បើកទំព័រឆ្នាំថ្មី អាណាចក្រជំនួញជីបម៉ុង បើកគម្រោងវិនិយោគធំៗនៅកម្ពុជា
ភ្នំពេញ៖ ក្រុមហ៊ុនពហុអាជីវកម្ម ជីបម៉ុង គ្រុប ដែមានក្រុមហ៊ុនបុត្តសម្ព័ន្ធជាង ១០ក្រុមហ៊ុន វិនិយោគស្ទើរគ្រប់វិស័យ ហើយត្រូវបានគេប្រសិទ្ធិនាមថាជា “អាណាចក្រជំនួញ” នៅកម្ពុជា បានប្រកាសវិនិយោគលើគម្រោងផ្ទួនៗគ្នា មានដូចជាអគារពាណិជ្ជកម្មចម្រុះ ធនាគារពាណិជ្ជ ផ្សារទំនើប និងអគារការិយាល័យរបស់ខ្លួន កាលពីខែមករា នាដើមឆ្នាំ២០១៩នេះ។
បុត្តសម្ព័ន្ធរបស់ក្រុមហ៊ុន ជីប ម៉ុង គឺក្រុមហ៊ុន រ៉ូយាល់ហ្វីល ឌីវេឡុបមិន បានបើកការដ្ឋានសាងសង់អគារពាណិជ្ជកម្មចម្រុះមួយស្ថិតនៅតាមបណ្តោយវិថីសហព័ន្ធរុស្សី ក្បែរស្ពានអាកាស៧ មករា កាលពីថ្ងៃទី១៤ មករាកន្លងទៅនេះ ជាមួយដើមទុនវិនិយោគប្រមាណជាង ១៥០ ដុល្លារអាមេរិក។ អគារពាណិជ្ជកម្មចម្រុះនេះមានកម្ពស់ ៤៥ ជាន់ រួមមានដូចជា សណ្ឋាគារអន្តរជាតិលំដាប់ផ្កាយបី គឺសណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ អគារការិយាល័យទំនើប រោងភាពយន្តខ្នាតធំស្កាយបារ និងផ្សារទំនើបកម្ពស់ ៥ជាន់ ជាដើម។
ពិធីបើកការដ្ឋានសាងសង់អគារពាណិជ្ជកម្មចម្រុះ របស់ក្រុមហ៊ុនជីប ម៉ុង គ្រុប ។ រូបភាព៖ ChipMong Group
ក្រៅពីគម្រោងសាងសង់អគារពាណិជ្ជកម្មចម្រុះ ក្រុមហ៊ុនជីប ម៉ុង បានបោះជំហានថ្មីមួយទៀតក្នុងវិស័យហិរញ្ញវត្ថុ ពោលគឺធនាគារជីប ម៉ុង ខមមើសល ប៊ែង ម.ក ត្រូវបានបើកសម្ពោធកាលពីថ្ងៃទី ២១ មករា ស្ថិតនៅលើមហាវិថីម៉ៅ សេទុង។ ធនាគារនេះនឹងផ្តោតលើការផ្តល់ជូនសេវាកម្មបែបឌីជីថល ដូចជាការទូទាត់សាច់ប្រាច់តារយៈ”បារកូដ” និងការផ្ទេរសាច់ប្រាក់តាមទូរស័ព្ទដៃជាដើម។
របាយការណ៍ស្តីពីទិដ្ឋភាពទីផ្សាអចលនទ្រព្យនៅកម្ពុជារបស់ក្រុមហ៊ុន CBRE ប្រចាំនៅកម្ពុជាបានបង្ហាញថា កំណើននៃការប្រើប្រាស់បច្ចេកវិទ្យាទូទាត់សាច់ប្រាក់នៅកម្ពុជា ក្នុងវិស័យហិរញ្ញវត្ថុ ឬហៅថា Fintech ជាចលករដ៏សំខាន់មួយក្នុងការរួមចំណែកនៃវិស័យលក់រាយនៅកម្ពុជា ពោលគឺបង្កភាពងាយស្រួលដល់អ្នកទិញទំនិញក្នុងផ្សារទំនើប មានសុវត្ថិភាព និងលឿនរហ័សខណៈដែលវត្តមានធនាគារផ្តល់សេវាកម្មបែបឌីជីថលរបស់ក្រុមហ៊ុន ជីប ម៉ុង អាចនឹងរួមចំណែកក្នុងការឆ្លើយតបនៃការអភិវឌ្ឍផ្សារទំនើបរបស់ខ្លួននៅកម្ពុជា។
បើតាមការអះអាងរបស់ក្រុមហ៊ុនជីប ម៉ុង ក្នុងសន្និសីទសារព៌ត៌មានមួយកាលពីថ្ងៃទី ២៣ ខែមករា កន្លងទៅនេះ ផ្សារទំនើបចំនួន២ របស់ក្រុមហ៊ុននឹងបើកដំណើការក្នុងត្រីមាសទី៣ នាឆ្នាំ២០១៩ ហើយបីឆ្នាំខាងមុខទៀត ក្រុមហ៊ុននឹងសាងសង់ផ្សារទំនើបចំនួន៦បន្ថែមទៀតនៅទូទាំងរាជធានីភ្នំពេញ ជាពិសេសក្នុងបរិវេណគម្រោងអភិវឌ្ឍន៍លំនៅឋានរបស់ក្រុមហ៊ុនជីប ម៉ុងលែន។
