ជប៉ុន-កម្ពុជា ចុះ MOU លើកកម្ពស់ការអភិវឌ្ឍកំពង់ផែនិងភស្តុភាកម្មក្នុងប្រទេសកម្ពុជា
ភ្នំពេញ ៖ កំពង់ផែស្វយ័តក្រុងព្រះសីហនុ និង នាយកដ្ឋានអាស៊ីអាគ្នេយ៏និងប៉ាស៊ីហ្វិករបស់ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) បានចុះហត្ថលេខាលើអនុស្សរណៈស្តីពីភាពជាដៃគូយុទ្ធសាស្រ្ត នៅការិយាល័យកណ្តាល JICA ក្នុងទីក្រុងតូក្យូ ប្រទេសជប៉ុនហើយកាលពីម្សិលមិញនេះ។
លោក លូ គឹមឈន់ ប្រតិភូរាជរដ្ឋាភិបាល ទទួលបន្ទុកជាអគ្គនាយកកំពង់ផែស្វយ័តក្រុងព្រះសីហនុ បានចុះហត្ថលេខាថ្មីមួយជាមួយនឹងលោក Shigenori OGAWA អគ្គនាយកនៃនាយកដ្ឋាន អាស៊ីអាគ្នេយ៍ និងប៉ាស៊ីហ្វិករបស់ទីភ្នាក់ងារសហប្រតិបត្តិអន្តរជាតិ JICA ស្តីពីភាពជាដៃគូរយុទ្ធសាស្ត្រ នៅការិយាល័យកណ្ដាល JICA នាទីក្រុងតូក្យូប្រទេសជប៉ុន ។
តាមសេចក្តីប្រកាសព័ត៌មានរបស់ទីភ្នាក់ងារ JICA បានអោយដឹងថា អនុស្សរណៈស្តីពីភាពជាដៃគូយុទ្ធសាស្រ្តត្រូវបានរៀបចំឡើងក្នុងគោលបំណងពង្រឹង និងពង្រីកភាពជាដៃគូ រវាង JICA និងកំពង់ផែស្វយ័តក្រុងព្រះសីហនុ ដើម្បីលើកកម្ពស់ការអភិវឌ្ឍកំពង់ផែ និងភស្តុភាកម្មក្នុងការអភិវឌ្ឍសេដ្ឋកិច្ចសង្គមនៃប្រទេសកម្ពុជា ។
កំពង់ផែស្វយ័តក្រុងព្រះសីហនុគឺជាកំពង់ផែសមុទ្រទឹកជ្រៅតែមួយគត់ក្នុងប្រទេសកម្ពុជា ហើយកំពង់ផែនេះបានដើរតួជាមជ្ឈមណ្ឌលភស្តុភារកម្មសំខាន់ក្នុងការចូលរួមដល់ការអភិវឌ្ឍប្រទេសកម្ពុជា។ ចាប់តាំងពីឆ្នាំ 1999 មក JICA បានផ្តល់កម្ចីហិរញ្ញប្បទាន ហិរញ្ញប្បទានឥតសំណង កិច្ចសហប្រតិបត្តិការបច្ចេកទេស និងបន្តផ្តល់ការគាំទ្រនានាដើម្បីកែលម្អហេដ្ឋារចនាសម្ព័ន្ធនិងពង្រឹងសមត្ថភាពកំពង់ផែ។
បើតាមលោក លូ គឹមឈន់ អគ្គនាយកកំពង់ផែស្វយ័តក្រុងព្រះសីហនុបានលើកឡើងថា សកម្មភាពការងារកំពង់ផែស្វយ័តក្រុងព្រះសីហនុ ឃើញថាមានភាពល្អប្រសើរណាស់ ហើយវាជាសញ្ញាបង្ហាញថាកំពង់ផែកំពុងតែរីកចម្រើនទៅមុខជាលំដាប់។
