​តើ​ម៉ៅការ​បន្ត ឬ​​ជួល​បុគ្គលិក​​ផ្ទាល់ មួយ​​ណា​ប្រសើរ​ជាង?

​តើ​ម៉ៅការ​បន្ត ឬ​​ជួល​បុគ្គលិក​​ផ្ទាល់ មួយ​​ណា​ប្រសើរ​ជាង?

ម៉ូដែល​ជាច្រើន​នៅ​ក្នុង​ឧស្សាហកម្ម​សំណង់​បាន​បង្ហាញ​ថា ការម៉ៅការ​បន្ត​​មាន​ភាព​ងាយស្រួល​ជាង​ និង​លឿន​ជាង ប៉ុន្តែ​​គ្រប់​ស្ថានភាព​ទាំងអស់​ត្រូវ​តែ​ធ្វើការ​វិភាគ និង​វាយ​តម្លៃ​ដោយ​ប្រុង​ប្រយ័ត្ន មុន​​ពេល​ធ្វើការ​សម្រេចចិត្ត។ យោងតាមគេហទំព័រ the balance small business ការម៉ៅការ​បន្ត​​ក្នុង​ឧស្សាហកម្ម​សំណង់​គឺ​ជា​វិធីសាស្ត្រ​អាជីវកម្ម ដែល​បាន​ប្រើប្រាស់​​នៅ​ពេល​​ប្រឈម​​នឹង​ស្ថានភាព​ស្មុគស្មាញ។ ថ្វីបើ​វា​​តម្រូវ​ឱ្យ​មាន​​ល័ក្ខខ័ណ្ឌ​​​ច្បាប់​បន្ថែម​​​និង​ការ​ប្រុងប្រយ័ត្ន​មួយ​ចំនួន ប៉ុន្តែ​វា​គឺ​ជា​វិធី​ល្អ​បំផុត​ក្នុង​ការ​គ្រប់គ្រង​ការងារ ដោយ​មិន​ចាំបាច់​បន្ថែម​បុគ្គលិក​ និង​​ចំណាយ​​ប្រចាំ​ថ្ងៃ។ អត្ថប្រយោជន៍​នៃ​​ការម៉ៅការ​បន្ត​៖

  • មាន​ប្រយោជន៍ ​ប្រសិនបើ​វិសាលភាព​គម្រោង​មាន​ទំហំ​ធំ​ពេក​សម្រាប់​អ្នកម៉ៅការ
  • អាច​សល់​ពេលវេលា​ និង​ធនធាន ដែល​​ឱ្យ​អ្នក​អាច​ផ្ដោត​លើ​វឌ្ឍនភាព​​អាជីវកម្ម​សំណង់​របស់​ខ្លួន
  • មាន​ថ្លៃដើម​ទាប​ជាង​​​ជួល​បុគ្គលិក​ពេញ​ម៉ោង
  • ត្រូវ​មាន​កិច្ចសន្យា​​ជាលាយលក្ខណ៍អក្សរ​មួយ ដើម្បី​ធានា​​សេវាកម្ម​ដែល​ត្រូវ​ផ្ដល់​
  • អ្នកម៉ៅការ​បន្ត​​ត្រូវ​ផ្ដល់​ឧបករណ៍​ផ្ទាល់ខ្លួន​
  • កាត់បន្ថយ​ចំណាយ​​ពន្ធ​ប្រាក់បៀវត្សរ៍ និង​អត្ថប្រយោជន៍​ផ្សេងៗ
  • ការ​ទូទាត់​​ប្រាក់​អាច​​ប្រើ​ជា​ឧបករណ៍​មួយ ដើម្បី​ចរចា​​ក្នុង​ការ​បញ្ចប់​ និង​​ការ​ទទួល​ការងារ
  • កិច្ចសន្យា​សាងសង់​អាច​ត្រូវ​បាន​បញ្ចប់​យ៉ាងងាយ
  • អាច​ផ្ដល់​ឱ្យ​អ្នក​នូវ​ចំណេះ​ដឹង​និង​ធនធាន​បន្ថែម
  • ការ​ទទួលខុស​ត្រូវ​ផ្នែក​ច្បាប់​អាច​ត្រូវ​បាន​ផ្ទេរ​ទៅ​ឱ្យ​អ្នក​អនុវត្ត​ការងារ

អវិជ្ជមាន៖

  • បាត់បង់​ការ​គ្រប់គ្រង​លើ​គុណភាព​ និង​​ពេលវេលានៃ​ការងារ
  • អនុវត្ត​​ខុស​កិច្ចសន្យា​​ដែល​អាច​នាំ​ឱ្យ​មាន​ការ​ពិន័យ​ផ្សេងៗ
  • និយោជិត​​​ខ្លះ​អាច​ប្រែជា​មាន​​គំនិត​ឆ្កួតៗថា ពួកគេ​អាច​ត្រូវ​​ជំនួស
  • អ្នកម៉ៅការ​អនុវត្ត​តាម​ក្បួន​ផ្ទាល់​របស់​ខ្លួន ប្រសិនបើ​មិន​បាន​បញ្ជាក់​ជាមុន
  • លក្ខណៈ​វិនិច្ឆ័យ​នៃ​ការ​អនុវត្ត​អាច​មាន​បញ្ហា
  • រារាំង​​ការអភិវឌ្ឍន៍​បុគ្គលិក​ផ្ទាល់​របស់​អ្នក
  • ត្រូវ​ចំណាយ​ពេល​វិភាគ​និង​ពិនិត្យមើល​ការងារ​​របស់​ក្រុមហ៊ុន​ផ្សេងទៀត

