(មានវីដេអូ) ប្រទេសឥណ្ឌា សាងសង់រូបសំណាកធំជាងគេបំផុតនៅលើពិភពលោក
ជារឿងថ្មីមួយសម្រាប់ប្រទេសឥណ្ឌា រូបសំណាកដ៏ធំបំផុតនៅលើពិភពលោកកំពុងដំណើរការសាងសង់ស្ថិតក្នុងប្រទេសនេះ។ យោងតាមប្រភពព័ត៌មាន Daily Mail បានឱ្យដឹងថា រូបសំណាកមហិមារដែលកំពុងសាងសង់ ត្រូវបានគេស្គាល់ឈ្មោះថា Statue of Unity ដែលមានតម្លៃប្រមាណ ៣២០លានដុល្លារអាមេរិច។
សំណង់មួយនេះមានកម្ពស់ ១៨២ម៉ែត្ររចនាឡើងដោយស្ថាបត្យករ Joseph Menna ចាប់ផ្តើមសាងសង់កាលពីថ្ងៃទី ១៣ ខែតុលា ឆ្នាំ ២០១៣ នឹងបញ្ចប់ការសាងសង់នៅអំឡុងខែ តុលា ក្នុងឆ្នាំ ២០១៨នេះ។
តាមការប្រៀបធៀបរូបសំណាកដ៏ធំនេះជាមួយនឹងរូបសំណាក់ធំៗជុំវិញពិភពលោកដទៃទៀត គេសង្កេតឃើញថា Statue of Unity មានកម្ពស់ខ្ពស់ជាងរូបសំណាក Statue of Liberty របស់សហរដ្ឋអាមេរិកដល់ទៅ ២ដង និងខ្ពស់ជាងរូបសំណាកព្រះពុទ្ធ Spring Temple Buddha នៅក្នុងប្រទេសចិនជិត ៣០ ម៉ែត្រ។
គួរបញ្ជាក់ផងដែរ រូបសំណាកខ្ពស់បំផុតនៅលើពិភពលោកនេះត្រូវបានសាងសង់ឡើងនៅកោះ Sadhu Island នៃរដ្ឋ Gujarat ប្រទេសឥណ្ឌា ព័ទ្ធជុំវិញដោយទឹកទន្លេ Narmada ៕
អត្ថបទដោយ:
Medikan