ជាក់ស្ដែង បន្ទាប់ពីកំពង់ផែបានបោះផ្សាយភាគហ៊ុននៅក្នុងផ្សារមូលបត្រ ឃើញថាតម្លៃ និងការជួញដូរភាគហ៊ុននៅក្នុងផ្សារមូលបត្រមានសកម្មភាពល្អជាងគេ និងបានបង្ហាញដល់វិនិយោគិននានាពីទំនុកចិត្តរបស់អាជីវកម្មកំពង់ផែស្វយ័តក្រុងព្រះសីហនុមួយនេះ។
ផ្អែកលើការរីកចម្រើនផ្នែកសេដ្ឋកិច្ចរបស់ប្រទេសកម្ពុជា កំពង់ផែស្វយ័តក្រុងព្រះសីហនុនឹងក្លាយទៅជាមជ្ឈមណ្ឌលភស្តុភារកម្មក្នុងស្រុកនិងតំបន់យ៉ាងសំខាន់ ដែលក្នុងនោះចំនួនកុងតេន័រឆ្លងកាត់សរុប បានកើនឡើងពីចំនួន 290,000 TEUs ក្នុងឆ្នាំ 2013 ដល់ 540 000 TEUs ក្នុងឆ្នាំ2018 ។ ទន្ទឹមនឹងនេះ វាមានសារៈសំខាន់ណាស់ក្នុងការធ្វើការអភិវឌ្ឍកំពង់ផែស្វយ័តក្រុងព្រះសីហនុ ហើយការពង្រឹងបន្ថែមលើប្រតិបត្តិការនិងការគ្រប់គ្រងកំពង់ផែនិងតំបន់សេដ្ឋកិច្ចពិសេសក៏មានសារៈសំខាន់ផងដែរ។
គួរបញ្ជាក់ថា ក្នុងរយៈពេល 1 ត្រីមាសដំបូងឆ្នាំ 2019 កំពង់ផែអន្តរជាតិ ក្រុងព្រះសីហនុ ទទួលបានកុងតឺន័រឆ្លងកាត់ប្រមាណ 13 ម៉ឺនកុងតឺន័រ មានកំណើនប្រមាណ 16ភាគរយ ហើយរំពឹងថា នឹងទទួលបានកុងតឺតឺន័រឆ្លងកាត់ចំនួន 70ម៉ឺនកុងតឺន័រ នៅឆ្នាំ 2020 និងលើស 1លានកុងតឺន័រ នៅឆ្នាំ 2030 ៕
អត្ថបទដោយ:
Neth
លោក លូ គឹមឈន់ ប្រតិភូរាជរដ្ឋាភិបាល ទទួលបន្ទុកជាអគ្គនាយកកំពង់ផែស្វយ័តក្រុងព្រះសីហនុ បានចុះហត្ថលេខាថ្មីមួយជាមួយនឹងលោក Shigenori OGAWA អគ្គនាយកនៃនាយកដ្ឋាន អាស៊ីអាគ្នេយ៍ និងប៉ាស៊ីហ្វិករបស់ទីភ្នាក់ងារសហប្រតិបត្តិអន្តរជាតិ JICA ស្តីពីភាពជាដៃគូរយុទ្ធសាស្ត្រ នៅការិយាល័យកណ្ដាល JICA នាទីក្រុងតូក្យូប្រទេសជប៉ុន ។
តាមសេចក្តីប្រកាសព័ត៌មានរបស់ទីភ្នាក់ងារ JICA បានអោយដឹងថា អនុស្សរណៈស្តីពីភាពជាដៃគូយុទ្ធសាស្រ្តត្រូវបានរៀបចំឡើងក្នុងគោលបំណងពង្រឹង និងពង្រីកភាពជាដៃគូ រវាង JICA និងកំពង់ផែស្វយ័តក្រុងព្រះសីហនុ ដើម្បីលើកកម្ពស់ការអភិវឌ្ឍកំពង់ផែ និងភស្តុភាកម្មក្នុងការអភិវឌ្ឍសេដ្ឋកិច្ចសង្គមនៃប្រទេសកម្ពុជា ។
