គម្រោងលំនៅឋានមានតម្លៃប្រមាណ ១០ លានដុល្លារ ត្រូវបានទិញ-លក់ក្នងពិព័រណ៌លំនៅឋាន ២០១៩
ភ្នំពេញ៖ ការទិញលក់អចលនទ្រព្យនៅនឹងកន្លែង ក្នុងពិព័រណ៌លំនៅឋាន Home & Lifestyle 2019 រយៈពេលពីរថ្ងៃនៅសាលសន្និសីទ និងពិព័រណ៌កោះពេជ្រ កាលពីចុងខែមេសាកន្លងទៅនេះ មានប្រមាណ ១០លានដុល្លារអាមេរិក។
លោក Tom O'Sullivan នាយកប្រតិបត្តិរបស់ក្រុមហ៊ុន Realestate.com.kh ដែលជាអ្នករៀបចំពិព័រណ៌នេះ បានឲ្យដឹងថា ព្រឹត្តិការណ៍នេះ ទទួលបានជោគជ័យបំផុតដោយមានអ្នកទស្សនាជាង ២០.០០០ នាក់។ លោកថា អ្នកចូលរួមប្រហែលពាក់កណ្តាលគឺជាប្រជាជនក្នុងស្រុក ដោយឡែក អ្នកចូលរួមផ្សេងៗទៀតភាគច្រើនគឺជនជាតិចិន រួមជាមួយនឹងទេសចរអន្តរជាតិជាច្រើនផ្សេងទៀតផងដែរ។
លោក O'Sullivan ថា៖«ពិព័រណ៌លំនៅឋាន Home & Lifestyle 2019 ពីរថ្ងៃនេះ ការទិញលក់អចលនទ្រព្យនៅនឹងកន្លែងមានចំនួនប្រមាណ ១០លានដុល្លារអាមេរិក»។ លោកក៏បានឲ្យដឹងដែរថា ការលក់ លំនៅដ្ឋានអារ៉ាតា ហ្គាដិន រ៉េស៊ីដិន ដែលបានអភិវឌ្ឍដោយក្រុមហ៊ុន Creed Group ក៏ទទួលបានការចាប់អាម្មណ៍ច្រើនដែរ។ អារ៉ាតាបានលក់លំនៅដ្ឋានអស់ចំនួន ១២ យូនីត ដែលក្នុងមួយយូនីតមានតម្លៃជាមធ្យមក្រោម ១០០.០០០ ដុល្លារ ។
ក្នុងនោះផងដែរ ក្រុមហ៊ុន Top International Agent បានចុះហត្ថលេខាលើការលក់ចំនួន ៨ យូនីត នៅក្នុងពិព័រណ៍នេះ ដែលមានតម្លៃសរុបជាង ៦០.០០០ ដុល្លារ។
គម្រោង Worldbridge Homes ក៏បានទទួលបានការចាប់អារម្មណ៍ច្រើនផងដែរ នៅក្នុងអំឡុងពេល ពិព័រណ៍នេះ។ គម្រោងនេះលក់បានចំនួន ៩ យូនីត ដែលមានតម្លៃជាង ២៥០.០០០ ។ ភ្នាក់ងារអចលនទ្រព្យ Pointer Property លក់បានចំនួន ៤ យូនីត ដែលមានតម្លៃប្រហែលជា ៧០.០០០ ដុល្លារក្នុងមួយយូនីត និង គម្រោង 7 Residence លក់បាន ១ យូនីត ដែលមានតម្លៃ ៥០០.០០០ ដុល្លារ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានប្រាប់ KHB Media តាមរយៈទូរស័ព្ទថា ពិព័រណ៍នេះ គឺជាការប្រមូលផ្តុំបង្ហាញផលិតផលរបស់ក្រុមហ៊ុននិងជាទីផ្សារលក់រយៈពេលខ្លី រវាងអ្នកលក់ និងអ្នកទិញ។ លោកសុខនីមបន្តថា៖«នៅក្នុងសេដ្ឋកិច្ចទីផ្សារសេរី ត្រូវតែមានការប្រកួតប្រជែងគ្នា សំខាន់យើងត្រូវពង្រឹងគុណភាព ផ្តល់សេវាកម្មឱ្យល្អ ដើម្បីផ្តល់នូវអត្ថប្រយោជន៍ដល់អ្នកប្រើប្រាស់។ ជាធម្មតា នៅពេលមានអ្នកអភិវឌ្ឍន៍គម្រោងលំនៅឋានច្រើន អ្នកប្រើប្រាស់ក៏មានជម្រើសច្រើនដែរ»។ លោកថាទីផ្សារអចលនទ្រព្យនៅកម្ពុជា ត្រូវតែមានភាពរឹងមាំ ព្រោះមិនមានអ្វីជាឧបសកគ្គធំនោះទេ សម្រាប់វិស័យនេះ។
