វិស័យសំណង់ស្រូបយកទុនវិនិយោគជិត៥ពាន់លានដុល្លារ រយៈពេល៩ខែឆ្នាំ២០១៨
ក្នុងរយៈពេល ៩ខែ ឆ្នាំ២០១៨នេះ កម្ពុជាបានអនុម័តលើគម្រោងសាងសង់សរុបចំនួន ២៥៤១ គម្រោង ជាមួយនឹងទុន វិនិយោគសរុបជិត ៥ពាន់លានដុល្លារ ខណៈវិនិយោគិនចិនឈរនៅលំដាប់លេខ១ នេះបើតាមរបាយការណ៍ដែលប្រកាសដោយ ក្រសួង រៀបចំដែនដី នគរូបនីយកម្ម និង សំណង់។
ថ្លែងនៅក្នុងសន្និសិទសារព័ត៍មានស្តីពីវឌ្ឍនភាពនៃវិស័យសំណង់នៅកម្ពុជា កាលពីព្រឹកថ្ងៃទី១៧ ខែតុលានេះ ឯកឧត្តម ឡៅ ទិព្វសីហា រដ្ឋលេខាធិការ នៃក្រសួងរៀបចំដែនដី នគរូបនីយកម្ម និង សំណង់ បានបញ្ជាក់ថា គិតត្រឹមត្រីមាសទី៣ ក្នុងឆ្នាំ២០១៨នេះ អាជ្ញាធរថ្នាក់ជាតិ និង រាជធានីខេត្ត ចំណុះក្រសួង រៀបចំដែនដី នគរូបនីយកម្ម និង សំណង់ បានចេញលិខិតអនុញ្ញាតសាងសង់ឲ្យគម្រោងសរុបចំនួន ២៥៤២ ដែលមានផ្ទៃក្រឡាសាងសង់សរុបជាង ១០លានម៉ែត្រការ៉េ ជាមួយនឹងទុនវិនិយោគ ៤៨២០ លានដុល្លារ។
នៅក្នុងរយៈពេលដដែលនេះ អាជ្ញាធរបានអនុម័តគម្រោងវិនិយោគរបស់បរទេសចំនួន ៣៣គម្រោង លើផ្ទៃក្រឡាជាង ១លានម៉ែត្រការ៉េ ដែលមានតម្លៃវិនិយោគទុនសរុបប្រមាណជា ៤៨៤ លានដុល្លារ ខណៈគម្រោងរបស់ប្រទេសចិនឈរលំដាប់ទី១។
នៅក្នុងចំណោមគម្រោងសាងសង់ទាំងនេះ ក្រសួងក៏បានចេញលិខិតអនុញ្ញាតសាងសង់ ឲ្យគម្រោងសាងសង់ បុរីលំនៅឋាន ចំនួន ៤១ ទីតាំង ដែលគិតមកដល់បច្ចុប្បន្ននេះ កម្ពុជាមានគម្រោងបុរីសរុបចំនួន ២២៨ ទីតាំង មានអ្នកស្នាក់នៅពី ៦៥ ទៅ៧៥% ដែលបានស្នាក់នៅក្នុងបុរីលំនៅឋាន។
របាយការណ៍ដដែលបានឲ្យដឹងថា សំណង់ដែលទទួលបានលិខិតអនុញ្ញាតសាងសង់ទាំងនេះ មានអគារកំពស់ចាប់ពី ៥ ជាន់ឡើងទៅចំនួន ៩២ អគារ ហើយបើគិតចាប់ពីឆ្នាំ ២០១៥ រហូតមកដល់បច្ចុន្នប្ប កម្ពុជាមានអគារដែលមានកម្ពស់ខ្ពស់ជាង៥ជាន់ ចំនួន ១០៨៤ អគារ។ លោកបានគូសបញ្ជាក់ថា តំបន់នៅកណ្តាលក្រុងមានភាពរីកចម្រើនលើសំណង់ខ្ពស់ៗ ចំណែកឯជាយក្រុងមាននិន្នាការជាសំណង់លំនៅឋាន។
ក្នុងរយៈពេល ៩ខែ ឆ្នាំនេះ រាជធានីភ្នំពេញ ទទួលបានគម្រោងសាងសង់ចំនួន ៧៧៧ គម្រោង ដែលមានទុនវិនិយោគសរុបជា ១,៥ ពាន់លានដុល្លារអាមេរិក។
