(រូបភាព៖ Fresh News)
នាពេលថ្មីៗនេះ ក្រសួងសេដ្ឋកិច្ច និងហិរញ្ញវត្ថុ ធនាគារអាហរ័ណ-នីហរ័ណរបស់ចិន បានចុះកិច្ចព្រមពៀងជាមួយកម្ពុជាលើគម្រោងសាងសង់ផ្លូវក្រវាត់ក្រុងទី ៣ ដែលមានឥណទានសម្បទាននូវទឹកប្រាក់ចំនួន ២៥៩ លានដុល្លារអាមេរិក។ នេះបើយោងតាមទីភ្នាក់ងារសារព័ត៏មានបានចេញផ្សាយ។
គម្រោងសាងសង់ផ្លូវក្រវាត់ក្រុងទី ៣ នេះ នឹងធើ្វឡើងនាពេលខាងមុខនេះ ដែលមានប្រវែងសរុប ៤៧.៦ គីឡូម៉ែត្រ ប្រភេទផ្លូវ ៤ គន្លង ទទឹង ២៥ ម៉ែត្រ រីឯផ្លូវរថយន្តមាន ៤ គន្លង ទទឹង ៣.៥០ ម៉ែត្រក្នុងមួយគន្លង និងផ្លូវទោចក្រយានយន្ត ២ គន្លង ទទឹង ២,២៥ ម៉ែត្រក្នុងមួយគន្លង។
គម្រោងផ្លូវក្រវាត់ក្រុងទី ៣ នេះ គឺចាប់ពីផ្លូវជាតិលេខ ៤ ម្តុំអូរដឹម ត្រង់គីឡូម៉ែត្រលេខ ១៤+១០៥ ទៅចំណុចបញ្ចប់ភ្ជាប់នឹងផ្លូវជាតិលេខ ១ ត្រង់គីឡូម៉ែត្រលេខ ២៤+៨៤០ ដោយត្រូវកាត់ផ្លូវជាតិលេខ ៣ ត្រង់ចំណុចគីឡូម៉ែត្រលេខ ២១+២០០ កាត់ផ្លូវជាតិលេខ ២ ត្រង់ចំណុចគីឡូម៉ែត្រលេខ ២២+៨០០ និងកាត់ផ្លូវជាតិលេខ ២១ ត្រង់ចំណុចគីឡូម៉ែត្រលេខ ១៨+៤០០ និងផ្លូវខ្នែងប្រវែង ៥,៣៧៥ គីឡូម៉ែត្រផងដែរ។
គួរបញ្ចាក់ដែរថា ផ្លូវក្រវាត់ទី ៣ នេះ មានសារ:សំខាន់យ៉ាងច្រើនដល់កម្ពុជាក្នុងការរួមចំណែកសម្រួលដល់ចរាចណ៍ និងជួយអនុវត្តគោលដៅនយោបាយនៃការអភិវឌ្ឍន៍ខាងឧស្សាហកម្មនៅកម្ពុជាឲ្យមានការរីកចំរើនកាន់តែខ្លាំងផងដែរ។
សូបបញ្ចាក់ថា គម្រោងសាងសង់ផ្លូវក្រវាត់ក្រុងទី ៣ រវាងកម្ពុជា-ចិន ដែលទើបនឹងបានចុះកិច្ចព្រមពៀងនេះ គឺជាគម្រោងដ៏ថ្មីស្រឡាងមួយទៀតរវាងប្រទេសទាំង ២៕
(រូបភាព៖ នរគធំ)
(រូ
បភាព៖ កោះសន្តិភាព)
