Concrete Block ផ្តល់អត្ថប្រយោជន៍អ្វីខ្លះ ដល់សំណង់អគារ?
ភ្នំពេញ៖ ការប្រើប្រាស់ Concrete Block ឬឥដ្ឋបេតុង កំពុងពេញនិយមចំពោះសំណង់គ្រប់ប្រភេទ ព្រោះវាមានគុណភាព រឹងមាំ ធន់នឹងហានិភ័យនានា ចំណេញកម្លាំងពលកម្ម និងពេលវេលា ពី ៤០% ទៅ ៥០% បើធៀបទៅនឹងឥដ្ឋក្រហម។
លោក ADIL ANTAR ជានាយកប្រតិបត្តិនៃក្រុមហ៊ុន France Batiment Industrie បានបង្ហាញថា Concrete Block ជាប្រភេទឥដ្ឋបេតុង ដែលមានគុណភាពខ្ពស់ ផលិតចេញពីស៊ីម៉ងត៍។
វាត្រូវបានគេប្រើប្រាស់សម្រាប់សាងសង់សំណង់អគារនានា ដែលផ្តល់នូវភាពងាយស្រួល ចំណេញបេលវេលា ថវិការ និងកម្លាំងពលកម្ម។ ឥដ្ឋបេតុងនេះ (Concrete Block) អាចជួយឱ្យជញ្ជាំងអគារមានភាពរឹងមាំ ហើយ សាងសង់បានយ៉ាងឆាប់រហ័សនិងមានអាយុកាលយូរអង្វែង។
អ្វីដែលពិសេសជាងនោះ ឥដ្ឋស៊ីម៉ងត៍នេះ ធន់ទៅនឹងភ្លើងឆេះ ដែលអាចរក្សាហានិភ័យបានយូរជាងឥដ្ឋក្រហម ពោលគឺមិនងាយបាក់ប្រេះពេលមានភ្លើងឆេះអគារនោះទេ។
លោកANTARថា៖« ការប្រើប្រាស់ឥដ្ឋបេតុងនេះ បើគិតទៅលើពេលវេលានៃសាងសង់ វាចំណេញរហូតដល់ទៅ ៤០ ទៅ ៥០ភាគរយ បើធៀបជាមួយនឹងឥដ្ឋក្រហម ដោយសារវាមានទំហំធំពី១៩ ទៅ ៣៩សង់ទីម៉ែត្រ និងងាយស្រួលក្នុងការដំឡើងជាជញ្ជាំងអគារ»។
លោកពន្យល់ថា មូលហេតុដែលយើងគួរប្រើឥដ្ឋបេតុងនេះ ដោយសារវាអាចជួយឱ្យអគាររបស់យើងរឹងមាំ មានភាពងាយស្រួល និងឆាប់រហ័ស ក្នុងការរៀបជញ្ជាំងឡើង អាចរក្សាសំណង់អគារបានយូរអង្វែង ការពារអគ្គីភ័យ ចំណេញពេលវេលា ដែលអាចប្រើប្រាស់លើគ្រប់សំណង់អគារ ដូចជា ផ្ទះ ខុនដូ ផ្សារទំនើប របងផ្ទះ សួនច្បារ ខឿនផ្លូវជាដើម។ល។
គួរបញ្ជាក់ថា ក្រុមហ៊ុន France Batiment Industrie គឺជាក្រុមហ៊ុន ដែលបានបង្កើតឡើងនៅឆ្នាំ២០១៥ សម្រាប់ធ្វើការងារនៅក្នុងវិស័យសំណង់ស្របតាមស្តង់ដារបច្ចេកទេសរបស់បារាំង ដោយមានសេវាទទួលគ្រប់គម្រោងសាងសង់ទាំងអស់នៅកម្ពុជា រួមមាន ហាង វីឡាកូនកាត់ ខុនដូ និងមានទទួលសាងសង់នូវគម្រោងបុរីធំៗជាច្រើន។
បច្ចុប្បន្ន ក្រុមហ៊ុន France Batiment Industrie មានរោងចក្រផ្ទាល់ខ្លួនចំនួន ៣ ក្នុងការផលិតនូវការ៉ូឡា (Paver Block) និងឥដ្ឋបេតុង (Concrete Block) ប្រកបដោយស្តង់ដារ និងគុណភាពខ្ពស់ សម្រាប់ផ្គត់ផ្គង់លើគម្រោងសាងសង់ និងសម្រាប់អតិថិជននៅលើទីផ្សារ៕
សម្រាប់ព័ត៍មានទំនាក់ទំនង៖ 098 668 007 / 099 668 007
E-mail: [email protected]