តាមទិន្នន័យរបស់ Realestate.com.kh បង្ហាញថា ពិព័រណ៍លំនៅឋានកម្ពុជាឆ្នាំ ២០១៩ ដែលបានប្រព្រឹត្តទៅកាលពីថ្ងៃទី២៦ និង២៧ ខែមេសា ឆ្នាំ២០១៩ នៅសាលសន្និសីទ និងពិព័រណ៌កោះពេជ្ររមានអ្នកទស្សនាជាង ២០.០០០ នាក់។ ពិព័រណ៍លំនៅឋានកម្ពុជាឆ្នាំ២០១៩ ត្រូវបានរៀបចំដោយក្រុមហ៊ុន គេហទំព័រ Realestate.com.kh ដែលជាគេហទំព័រ ផ្សព្វផ្សាយអចលនទ្រព្យលេខ១ នៅកម្ពុជា។
ក្នុងព្រឹត្តិការណ៍នេះដែរ មានក្រុមហ៊ុនអចលនទ្រព្យក្នុងស្រុក និងបរទេស ប្រមាណ ១០០ ដែលបានចូលរួមតាំងបង្ហាញគម្រោងអភិវឌ្ឍន៍នានា រួមមាន គម្រោងអភិវឌ្ឍន៍បុរី គម្រោងខុនដូ គម្រោងដីឡូតិ៍ ក្រុមហ៊ុនភ្នាក់ងារអចលនទ្រព្យ ក្រុមហ៊ុនច្បាប់ ធនាគារ ក្រុមហ៊ុនសំណង់ និងស្ថាបត្យកម្ម៕
អត្ថបទដោយ:
Rath
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានប្រាប់ KHB Media តាមរយៈទូរស័ព្ទថា ពិព័រណ៍នេះ គឺជាការប្រមូលផ្តុំបង្ហាញផលិតផលរបស់ក្រុមហ៊ុននិងជាទីផ្សារលក់រយៈពេលខ្លី រវាងអ្នកលក់ និងអ្នកទិញ។ លោកសុខនីមបន្តថា៖«នៅក្នុងសេដ្ឋកិច្ចទីផ្សារសេរី ត្រូវតែមានការប្រកួតប្រជែងគ្នា សំខាន់យើងត្រូវពង្រឹងគុណភាព ផ្តល់សេវាកម្មឱ្យល្អ ដើម្បីផ្តល់នូវអត្ថប្រយោជន៍ដល់អ្នកប្រើប្រាស់។ ជាធម្មតា នៅពេលមានអ្នកអភិវឌ្ឍន៍គម្រោងលំនៅឋានច្រើន អ្នកប្រើប្រាស់ក៏មានជម្រើសច្រើនដែរ»។ លោកថាទីផ្សារអចលនទ្រព្យនៅកម្ពុជា ត្រូវតែមានភាពរឹងមាំ ព្រោះមិនមានអ្វីជាឧបសកគ្គធំនោះទេ សម្រាប់វិស័យនេះ។
តាមទិន្នន័យរបស់ Realestate.com.kh បង្ហាញថា ពិព័រណ៍លំនៅឋានកម្ពុជាឆ្នាំ ២០១៩ ដែលបានប្រព្រឹត្តទៅកាលពីថ្ងៃទី២៦ និង២៧ ខែមេសា ឆ្នាំ២០១៩ នៅសាលសន្និសីទ និងពិព័រណ៌កោះពេជ្ររមានអ្នកទស្សនាជាង ២០.០០០ នាក់។ ពិព័រណ៍លំនៅឋានកម្ពុជាឆ្នាំ២០១៩ ត្រូវបានរៀបចំដោយក្រុមហ៊ុន គេហទំព័រ Realestate.com.kh ដែលជាគេហទំព័រ ផ្សព្វផ្សាយអចលនទ្រព្យលេខ១ នៅកម្ពុជា។
ក្នុងព្រឹត្តិការណ៍នេះដែរ មានក្រុមហ៊ុនអចលនទ្រព្យក្នុងស្រុក និងបរទេស ប្រមាណ ១០០ ដែលបានចូលរួមតាំងបង្ហាញគម្រោងអភិវឌ្ឍន៍នានា រួមមាន គម្រោងអភិវឌ្ឍន៍បុរី គម្រោងខុនដូ គម្រោងដីឡូតិ៍ ក្រុមហ៊ុនភ្នាក់ងារអចលនទ្រព្យ ក្រុមហ៊ុនច្បាប់ ធនាគារ ក្រុមហ៊ុនសំណង់ និងស្ថាបត្យកម្ម៕