កំពង់ផែស្វយ័តក្រុងព្រះសីហនុគឺជាកំពង់ផែសមុទ្រទឹកជ្រៅតែមួយគត់ក្នុងប្រទេសកម្ពុជា ហើយកំពង់ផែនេះបានដើរតួជាមជ្ឈមណ្ឌលភស្តុភារកម្មសំខាន់ក្នុងការចូលរួមដល់ការអភិវឌ្ឍប្រទេសកម្ពុជា។ ចាប់តាំងពីឆ្នាំ 1999 មក JICA បានផ្តល់កម្ចីហិរញ្ញប្បទាន ហិរញ្ញប្បទានឥតសំណង កិច្ចសហប្រតិបត្តិការបច្ចេកទេស និងបន្តផ្តល់ការគាំទ្រនានាដើម្បីកែលម្អហេដ្ឋារចនាសម្ព័ន្ធនិងពង្រឹងសមត្ថភាពកំពង់ផែ។
បើតាមលោក លូ គឹមឈន់ អគ្គនាយកកំពង់ផែស្វយ័តក្រុងព្រះសីហនុបានលើកឡើងថា សកម្មភាពការងារកំពង់ផែស្វយ័តក្រុងព្រះសីហនុ ឃើញថាមានភាពល្អប្រសើរណាស់ ហើយវាជាសញ្ញាបង្ហាញថាកំពង់ផែកំពុងតែរីកចម្រើនទៅមុខជាលំដាប់។
ជាក់ស្ដែង បន្ទាប់ពីកំពង់ផែបានបោះផ្សាយភាគហ៊ុននៅក្នុងផ្សារមូលបត្រ ឃើញថាតម្លៃ និងការជួញដូរភាគហ៊ុននៅក្នុងផ្សារមូលបត្រមានសកម្មភាពល្អជាងគេ និងបានបង្ហាញដល់វិនិយោគិននានាពីទំនុកចិត្តរបស់អាជីវកម្មកំពង់ផែស្វយ័តក្រុងព្រះសីហនុមួយនេះ។
ផ្អែកលើការរីកចម្រើនផ្នែកសេដ្ឋកិច្ចរបស់ប្រទេសកម្ពុជា កំពង់ផែស្វយ័តក្រុងព្រះសីហនុនឹងក្លាយទៅជាមជ្ឈមណ្ឌលភស្តុភារកម្មក្នុងស្រុកនិងតំបន់យ៉ាងសំខាន់ ដែលក្នុងនោះចំនួនកុងតេន័រឆ្លងកាត់សរុប បានកើនឡើងពីចំនួន 290,000 TEUs ក្នុងឆ្នាំ 2013 ដល់ 540 000 TEUs ក្នុងឆ្នាំ2018 ។ ទន្ទឹមនឹងនេះ វាមានសារៈសំខាន់ណាស់ក្នុងការធ្វើការអភិវឌ្ឍកំពង់ផែស្វយ័តក្រុងព្រះសីហនុ ហើយការពង្រឹងបន្ថែមលើប្រតិបត្តិការនិងការគ្រប់គ្រងកំពង់ផែនិងតំបន់សេដ្ឋកិច្ចពិសេសក៏មានសារៈសំខាន់ផងដែរ។
គួរបញ្ជាក់ថា ក្នុងរយៈពេល 1 ត្រីមាសដំបូងឆ្នាំ 2019 កំពង់ផែអន្តរជាតិ ក្រុងព្រះសីហនុ ទទួលបានកុងតឺន័រឆ្លងកាត់ប្រមាណ 13 ម៉ឺនកុងតឺន័រ មានកំណើនប្រមាណ 16ភាគរយ ហើយរំពឹងថា នឹងទទួលបានកុងតឺតឺន័រឆ្លងកាត់ចំនួន 70ម៉ឺនកុងតឺន័រ នៅឆ្នាំ 2020 និងលើស 1លានកុងតឺន័រ នៅឆ្នាំ 2030 ៕
