បុរីធីវីស្តាត្រៀមចិញ្ចៀនពេជ្រ និងម៉ូតូហុងដាសេរីថ្មីជូនដល់អតិថិជន
បុរីធីវីស្តា ជាគម្រោងអភិវឌ្ឍន៍លំនៅឋានផ្ទះល្វែងវីឡាទំនើបថ្មីមួយមានទីតាំងស្ថិតនៅក្នុងខណ្ឌដង្កោ ដែលមានផ្ទះ២ប្រភេទគឺ អាជីវកម្ម និងប្រភេទផ្ទះវីឡាកូនកាត់ ហាក់កំពុងទទួលជោគជ័យលើការលក់ក្នុងគម្រោងទាំង៥របស់ខ្លួនគួរឱ្យកត់សម្គាល់។
ខណៈដែលដំណើរការលក់គម្រោងទី៥ មានភាពល្អប្រសើរដែលទទួលបានរហូត៦៥%នោះ នៅក្នុងទិវានៃក្តីស្រឡាញ់ និង សិទ្ធិនារីអន្តរជាតិខាងមុខនេះ បុរីនេះនឹងមានរង្វាន់ពិសេសជូនដល់អតិថិជន គឺរាល់អតិថិជនដែលទិញផ្ទះវីឡារបស់បុរី ពីធីវីស្តា នឹងទទួលបានចិញ្ចៀនពេជ្រមួយវង់។
លោក កូយ សីហា ប្រធានផ្នែកលក់និងចាត់ការទូទៅបុរីធីវីស្តា បានឱ្យដឹងថា ការផ្តល់ជូននេះ នឹងធ្វើឡើងពីថ្ងៃទី០១ ខែកុម្ភៈ ដល់ថ្ងៃទី១៥ ខែមិនា ឆ្នាំ២០២០ ដើម្បីការជាផ្តល់កាដូ ដល់អតិថិជន ក្នុងរដូវកាលដ៏ពិសេសនេះ។
លោកបន្តថា លើសពីនេះទៅ សម្រាប់បុណ្យចូលឆ្នាំខ្មែរ ចាប់ពីថ្ងៃទី១៦ ខែមិនា ដល់ថ្ងៃទី៣០ ខែមេសា រាល់អតិថិជនដែលបានទិញផ្ទះវីឡារបស់បុរីធីវីស្តា នឹងទទួលបានរង្វាន់ពិសេស គឺ ម៉ូតូហុងដា Dream 2020 ១គ្រឿងផងដែរ។
គួរជម្រាបថា បុរីធីវីស្តា មានលំនៅឋានសរុបមាន១៦៥ ល្វែង ជាប្រភេទផ្ទះអាជីវកម្ម និងប្រភេទផ្ទះវីឡាកូនកាត់ ត្រូវបានសាងសង់លើផ្ទៃដីចំនួន ២ហិកតា ដែលស្ថិតនៅតាមបណ្តោយផ្លូវ៣០ម៉ែត្រ( ព្រៃស) ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញដែលជាចំណុចប្រសព្វនៃផ្លូវ២០ម៉ែត្រ ផ្លូវ៥០ម៉ែត្រ និង៦០ម៉ែត្រ។
បើតាមប្រធានផ្នែកលក់ និងអ្នកចាត់ការទូទៅបុរីធីវីស្តាដដែលបានឱ្យដឹងថា នាពេលខាងមុខនេះ បុរីធីវីស្តា នឹងបន្តអភិវឌ្ឍន៍គម្រោង ទី៦របស់ខ្លួនបន្ថែមទៀត លើផ្ទៃដីធំជាងគម្រោងមុនៗរហូតដល់ ៦ហិកតាដែលមានទីតាំងក្បែរគម្រោងចាស់។
គម្រោងទី៦របស់បុរីនឹងសាងសង់ឡើងជាមួយនឹងលំនៅឋានយ៉ាងប្រណិតៗបូកផ្សំនឹងគុណភាព លក្ខណៈបច្ចេកទេសដែលធានាបាននូវគុណភាពស្របតាមស្តង់ដារនៃការរស់នៅបែបទាន់សម័យ៕
