យោងតាមសារព័ត៌មានក្នុងស្រុកមួយបានឲ្យដឹងថា ផ្លូវលេខ ៥៥ តភ្ជាប់ពីផ្លូវជាតិលេខ ៥ ខ្វាត់ខ្វែងតាមជើងភ្នំ ពីទីរួមខេត្តពោធិ៍សាត់ ទៅកាន់ច្រកព្រំដែនថ្មដា ជាប់ខេត្តត្រាត ប្រទេសថៃ ដែលមានប្រវែងជាង ១៨១ គីឡូម៉ែត្រ និងទទឹងប្រវែង ៩ ម៉េត្រ ចែកចេញជា ២ គន្លង ត្រូវបានសាងសង់ជិតរួចរាល់ហើយ។
ជាការពិតណាស់ ផ្លូវនេះឆ្ពោះពីខេត្តពោធិ៍សាត់ កាត់តាមស្រុកក្រវាញ ស្រុកវាលវែង រហូតដល់ស្រុកថ្មបាំង ព្រំដែនកម្ពុជា-ថៃ។
ដោយឡែក ប្រជាពលរដ្ឋនៅតាមបណ្ដាខេត្តមួយចំនួនដូចជា ខេត្តប៉ៃលិន ពោធិ៍សាត់ បន្ទាយមានជ័យ ឧត្តរមានជ័យ និងសៀមរាប អាចធ្វើដំណើរទៅខេត្ត កោះកុង ដោយមិនចាំបាច់ឆ្លងកាត់រាជធានីភ្នំពេញដូចមុនទៀតឡើយ។
គួរបញ្ចាក់ផងដែរថា ការសាងសង់ផ្លូវនេះ មានសារៈសំខាន់បំផុតសម្រាប់តំបន់ភាគខាងលិចនៃ ប្រទេសកម្ពុជា ព្រោះជួយឲ្យប្រជាជនក្នុងតំបន់មានជីវភាពខ្ពស់ បង្កើនល្បឿននៃការអភិវឌ្ឍន៍វិស័យទេសចរណ៍ និងការកែលម្អកម្រិតនៃការដឹកជញ្ជូនក្នុងខេត្តពោធិ៍សាត់ឲ្យកាន់តែប្រសើរឡើងថែមទៀត។
សូមបញ្ចាក់ថា អ្នកឆ្លងកាត់ផ្លូវនេះ ត្រូវបើកបរក្នុងល្បឿន 30 គីឡូម៉ែត្រ/ ម៉ោងតែប៉ុណ្ណោះ៕
(រូបភាព៖ ខ្មែរប៉ុស្តិ័)
(រូបភាព៖ គេហទំព័រខ្លីៗ)
(រូបភាព៖ Sabay)
(រូបភាព៖ Google)
(រូបភាព៖ Fresh News)