ដោយឡែកក្នុងរយៈពេល៩ខែនេះ ក្រសួងរៀបចំដែនដី នគរូបនីយកម្ម និងសំណង់ បានចុះបញ្ជីក្រុមហ៊ុនសិក្សាគម្រោងប្លង់ និងសាងសង់ នៅមានសុពលភាពសរុបចំនួន ១០៧០ក្រុមហ៊ុន ដែលក្នុងនោះក្រុមហ៊ុនសិក្សាគម្រោងប្លង់ មាន ៤២ក្រុមហ៊ុន និង ក្រុមហ៊ុនសាងសង់មាន១០២៨ក្រុមហ៊ុន ខណៈដែលក្រុមហ៊ុនសិក្សាគម្រោងប្លង់ មកពីបរទេសដែលនៅមានសុពលភាពនៅឡើយ មានចំនួន៣៦៦ក្រុមហ៊ុន។ ក្រសួងក៏បានចុះបញ្ជីរូបវន្តបុគ្គលសិក្សាគម្រោងប្លង់ស្ថាបត្យកម្ម ក៏ដូចជាប្លង់គ្រឿងផ្គុំសំណង់ ដែលមានចំនួន១៤០នាក់។ នៅក្នុងនោះមានស្ថាបត្យករចំនួន ៨៦រូប ដែលរួមមានជនបរទេស ៣រូប និងមានវិស្វករ ៤៦រូប និងមានបរទេស១រូប។
ឯកឧត្តម ឡៅ ទិព្វសីហា បានបញ្ជាក់ថា រយៈពេល៩ខែ ឆ្នាំ២០១៨នេះ គណៈស្ថាបត្យករកម្ពុជា បានដំណើរការចុះបញ្ជីរូបវ័ន្តបុគ្គលបាន៥៧រូប និងមានបរទេសចំនួន២រូប។ គិតចាប់ពីឆ្នាំ២០១៤ រហូតមកដល់៩ខែ ឆ្នាំ២០១៨នេះ គណៈស្ថាបត្យករកម្ពុជា បានចុះបញ្ជីសវនករបានចំនួន ៧១៣រូប។
វិស័យសំណង់បានស្រូបយកកម្លាំងពលកម្មពី ២០ម៉ឺន ទៅ ២២ម៉ឺននាក់ក្នុងមួយថ្ងៃ។ ក្នុងនោះលោកបានបញ្ជាក់ថា កម្មករមិនមានជំនាញអាចទទួលបានប្រាក់កម្រៃពី ៣៥,០០០រៀល ទៅ ៤០,០០០រៀល ក្នុងមួយថ្ងៃ កម្មករជំនាញតិចអាចទទួលបានពី ៥០,០០០រៀល ដល់ ៥៥,០០០រៀល ហើយកម្មករជំនាញទទួលបានកម្រៃចាប់ពី ៤៥០ដុល្លារឡើងទៅ។
ស្រុបពេលដែលមានលំហូរចូលនៃគម្រោងសាងសង់របស់ចិន រួមជាមួយនឹងកម្មកររបស់ចិន ចូលមកកម្ពុជា ឯកឧត្តម មានសុទិដ្ឋិនិយមថា លំហូរចូលនៃកម្មករចិនចូលក្នុងវិស័យសំណង់កម្ពុជា នឹងធ្វើឱ្យប្រទេសទាំងពីរបានផ្លាស់ប្តូរបទពិសោធន៍ការងារជាមួយគ្នា ជាពិសេសកម្ពុជានឹងទទួលបានបទពិសោធន៍ការងារខាងសំណង់ពីក្រៅប្រទេស ខណៈបច្ចុប្បន្ន វិស្វករជំនាញៗក្នុងស្រុកកំពុងតែមានតម្រូវការ។
គួររំឭកដែរថា កាលពីឆ្នាំ២០១៧ កម្ពុជាអនុម័តលើគម្រោងសាងសង់ជាង ៣,០០០គម្រោង ដែលមានផ្ទៃក្រឡាជាង ១០លានម៉ែត្រការ៉េ និង មានតម្លៃទុនវិនិយោគជាង ៦ពាន់លានដុល្លារ៕
អត្ថបទដោយ:
Sreyluch
នៅក្នុងរយៈពេលដដែលនេះ អាជ្ញាធរបានអនុម័តគម្រោងវិនិយោគរបស់បរទេសចំនួន ៣៣គម្រោង លើផ្ទៃក្រឡាជាង ១លានម៉ែត្រការ៉េ ដែលមានតម្លៃវិនិយោគទុនសរុបប្រមាណជា ៤៨៤ លានដុល្លារ ខណៈគម្រោងរបស់ប្រទេសចិនឈរលំដាប់ទី១។
នៅក្នុងចំណោមគម្រោងសាងសង់ទាំងនេះ ក្រសួងក៏បានចេញលិខិតអនុញ្ញាតសាងសង់ ឲ្យគម្រោងសាងសង់ បុរីលំនៅឋាន ចំនួន ៤១ ទីតាំង ដែលគិតមកដល់បច្ចុប្បន្ននេះ កម្ពុជាមានគម្រោងបុរីសរុបចំនួន ២២៨ ទីតាំង មានអ្នកស្នាក់នៅពី ៦៥ ទៅ៧៥% ដែលបានស្នាក់នៅក្នុងបុរីលំនៅឋាន។
