គំរូប្លង់ទីស្នាក់ការក្រុមហ៊ុន Apple បានដាក់បង្ហាញហើយ
យោងតាមគេហទំព័រ Dezeen ប្លង់ទំហំ១,៧៦ម៉ែត្រការ៉េ និងទម្ងន់៣៥គីឡូ របស់ Lego Apple Park បានដាក់បង្ហាញជាផ្លូវការហើយ ដែលមានទំហំ៧១ហិកតា ដែលស្ថិតនៅតំបន់ Santa Clara Valley នៃរដ្ឋកាលីហ្វ័រញ៉ា ក្នុងមាត្រដ្ឋានពិត១/៦៥០។ ក្នុងគំរូប្លង់នេះ រួមមានទីស្នាក់ការកណ្ដាលរាងមូល Apple's Foster + Partners រោងកុន Steve Jobs មជ្ឈមណ្ឌលអប់រំកាយ និងតំបន់ធំព័ន្ធជុំវិញ ដោយមានឥដ្ឋតូចៗចំនួន ៨៥.០០០ដុំ ជាមួយនឹងដើមឈើចំនួន១.៦៤៧ដើម។ វាត្រូវបានបញ្ចប់កាលពីខែមុន បន្ទាប់ពីគម្រោងរយៈពេលពីរឆ្នាំ ដោយវិស្វករយានយន្ត លោក Spencer Rezkalla ដែលបានធ្វើការកែប្រែមួយចំនួនក្នុងប្លង់ស្ថាបត្យកម្ម ដោយប្រើឥតប្លាស្ទិក។ វាគឺជាទីស្នាក់ការកណ្ដាលរបស់ក្រុមហ៊ុនដ៏គួរឱ្យចាប់អារម្មណ៍បំផុតនៅក្នុងពិភពលោក ដែលផ្ដួចផ្ដើមឡើងដោយសហស្ថាបនិកក្រុមហ៊ុន Apple លោកស្ទីវ ចប និងបានបើកដំណើរការនៅឆ្នាំ២០១៧ បន្ទាប់ពីការសាងសង់អស់រយៈពេល៤ឆ្នាំ។ ការចំណាយសម្រាប់អគាររាងមូលនេះមានចំនួនប្រហែល៥ពាន់លានដុល្លារ។ Lego Apple Park កំពុងសាងសង់ដោយក្រុមហ៊ុន Rezkalla ចាប់តាំងពីខែមិថុនា ឆ្នាំ២០១៦ រួមមានស្តង់កញ្ចក់តូចមួយ ដែលមានផ្លូវក្រោមដីទៅរោងមហោស្រព Steve Jobs Theater និងចំណត់ពីរកន្លែងគែមរាងមូល និងដំបូលសូឡារ។ ក៏បង្ហាញដែរថា មានហាងកាហ្វេធំមួយ ទ្វាកញ្ចក់កម្ពស់៤ជាន់ ដែលបើកចំហទៅខាងក្រៅ និងអគារប្រវត្តិសាស្ត្រ Glendenning Barn បានកសាងនៅឆ្នាំ១៩១៦ ដែលកាលណោះជាកសិដ្ឋាន។ ផ្នែកលម្អិតផ្សេងទៀតរួមមានស្រះរាងជារង្វង់ និងផ្លូវ ដែលមានខ្យល់ធម្មជាតិ និងទេសភាពស្រស់ស្អាត។ ទីស្នាក់ការកណ្ដាលនេះបើកស្វាគមន៍បុគ្គលិករបស់ខ្លួន ក្នុងខែកក្កដា ឆ្នាំ២០១៧ ហើយត្រូវបានរិះគន់យ៉ាងខ្លាំង អំពីលក្ខណចម្លែករបស់វា ដែលបានអះអាងថា អគារធំពេក និងសូម្បីតែបុគ្គលិកក្រុមហ៊ុន Apple ក៏បានបះបោរមិនចូលទៅធ្វើការក្នុងការិយាល័យនេះដែរ។ ប៉ុន្មានខែក្រោយមក ប្រធានគូសប្លង់របស់ក្រុមហ៊ុន Apple លោក Jonathan Ive បានការពាររចនាបថនេះ ដែលត្រូវបានអភិវឌ្ឍដោយក្រុមហ៊ុនស្ថាបត្យកម្មអង់គ្លេស Foster + Partners ។