ការ​ជួល​បុគ្គលិក​ដោយ​ផ្ទាល់​សម្រាប់​ការងារ​សាងសង់​​​តាម​ទម្លាប់​​ធម្មតា​។ បើ​អ្នក​សម្រេច​​ចិត្ត​ជួល​បុគ្គលិក​ដោយ​ខ្លួនឯង អ្នក​ត្រូវ​ពិចារណា​​ តើ​​រយៈពេល​ប៉ុន្មាន? តម្រូវការ​និង​អត្ថប្រយោជន៍? ការ​ជួល​ដោយ​ផ្ទាល់​អាច​មាន​អត្ថប្រយោជន៍ដូចតទៅ៖

  • ក្រុមហ៊ុន​នឹង​មាន​លទ្ធផល​ភ្លាមៗ
  • និយោជិតនឹង​បន្ត​អនុវត្ត​​នូវ​គំនិត​របស់​អ្នក
  • គោលការណ៍​ត្រូវ​បាន​កំណត់​ដោយ​និយោជក
  • និយោជិត​​អាច​ផ្ដល់​សេវាកម្ម​ជាច្រើន​ និង​បម្រើ​សេវាកម្ម​ផ្នែក​សំណង់​ផ្សេងៗ
  • ការ​ជួល​ដោយ​ផ្ទាល់​អាច​ផ្ដល់​នូវ​លទ្ធផល​ដ៏​អស្ចារ្យ ដែល​ជា​តម្រូវការ​ជាក់លាក់​របស់​ក្រុមហ៊ុន​សាងសង់​របស់​អ្នក
  • និយោជិត​អាច​ត្រូវ​បាន​បណ្ដុះបណ្ដាល ដើម្បី​ធ្វើ​ការងារ​សាងសង់​ឯកទេស​ផ្សេងៗ
  • ការ​គ្រប់គ្រង​គុណភាព​អាច​តាមដាន​យ៉ាង​ដិតដល់
  • ម៉ោង​ធ្វើការ​អាច​ត្រូវ​បាន​កំណត់​ឱ្យ​ប្រសើរ​ឡើង
  • ក្រុមហ៊ុន​មាន​បុគ្គលិក​ គឺ​មើល​ទៅ​ប្រសើរ​ជាង​​ក្រុមហ៊ុន​សំណង់ ដែល​អនុវត្ត​តែ​ជាមួយ​អ្នកម៉ៅការ​បន្ត
  • និយោជិត​​អាច​រក​បាន​​គ្រប់​ពេល
  • ការ​ចំណាយ​សាងសង់​អាច​​​គ្រប់គ្រង​បាន
  • ការ​ជួល​ដោយ​ផ្ទាល់​គួរតែ​​​ប្រើប្រាស់​នៅ​ពេល​ដែល​មាន​ភាព​ស្មោះត្រង់ និង​ទំនាក់ទំនង​យូរអង្វែង

គុណវិបត្តិ៖

  • ​បន្ថែម​ការ​​ចំណាយ​ប្រចាំ​ថ្ងៃ​សម្រាប់​ក្រុមហ៊ុន​​សំណង់​របស់​អ្នក
  • ត្រូវ​មាន​ឧបករណ៍ ​និង​គ្រឿងបរិក្ខារ​គ្រប់គ្រាន់​និង​បន្ថែម
  • និយោជិត​មាន​សិទ្ធិ​ទូលំទូលាយ​ជាង​ នៅ​ពេល​ប្រៀបធៀប​ជាមួយ​អ្នក​ម៉ៅការ​បន្ត
  • តម្រូវ​ឱ្យ​មាន​ការ​បណ្ដុះបណ្ដាល​និង​ធនធាន​បន្ថែម ដែល​​​ធ្វើ​ឲ្យ​កើន​ថ្លៃដើម ប៉ុន្តែ​វា​​ក៏​ផល​វិជ្ជមាន​សម្រាប់​អង្គភាពរបស់​អ្នក​ផងដែរ
  • ពន្ធ​និង​អត្ថប្រយោជន៍​នឹង​ត្រូវ​បាន​បន្ថែម​លើ​​​ប្រាក់បៀវត្សរ៍​បុគ្គលិក​និង​ចំណាយ​ប្រតិបត្តិការ​របស់​អ្នក
  • ពិបាក​​ក្នុង​ការ​វាស់វែង​​ផលិតភាព​និង​គុណភាព៕
អត្ថបទដោយ: Dara