អគារទាំង ៨ ដែលមានទឺកធ្លាក់សិប្បនិម្មិតស្រស់ស្អាតបំផុតលើលោក​

អគារទាំង ៨ ដែលមានទឺកធ្លាក់សិប្បនិម្មិតស្រស់ស្អាតបំផុតលើលោក​
ពិភពលោក៖ យោងតាមគេហៈទំព័រ deezeen.com បានឲ្យដឹងថា មានអគារចំនួន ៨ ដែលត្រូវបានគេសាងសង់ដោយរួមបញ្ចូលទឹកធ្លាក់ដ៏ស្រស់ស្អាតមកជាមួយ។ អគារទាំង ៨ នោះរួមមាន៖ ១. អគារអន្តរជាតិ Liebian (ប្រទេសចិន) អគារនេះជារបស់ក្រុមហ៊ុន Ludi Industry Group ដែលគេចាត់ទុកថា អគារដែលមានទឹកធ្លាក់សិប្បនិម្មិតដ៏អស្ចារ្យដំបូងគេក្នុងពិភពលោក។  អគារនេះមានកម្ពស់ ១២១ ម៉ែត្រ ស្ថិតនៅក្នងទីក្រុង Guiyang ភាគនិរតីនៃប្រទេសចិន។ ទឹកធ្លាក់ពីអគារមានកម្ពស់ ១០៨ ម៉ែត្រ ត្រូវបានគេរចនាឡើងដើម្បីផ្គត់ផ្គង់ទឹកដល់ទីក្រុង Guiyang ទាំងមូល។ ២. អាកាសយានដ្ឋាន Jewel Changi (សិង្ហបុរី) អាកាសយាន្តដ្ឋាន Jewel Changi Airport ត្រូវបានរចនាឡើងដោយស្ថាបត្យករ Moshe Safdie មានចំណុច​ដ៏អស្ចារ្យជាច្រើន គួរឲ្យកោតសរសើរ។ អគាររបស់វាមានកម្ពស់ ១០ ជាន់ (៥ជាន់ស្ថិតនៅខាងក្រោមដី និង៥ជាន់ស្ថិតនៅខាងលើដី)។ នៅត្រង់ចំណុចកណ្ដាលនៃអគារ មានទឹកធ្លាក់សិប្បនិម្មិត្ត ដែលគេចាត់ទុកថា ជាទឹកធ្លាក់ក្រោមដំបូលខ្ពស់ជាងគេលើលោក។ នៅជុំវិញនោះ មានសួនច្បារដ៏ស្រស់ស្អាតសម្អដោយដើមឈើធម្មជាតិខៀវស្រង៉ាត់ផងដែរ។ Waterfall architecture: Liebian International Building, China, by Ludi Industry Group ៣. Fallingwater (សហរដ្ឋអាមេរិក) Fallingwater ជាគេហដ្ឋានមួយរបស់ Frank Lloyd Wright ដែលស្ថិតនៅក្នុងតំបន់ជនបទនៃរដ្ឋ Pennsylvania សហរដ្ឋអាមេរិក។ គេចាត់ទុកផ្ទះនេះ ជាអគារដែលមានទឹកធ្លាក់សិប្បនិម្មិត្ត ល្បីល្បាញជាងគេក្នុថងពិភពលោក។ ផ្ទះនេះសាងសង់ឡើងលើទឹកធ្លាក់កម្ពស់ ៩ ម៉ែត្រ ត្រូវបានវិទ្យាស្ថានស្ថាបត្យកម្មអាមេរិក ចាត់ទុកថា «ការងារ ស្ថាបត្យកម្មល្អបំផុតក្នុងសហរដ្ឋអាមេរិច»។ Waterfall architecture: Fallingwater by Frank Lloyd Wright ៤. Waterfall Building (ឥណ្ឌូនេស៊ី) នៅក្នុងឧទ្យានកែច្នៃ Mekarsari Fruit លើកោះជ្វាប្រទេសឥណ្ឌូនេស៊ី មានអគារមួយព័ណ៍ស មានកម្ពស់ ៧ ជាន់ ដែលគ្របដណ្តប់ដោយរុក្ខជាតិ។ អគារនោះមានឈ្មោះថា Waterfall Building ដែលមានទឹកធ្លាក់នៅផ្នែកខាងមុខ។ ទឹកដែលធ្លាក់ពីអគារកម្ពស់ប្រាំពីរជាន់នេះ និងហូរចូលទៅក្នុងបឹងមួយ។ Waterfall architecture: Waterfall building ៥. អគារជាតិនៃការចងចាំ ១១ កញ្ញា (សហរដ្ឋអាមេរិក) អគារនេះរចនាឡើងដោយស្ថាបត្យករចំនួនពីររូបគឺ លោក Michael Arad ជាអ្នករចនាអគារ និង លោក Peter Walker ដែលជាអ្នករចនាទេសភាព។ អគារនេះ មានប្រភពទឹកចំនួនពីរ ដែលហូលចូលក្នុងប្រហោងរាងការ៉េពីរ ដែលតំណាងឲ្យអគារពាណិជ្ជកម្មពិភពលោក។ Waterfall architecture: 9/11 memorial ៦. Waterfalll (បារាំង) ស្ថាបត្យករដាណឺម៉ាក លោក Olafur Eliasson បានរចនាទឹកធ្លាក់ Waterfall  នៅ Grand Canal ក្នុងវិមាន Versailles ទីក្រុងប៉ារីស។ ការសាងសង់នេះ ត្រូវបានបង្កើតឡើង ដើម្បីទាក់ទាញចំណាប់អារម្មណ៍ពីអ្នកទស្សនា ដោយការធ្វើឲ្យមានទឹកធ្លាក់នៅកណ្ដាលអាងហែលទឹក។ Waterfall architecture: Olafur Eliasson ៧. Casa Cascada (ប្រទេសកូស្តារីកា) Casa Cascada Waterfall House ត្រូវបានគេដាក់ឈ្មោះតាមលក្ខណៈទឹកដែលហូរពីអាងហែលទឹកជាន់លើ នៅជាន់ទី ១ ទៅស្រះទឹកនៅជាន់ផ្ទាល់ដី។ រចនាដោយមន្ទីរថែទាំទ្រទ្រង់លំនៅដ្ឋាន (Laboratory Sustaining Design) អគារ ៤ ជាន់នេះ ត្រូវរបានចនាឲ្យមានលក្ខណៈជម្រាល ដើម្បីឱ្យមើលទៅដូចទេសភាពមហាសមុទ្រ។ Waterfall architecture: Waterfall house by LSD Architects ៨. សួនច្បារ Gardens by the Bay (ប្រទេសសិង្ហបុរី) Gardens by the Bay ជាសួនច្បារត្រូពិចដ៏ធំមួយ ដែលរចនាដោយស្ថាបត្យករអង់គ្លេស Wilkinson Eyre និងស្ថាបត្យករទេសភាព Grant Associates មានទឹកធ្លាក់កម្ពស់ ៣០ ម៉ែត្រ នៅផ្ទះកញ្ចក់ដ៏ធំមួយ៕ Waterfall architecture: Gardens by the Bay ប្រភព៖ www.deezeen.com
អត្ថបទដោយ: Vasna