តម្លៃផ្ទះនៅសិង្ហបុរីធ្លាក់ដល់កម្រិតទាបបំផុតមួយ

តម្លៃផ្ទះនៅសិង្ហបុរីធ្លាក់ដល់កម្រិតទាបបំផុតមួយ
តម្លៃ​ផ្ទះ​នៅ​ប្រទេស​សិង្ហបុរី​បាន ​​ធ្លាក់ដល់កម្រិតទាបដ៏កម្រមួយ បន្ទាប់ពី​បាន​ធ្លាក់​ចុះ​អស់​រយៈពេល១៥ត្រីមាស ដោយ​អ្នកវិភាគ​ទីផ្សារ​ជាច្រើន​រំពឹង​ថា វា​នឹង​ងើប​ឡើងវិញ។ វា​ត្រូវ​បាន​គេ​ប៉ាន់​ប្រមាណ​ថា ការ​ស្ទុះ​ងើប​ឡើងវិញ​នេះ​នឹង​បង្កើន​តម្លៃ​ពី១០% ទៅ២០% ក្នុង​រយៈពេល​ពីរ​ឆ្នាំ​ខាង​មុខ​ទៀត។ នៅ​ពេល​ដែល​រដ្ឋាភិបាល​បាន​ដាក់​ចេញ​នូវ​វិធានការ​ទប់ស្កាត់​ជា​បន្តបន្ទាប់ តម្លៃ​ផ្ទះ​នៅ​ក្នុង​ប្រទេស​សឹង្ហ​បុរី​បាន​ធ្លាក់​ចុះ១២% ចាប់តាំង​ពីកម្រិតខ្ពស់បំផុតមួយនៅ​ឆ្នាំ២០១៣។ ផ្ទះ​នៅ​​សិង្ហបុរី​បាន​ប្រែក្លាយ​ទៅ​មាន​តម្លៃ​សមរម្យ​ក្នុង​ឆ្នាំ២០១៧ មិន​ដូច​នៅ​ហុងកុង​ទេ។ ផ្ទុយទៅវិញ តម្លៃ​ផ្ទះនៅ​ហុងកុង​បាន​ឡើង​ដល់​កម្រិត​ខ្ពស់​បំផុត​កាលពី​ដើម​ឆ្នាំ​នេះ។ ផលធៀបរវាង​តម្លៃ​ផ្ទះ​​ទៅ​នឹង​​ប្រាក់ចំណូល ​នៅ​ក្នុង​ប្រទេស​សិង្ហបុរី បាន​ធ្លាក់​ចុះពី១០ ទៅ​១២ដង​ ក្នុង​រយៈពេល​មួយ​ទសវត្ស​​មក​នេះ ឬ​ទាប​បំផុត​ចាប់តាំង​ពី​ឆ្នាំ២០០៩។ ប៉ុន្តែ​ហុងកុង​បាន​កើន​ឡើងពី១១ ​ដល់១៥ដង។ ​ទោះបីជាមានការប៉ុនប៉ងទិញផ្ទះ​ដោយ​វិជ្ជមាន​ច្រើនក្តី អ្នក​ស្វែងរក​អចលនទ្រព្យ​នៅ​ក្នុង​ប្រទេស​សិង្ហបុរី​បន្ត​ព្រួយ​បារម្ភ​លើ​តម្លៃ និង​បន្ត​បង្ហាញ​ការ​ព្រួយបារម្ភ​លើ​សមត្ថភាព​របស់​ពួកគេ​ក្នុង​ការ​ទិញ​ផ្ទះ ទោះបីជា​ទីផ្សារ​អចលនទ្រព្យ​បច្ចុប្បន្ន​កំពុង​បង្ហាញ​ពី​សញ្ញា​នៃ​ការ​ងើប​ឡើងវិញ​ក៏ដោយ។  
អត្ថបទដោយ: Vutha