ធ្វើយ៉ាងម៉េចដើម្បីទទួលបានទិដ្ឋាការទៅរស់នៅ សិក្សានិងវិនិយោគនៅបរទេសបានលឿន?

ធ្វើយ៉ាងម៉េចដើម្បីទទួលបានទិដ្ឋាការទៅរស់នៅ សិក្សានិងវិនិយោគនៅបរទេសបានលឿន?

ក្រុមហ៊ុន Australian Investment Asia នឹងរៀបចំកម្មវិធី ពិព័រណ៍អំពីការវិនិ​យោគ ការសិក្សា និងការចេញទៅរស់នៅបរទេស នៅថ្ងៃទី០៧ ខែមីនាខាងមុខនេះនៅសណ្ឋា​គារ​ណាហ្គាវើល។

ពិព័រណ៍អំពីការវិនិយោគ ការសិក្សា និងការចេញទៅរស់នៅបរទេស ឆ្នាំ២០២០នេះ ជាកម្មវិធីដ៏កម្រមួយ ពីព្រោះមានអ្នកជំនាញផ្នែកច្បាប់មកពីបណ្តាប្រទេសជាង១០ខុសគ្នា មកចែក​រំលែកព័ត៌មានដោយផ្ទាល់ដល់អ្នកចូលរួម ហើយផ្តល់នូវឯកសារជំនួយស្មារតីជាច្រើនថែមទៀត។

លោក សុខ មង្គលរស្មី អគ្គនាយកក្រុមហ៊ុន Australian Investment Asia បានរៀប​រាប់​ថាពិព័រណ៍នេះ មិនត្រឹមបើកឱកាសឱ្យចូលរួមដោយសេរី និងឥតគិតថ្លៃប៉ុណ្ណោះទេ ប៉ុន្តែអ្នកជំនាញផ្នែកច្បាប់ដែលមកពីប្រទេសអាមេរិក អូស្ត្រាលី និងប្រទេសកាណាដាជាដើម នឹងជួយបកស្រាយចម្ងល់ដោយផ្ទាល់តាមរយៈកម្មវិធីសំណួរចម្លើយថែមទៀតដល់អ្នកចូលរួម ទាក់ទងនិងការស្នើសុំ ទិដ្ឋាការវិនិយោគ រស់នៅ ធ្វើការ និងទៅសិក្សា។

លោកអគ្គនាយកក្រុមហ៊ុនបានថ្លែងថា៖«​នាពេលកន្លងមក ក្រុមហ៊ុនរបស់លោកបានជួប​អតិថិជនជាច្រើន ដែលមានបញ្ហាទាក់ទងនឹងការស្នើរសុំទិដ្ឋាការចេញទៅទៅសិក្សាឬរស់នៅក្រៅប្រទេស។ ដូច្នេះ ពិព័រណ៌នេះនឹងជួយតម្រង់ទិសដល់អ្នកដែលចង់ទៅរស់នៅ សិក្សា និងវិនិយោគនៅបរទេស ជាពិសេសនៅ អូស្ត្រាលី»។​

លោក មង្គលរស្មីថ្លែងបន្តថា៖«ប្រជាជនកម្ពុជាមួយចំនួនមិនទាន់យល់ពីបញ្ហានេះ[ស្នើសុំវីសា និងទិដ្ឋាការ]បានស៊ីជម្រៅនោះទេ ពួកគេគិតថាវាជាការបំពេញពាក្យស្នើសុំធម្មតា និងស្មាន​តែបកប្រែឯកសារដូចគ្នាទាំងអស់»។

បន្ថែមលើនេះ លោកថាអតិថិជនមួយចំនួនយល់ថា ការសុំសិទ្ធជ្រកកោន​ ឬ ស្នាក់នៅរយៈវែងនៅឯបរទេស គឺជាការបំពេញពាក្យសុំទិដ្ឋាការសាមញ្ញ ពុំចាំបាច់មានការយល់ដឹងជ្រាលជ្រៅអំពីច្បាប់របស់​ប្រទេសដែលខ្លួនចង់ទៅនោះក៏បាន និងបញ្ហាមួយទៀត គឺពួកគេយល់ថា មេធាវីម្នាក់ណាក៏សុទ្ធតែមានសមត្ថភាពទូលំទូលាយ អាចជួយរៀបចំឯកសារដាក់ពាក្យស្នើរសុំទិដ្ឋាការបានដូចៗគ្នា ទាំងអស់នេះជាការគិតខុស។

សូមបញ្ជាក់ថា ក្រុមហ៊ុន Australian Investment Asia ត្រូវបានបង្កើតឡើងនៅប្រទេសកម្ពុជាតាំងពីឆ្នាំ២០០១មកម្លេះ។  រហូតបច្ចុប្បន្នក្រុមហ៊ុនមួយនេះបានជួយរៀបឯកសារជូនអតិថិជនខ្លួន ទទួលសិទ្ធស្របច្បាប់ចេញទៅរស់នៅ រៀនសូត្រ និងវិនិយោគនៅឯបរទេសជាង៨,០០០ករណី៕

អត្ថបទដោយ: Vanda