ទុយោម៉ាក Homso ធានាការប្រើប្រាស់រហូតដល់ ៣០ឆ្នាំ

ទុយោម៉ាក Homso ត្រូវបានធានាថា ធន់នឹងការប្រើប្រាស់​បាន​រហូតដល់ ៣០​ឆ្នាំ​ ដោយសារបច្ចេកវិទ្យាថ្មីនៃការផលិត និងសារធាតុដើមលេខ១ សម្រាប់ផលិតទុយោនេះ។ ទុយោនេះត្រូវបាននាំចូលមកក្នុង​ប្រទេសកម្ពុជា កាលពីដើមឆ្នាំ​២០១៨ កន្លងទៅ។ លោក អ៊ី សុភ័គ្រ​ ប្រធានគ្រប់គ្រងផ្នែកទីផ្សារនៃក្រុមហ៊ុនក្រុមហ៊ុន HLH Build Co,. Ltd និងក្រុមហ៊ុន V-Two K Trading ដែល​ត្រូវបានរួមបញ្ជូលគ្នាតែមួយ កាលពី​ពេល​ថ្មីៗនេះ បាន​បញ្ជាក់​ថា ទុយោម៉ាក Homso មានលក្ខណៈស្វិតខ្លាំង ស្ដើង ស្រាល ធុននឹងការកកិត ធុននឹងសម្ពាធទឹក ងាយស្រួលនឹងការតភ្ជាប់ និងប្រើប្រាស់បានរហូតដល់ ៣០​ឆ្នាំ។ លោកបញ្ជាក់ថា ដោយសារតែទុយោម៉ាក Homso ផលិតតាមបច្ចេកវិទ្យាថ្មី និងសារធាតុដើមលេខ១ ទើបទុយោនេះមានលក្ខណៈស្វិត និងស្រាល ហើយជួយសម្រាលដល់ទម្ងន់ដល់អគារ ក្រោយការតម្លើងរួចរាល់ ជាពិសេសសម្រាប់អគារខ្ពស់ៗ។ ជាងនេះទៅទៀត ការតភ្ជាប់ទុយោម៉ាក Homso មានលក្ខណៈស៊ី និងខាំជាប់គ្នាបានល្អ ដោយសារការតភ្ជាប់តាមវិធីអ៊ុត។ លោក សុភ័គ្រ បន្ដរៀបរាប់​ថា ក្រុមហ៊ុន HLH Build Co,. Ltd ​ផ្គត់ផ្គង់ និងចែកចាយទុយោម៉ាក Homso គ្រប់ប្រភេទ និងទំហំ ដែលផ្ដល់ភាពងាយស្រួល​សម្រាប់អតិថិជនធ្វើការជ្រើសរើស។ ក្នុង​នោះ មាន​ទាំងទុយោសម្រាប់​ប្រើប្រាស់​ជាមួយ​ទឹកត្រជាក់ ទឹកក្ដៅ ទឹកស្អាត ទឹកកខ្វក់ និង​បំពង់ទុយោសម្រាប់​ស្រោបខ្សែភ្លើង រួមជាមួយបំពង់ទុយោទឹកធំៗដែល​ប្រើប្រាស់សម្រាប់ចែកចាយទឹកតាមបណ្ដាញទឹករបស់រដ្ឋផងដែរ។ លោក​បញ្ជាក់​ថា សម្រាប់​ការ​តម្លើង និង​ការ​តភ្ជាប់ទុយោ មានវិធី២ គឺ​អាច​បិទកាវក៏បាន ឫ អាច​អ៊ុតក៏បាន។ ជាមួយគ្នានេះ ក្រុមហ៊ុន​ក៏មានឧបករណ៍តភ្ជាប់គ្រប់ប្រភេទតាមតម្រូវការអគារ ដូចជាកែង តេ បត់ និងពត់ជាដើម។ លោក សុភ័គ្រ រៀបរាប់បន្ដទៀត​ថា ដោយសារ​គុណភាពខ្ពស់ និង​តម្លៃសមរម្យ បច្ចុប្បន្ននេះ ទុយោម៉ាក Homso កំពុង​ត្រូវ​បាន​ទទួល​ការ​ជឿជាក់ ទំនុកចិត្ត និង​ការ​កាម្ម៉ង់ជាបន្តបន្ទាប់ពី​អតិថិជន អ្នកម៉ៅការសំណង់ និងជាងសំណង់នៅទូទាំង​ប្រទេស​កម្ពុជា ជាពិសេសនៅ​ក្នុង​រាជធានីភ្នំពេញ។ គួរបញ្ជាក់ថា បច្ចុប្បន្ននេះ ក្រុមហ៊ុន HLH Build មានការផ្គត់ផ្គត់ផលិតផលគ្រឿងសំណង់ល្បីជាច្រើន ដូចជា ទុយោទឹកម៉ាក Homso កុងតាក់ម៉ាក Feidiao ឌីហ្សុងទ័រម៉ាក Nader និងផលិតផលសំណង់ជាច្រើនម៉ាកទៀត។ ចំណែកក្រុមហ៊ុន V Two K Trading មានការផ្គត់ផ្គង់ផលិតផលការពារជម្រាបទឹកម៉ាក Lanko និង Davco ដែលនាំមកពីប្រទេសបារាំង៕