នៅដើមខែកុម្ភៈ ឆ្នាំ២០១៩នេះ ក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញវិញ្ញាបនប័ត្រចុះបញ្ជីជាស្ថាពរ ដល់ក្រុមហ៊ុនវិនិយោគចំនួន៨ ហើយ ដែលមានទុនវិនិយោគសរុបប្រមាណជិត ៥០លានដុល្លារអាមេរិក ក្នុងការបង្កើតរោងចក្រនៅក្នុងប្រទេសកម្ពុជា។
ក្នុងនោះ ក្រុមហ៊ុន៤ ដែលមានទុនវិនិយោគប្រមាណជាង ៣០លានដុល្លារអាមេរិក ត្រូវបាន CDC សម្រេចចេញវិញ្ញាបនប័ត្រចុះបញ្ជីជាស្ថាពរ នៅថ្ងៃទី៧ ខែកុម្ភៈ ២០១៩នេះ។ ចំណែក្រុមហ៊ុន៤ ទៀត ដែលមានទុនវិនិយោគប្រមាណជាង ១៥លានដុល្លារ ត្រូវបាន CDC សម្រេចចេញវិញ្ញាបនប័ត្រចុះបញ្ជីជាស្ថាពរ កាលពីថ្ងៃទី៤ ខែកុម្ភៈ ឆ្នាំ២០១៩។
ក្រុមហ៊ុន៤ ដែលត្រូវបាន CDC សម្រេចចេញវិញ្ញាបនប័ត្រចុះបញ្ជីជាស្ថាពរ នៅថ្ងៃទី៧ ខែកុម្ភៈ ២០១៩នេះ មានដូចជា៖
១- ក្រុមហ៊ុន FASHION HOUSEWARE (CAMBODIA) CO., LTD មានគម្រោងបង្កើតរោងចក្រផលិតសម្ភារៈក្នុងផ្ទះ គ្រឿងតុបតែងក្នុងពិធីបុណ្យណូអែល សម្ភារៈសម្រាប់ម៉ាស៊ីនដេរ និងសម្ភារៈផ្សេងៗទៀត មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ដោយមានទុនវិនិយោគចំនួន ១០លានដុល្លារ។
២- ក្រុមហ៊ុន TUBAO (CAMBODIA) DECORATION MATERIAL CO., LTD មានគម្រោងបង្កើតរោងចក្រផលិតក្តារប៉ាកេ និងក្តារបន្ទះ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ដោយមានទុនវិនិយោគចំនួន ១,៥លានដុល្លារ។
៣- ក្រុមហ៊ុន ZHONGQI LIHUI CABLE CO., LTD មានគម្រោងបង្កើតរោងចក្រផលិតខ្សែភ្លើង និងខ្សែកាប មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសយូ ប៊ី អ៊ី ស្នួល ខេត្តក្រចេះ មានទុនវិនិយោគចំនួន ២០,១លានដុល្លារ។
៤- ក្រុមហ៊ុន WINTIME (CAMBODIA) CO., LTD មានគម្រោងបង្កើតរោងចក្រផលិតដើមណូអែល គ្រឿងលម្អ និងអំពូលភ្លើងលម្អគ្រប់ប្រភេទ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសមេនហាតធេន ខេត្តស្វាយរៀង មានទុនវិនិយោគប្រមាណ ២,៤៣លានដុល្លារ។
ចំណែកក្រុមហ៊ុន៤ ទៀតដែលត្រូវបាន CDC សម្រេចចេញវិញ្ញាបនប័ត្រចុះបញ្ជីជាស្ថាពរ កាលពីថ្ងៃទី៤ ខែកុម្ភៈ ឆ្នាំ២០១៩ មានដូចជា៖
១- ក្រុមហ៊ុន SHINING (CAMBODIA) BELT & BAG CO., LTD មានគម្រោងបង្កើតរោងចក្រផលិតខ្សែក្រវាត់ និងកាបូបគ្រប់ប្រភេទ នៅស្រុកគងពិសី ខេត្តកំពង់ស្ពឺ ដោយមានទុនវិនិយោគប្រមាណ ៣,៣៦លានដុល្លារ។
២- ក្រុមហ៊ុន FIDELITY (CAMBODIA) HANDBAG FACTORY CO., LTD មានគម្រោងបង្កើតរោងចក្រផលិតកាបូបគ្រប់ប្រភេទ នៅសង្កាត់បឹងធំ ខណ្ឌពោធិ៍សែនជ័យ រាជធានីភ្នំពេញ ដោយមានទុនវិនិយោគប្រមាណ ៣,៦០លានដុល្លារ។
៣- ក្រុមហ៊ុន PARTAGE (CAMBODIA) CO., LTD មានគម្រោងបង្កើតរោងចក្រផលិតកាបូបគ្រប់ប្រភេទ នៅ ស្រុងសំរោងទង ខេត្តកំពង់ស្ពឺ ដោយមានទុនវិនិយោគប្រមាណ ៥,៦៨លានដុល្លារ។
៤- ក្រុមហ៊ុន JIN BAO LI (CAMBODIA) CO., LTD មានគម្រោងបង្កើតរោងចក្រផលិតកាបូប និងគ្រឿងបន្សំកាបូបគ្រប់ប្រភេទ នៅសង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ ដោយមានទុនវិនិយោគប្រមាណ ២,៣៧លានដុល្លារ។
គួរបញ្ជាក់ផងដែរថា នៅក្នុងខែមករា ឆ្នាំ២០១៩ ក្រុមប្រឹក្សាអភិវឌ្ឍន៍កម្ពុជា (CDC) បានសម្រេចបានសម្រេចចេញវិញ្ញាបនប័ត្រចុះបញ្ជីជាស្ថាពរ ដល់ក្រុមហ៊ុនវិនិយោគចំនួន១៣ ដែលមានទុនវិនិយោគសរុបប្រមាណ ៧០លានដុល្លារអាមេរិក ក្នុងការបង្កើតរោងចក្រនៅក្នុងប្រទេសកម្ពុជា៕