របាយការណ៍ដដែលបានឲ្យដឹងថា សំណង់ដែលទទួលបានលិខិតអនុញ្ញាតសាងសង់ទាំងនេះ មានអគារកំពស់ចាប់ពី ៥ ជាន់ឡើងទៅចំនួន ៩២ អគារ ហើយបើគិតចាប់ពីឆ្នាំ ២០១៥ រហូតមកដល់បច្ចុន្នប្ប កម្ពុជាមានអគារដែលមានកម្ពស់ខ្ពស់ជាង៥ជាន់ ចំនួន ១០៨៤ អគារ។ លោកបានគូសបញ្ជាក់ថា តំបន់នៅកណ្តាលក្រុងមានភាពរីកចម្រើនលើសំណង់ខ្ពស់ៗ ចំណែកឯជាយក្រុងមាននិន្នាការជាសំណង់លំនៅឋាន។
ក្នុងរយៈពេល ៩ខែ ឆ្នាំនេះ រាជធានីភ្នំពេញ ទទួលបានគម្រោងសាងសង់ចំនួន ៧៧៧ គម្រោង ដែលមានទុនវិនិយោគសរុបជា ១,៥ ពាន់លានដុល្លារអាមេរិក។
ដោយឡែកក្នុងរយៈពេល៩ខែនេះ ក្រសួងរៀបចំដែនដី នគរូបនីយកម្ម និងសំណង់ បានចុះបញ្ជីក្រុមហ៊ុនសិក្សាគម្រោងប្លង់ និងសាងសង់ នៅមានសុពលភាពសរុបចំនួន ១០៧០ក្រុមហ៊ុន ដែលក្នុងនោះក្រុមហ៊ុនសិក្សាគម្រោងប្លង់ មាន ៤២ក្រុមហ៊ុន និង ក្រុមហ៊ុនសាងសង់មាន១០២៨ក្រុមហ៊ុន ខណៈដែលក្រុមហ៊ុនសិក្សាគម្រោងប្លង់ មកពីបរទេសដែលនៅមានសុពលភាពនៅឡើយ មានចំនួន៣៦៦ក្រុមហ៊ុន។ ក្រសួងក៏បានចុះបញ្ជីរូបវន្តបុគ្គលសិក្សាគម្រោងប្លង់ស្ថាបត្យកម្ម ក៏ដូចជាប្លង់គ្រឿងផ្គុំសំណង់ ដែលមានចំនួន១៤០នាក់។ នៅក្នុងនោះមានស្ថាបត្យករចំនួន ៨៦រូប ដែលរួមមានជនបរទេស ៣រូប និងមានវិស្វករ ៤៦រូប និងមានបរទេស១រូប។
ឯកឧត្តម ឡៅ ទិព្វសីហា បានបញ្ជាក់ថា រយៈពេល៩ខែ ឆ្នាំ២០១៨នេះ គណៈស្ថាបត្យករកម្ពុជា បានដំណើរការចុះបញ្ជីរូបវ័ន្តបុគ្គលបាន៥៧រូប និងមានបរទេសចំនួន២រូប។ គិតចាប់ពីឆ្នាំ២០១៤ រហូតមកដល់៩ខែ ឆ្នាំ២០១៨នេះ គណៈស្ថាបត្យករកម្ពុជា បានចុះបញ្ជីសវនករបានចំនួន ៧១៣រូប។
វិស័យសំណង់បានស្រូបយកកម្លាំងពលកម្មពី ២០ម៉ឺន ទៅ ២២ម៉ឺននាក់ក្នុងមួយថ្ងៃ។ ក្នុងនោះលោកបានបញ្ជាក់ថា កម្មករមិនមានជំនាញអាចទទួលបានប្រាក់កម្រៃពី ៣៥,០០០រៀល ទៅ ៤០,០០០រៀល ក្នុងមួយថ្ងៃ កម្មករជំនាញតិចអាចទទួលបានពី ៥០,០០០រៀល ដល់ ៥៥,០០០រៀល ហើយកម្មករជំនាញទទួលបានកម្រៃចាប់ពី ៤៥០ដុល្លារឡើងទៅ។
ស្រុបពេលដែលមានលំហូរចូលនៃគម្រោងសាងសង់របស់ចិន រួមជាមួយនឹងកម្មកររបស់ចិន ចូលមកកម្ពុជា ឯកឧត្តម មានសុទិដ្ឋិនិយមថា លំហូរចូលនៃកម្មករចិនចូលក្នុងវិស័យសំណង់កម្ពុជា នឹងធ្វើឱ្យប្រទេសទាំងពីរបានផ្លាស់ប្តូរបទពិសោធន៍ការងារជាមួយគ្នា ជាពិសេសកម្ពុជានឹងទទួលបានបទពិសោធន៍ការងារខាងសំណង់ពីក្រៅប្រទេស ខណៈបច្ចុប្បន្ន វិស្វករជំនាញៗក្នុងស្រុកកំពុងតែមានតម្រូវការ។
គួររំឭកដែរថា កាលពីឆ្នាំ២០១៧ កម្ពុជាអនុម័តលើគម្រោងសាងសង់ជាង ៣,០០០គម្រោង ដែលមានផ្ទៃក្រឡាជាង ១០លានម៉ែត្រការ៉េ និង មានតម្លៃទុនវិនិយោគជាង ៦ពាន់លានដុល្លារ៕