ម្យ៉ាងវិញទៀត ក្រុមហ៊ុនជីប ម៉ុង ក៏បានទិញយកអគារមជ្ឈមណ្ឌលពាណិជ្ជកម្ម Parkway Square ដើម្បីស្ថាបនាឡើងវិញធ្វើជាការិយាល័យកណ្តាលរបស់ខ្លួន។ អគារ Parkway Squareនេះ ត្រូវបានរុះរើដើម្បីស្ថាបនាឡើងវិញកាលពីចុងឆ្នាំ ២០១៨ ហើយអាចដំណើការនៅខែ មិថុនា ឬខែកក្កដាឆ្នាំ២០១៩នេះ។
គួរជម្រាបថា អាណាចក្រជំនួញជីប ម៉ុង កំពុងប្រតិបត្តិការអាជីវកម្មជាច្រើនវិស័យនៅកម្ពុជាដូចជា ការផ្គត់ផ្គង់សម្ភារសំណង់ ការអភិវឌ្ឍលំនៅឋាន ស្រារបៀរនិងភេសជ្ជៈ ចំណីសត្វឧស្សាហកម្ម សណ្ឋាគារនិងបដិសណ្ឋារកិច្ច ផ្សារទំនើប និងវិស័យហិរញ្ញវត្ថុ៕
អត្ថបទដោយ:
Bunthoeun
ពិធីបើកការដ្ឋានសាងសង់អគារពាណិជ្ជកម្មចម្រុះ របស់ក្រុមហ៊ុនជីប ម៉ុង គ្រុប ។ រូបភាព៖ ChipMong Group
ក្រៅពីគម្រោងសាងសង់អគារពាណិជ្ជកម្មចម្រុះ ក្រុមហ៊ុនជីប ម៉ុង បានបោះជំហានថ្មីមួយទៀតក្នុងវិស័យហិរញ្ញវត្ថុ ពោលគឺធនាគារជីប ម៉ុង ខមមើសល ប៊ែង ម.ក ត្រូវបានបើកសម្ពោធកាលពីថ្ងៃទី ២១ មករា ស្ថិតនៅលើមហាវិថីម៉ៅ សេទុង។ ធនាគារនេះនឹងផ្តោតលើការផ្តល់ជូនសេវាកម្មបែបឌីជីថល ដូចជាការទូទាត់សាច់ប្រាច់តារយៈ”បារកូដ” និងការផ្ទេរសាច់ប្រាក់តាមទូរស័ព្ទដៃជាដើម។
របាយការណ៍ស្តីពីទិដ្ឋភាពទីផ្សាអចលនទ្រព្យនៅកម្ពុជារបស់ក្រុមហ៊ុន CBRE ប្រចាំនៅកម្ពុជាបានបង្ហាញថា កំណើននៃការប្រើប្រាស់បច្ចេកវិទ្យាទូទាត់សាច់ប្រាក់នៅកម្ពុជា ក្នុងវិស័យហិរញ្ញវត្ថុ ឬហៅថា Fintech ជាចលករដ៏សំខាន់មួយក្នុងការរួមចំណែកនៃវិស័យលក់រាយនៅកម្ពុជា ពោលគឺបង្កភាពងាយស្រួលដល់អ្នកទិញទំនិញក្នុងផ្សារទំនើប មានសុវត្ថិភាព និងលឿនរហ័សខណៈដែលវត្តមានធនាគារផ្តល់សេវាកម្មបែបឌីជីថលរបស់ក្រុមហ៊ុន ជីប ម៉ុង អាចនឹងរួមចំណែកក្នុងការឆ្លើយតបនៃការអភិវឌ្ឍផ្សារទំនើបរបស់ខ្លួននៅកម្ពុជា។
បើតាមការអះអាងរបស់ក្រុមហ៊ុនជីប ម៉ុង ក្នុងសន្និសីទសារព៌ត៌មានមួយកាលពីថ្ងៃទី ២៣ ខែមករា កន្លងទៅនេះ ផ្សារទំនើបចំនួន២ របស់ក្រុមហ៊ុននឹងបើកដំណើការក្នុងត្រីមាសទី៣ នាឆ្នាំ២០១៩ ហើយបីឆ្នាំខាងមុខទៀត ក្រុមហ៊ុននឹងសាងសង់ផ្សារទំនើបចំនួន៦បន្ថែមទៀតនៅទូទាំងរាជធានីភ្នំពេញ ជាពិសេសក្នុងបរិវេណគម្រោងអភិវឌ្ឍន៍លំនៅឋានរបស់ក្រុមហ៊ុនជីប ម៉ុងលែន។
ម្យ៉ាងវិញទៀត ក្រុមហ៊ុនជីប ម៉ុង ក៏បានទិញយកអគារមជ្ឈមណ្ឌលពាណិជ្ជកម្ម Parkway Square ដើម្បីស្ថាបនាឡើងវិញធ្វើជាការិយាល័យកណ្តាលរបស់ខ្លួន។ អគារ Parkway Squareនេះ ត្រូវបានរុះរើដើម្បីស្ថាបនាឡើងវិញកាលពីចុងឆ្នាំ ២០១៨ ហើយអាចដំណើការនៅខែ មិថុនា ឬខែកក្កដាឆ្នាំ២០១៩នេះ។
គួរជម្រាបថា អាណាចក្រជំនួញជីប ម៉ុង កំពុងប្រតិបត្តិការអាជីវកម្មជាច្រើនវិស័យនៅកម្ពុជាដូចជា ការផ្គត់ផ្គង់សម្ភារសំណង់ ការអភិវឌ្ឍលំនៅឋាន ស្រារបៀរនិងភេសជ្ជៈ ចំណីសត្វឧស្សាហកម្ម សណ្ឋាគារនិងបដិសណ្ឋារកិច្ច ផ្សារទំនើប និងវិស័យហិរញ្ញវត្ថុ៕
