញ ដែលមាន ទីតាំងនៅតាមបណ្តោយផ្លូវជាតិលេខ៤ ដែលមាន ចម្ងាយ ៤គីឡូម៉ែត្រ ពីរង្វង់មូលចោមចៅ និងចូលតាមខ្លោងទ្វាវត្តស្វាយផ្អែមប្រមាណ ៥០០ម៉ែត្រប៉ុណ្ណោះ។ ក្នុងនោះ ចម្ងាយត្រឹម ១គីឡូម៉ែត្រ ពីតំបន់សេដ្ឋកិច្ចពិសេសភ្នំពេញ និងខាងកើតផ្លូវជាតិលេខ៤ ប្រមាណ ៦០០ ម៉ែត្រ គម្រោងនេះស្ថិតនៅក្នុងតំបន់លំនៅឋាន ឧស្សាហកម្ម និង អាជីវកម្មជាច្រើន។

គម្រោងដែលមានផ្ទះល្វែងដ៏ទំនើបចំនួន១០យូនិតនេះ នៅក្បែរ បុរី Life Housing Japan ដែលជាគម្រោងលំនៅឋានដ៏ធំតាមបែបជប៉ុន ខាងលិចជាប់នឹងបុរីពិភពថ្មីកំបូល និងខាងកើតជាប់នឹង បុរីអូឌឹម។ នៅជុំវិញគម្រោងផ្ទះល្វែងនេះ មានរោងចក្រ មន្ទីរពេទ្យ សាលារៀន តំបន់ពាណិជ្ជកម្ម និង ផ្សារជាច្រើន ដែលអំណោយផលសម្រាប់ការប្រកបរបរអាជីវកម្មនានា។

ក្រៅពីការផ្តល់ជូនប័ណ្ណកម្មសិទ្ធិប្លង់រឹង ១០០% ផ្ទះល្វែង ឈឿន ឈាង ត្រូវបានឌីហ្សាញឡើងយ៉ាងប្រណិត និងមានទំហំធំទូលាយជាងផ្ទះល្វែងទូទៅដែលនៅជុំវិញ ព្រមទាំងផ្តល់ជូនទូរតាំងទូរទស្សន៍មួយឈុតនៅបន្ទប់ទទួលភ្ញៀវ និង ទូរតាំងលើក្រោមមួយឈុតនៅផ្ទះបាយ ដែលរចនាឡើងដោយក្រុមហ៊ុនឌីហ្សាញជំនាញ ដែលមានបទពិសោធន៍ជាច្រើនឆ្នាំ។

សម្រាប់ការកក់មុនថ្ងៃ ៣០ ខែកក្កដា ឆ្នាំ២០១៩ នេះ អតិថិជននឹងទទួលបានការបញ្ចុះតម្លៃពិសេស ដែលផ្ទះល្វែង Eo មានតម្លៃ ៤៨.០០០ ដុល្លារអាមេរិច និងផ្ទះល្វែងប្រភេទ E1 មានតម្លៃ ៨៥.០០០ ដុល្លារអាមេរិកតែប៉ុណ្ណោះ។ ផុតកាលបរិច្ឋេទនេះ តម្លៃផ្ទះល្វែង Eo នឹងឡើងដល់ ៥១.០០០ ដុល្លារអាមេរិក ខណៈផ្ទះល្វែង E1 នឹងឡើងដល់ ៨៨.៨៨០ដុល្លារអាមេរិក។

អតិថិជនអាចបង់ប្រាក់តាម ៣ ជម្រើស ប្រកបដោយភាពងាយស្រួល។ ជម្រើសទី១ អតិថិជនអាចបង់ផ្តាច់ ១០០% ដើម្បីទទួលបានការបញ្ចុះតម្លៃ ៦% ភ្លាមៗ។ ជម្រើសទី២ អតិថិជនបង់ប្រាក់កក់ ៣០% ដើម្បីទទួលបានការបញ្ចុះតម្លៃ ៣% ភ្លាមៗ។ និងជម្រើសទី៣ អតិថិជនបង់ប្រាក់កក់ត្រឹមតែ ១០% និងទទួលបានការបញ្ចុះតម្លៃ ២% ភ្លាមៗ។

អតិថិជនអាចបង់រំលស់ប្រាក់ដែលនៅសល់ រហូតដល់ ២៥ឆ្នាំជាមួយធនាគារជាដៃគូ ដោយបង់ត្រឹម ២៤២ដុល្លាអាមេរិកប៉ុណ្ណោះ ក្នុងមួយខែ។